¹ Toelede kulangilila ingombe yo muna Isilayeli nyoko nanga mbelele zyakwe kuti zisweeke wamana waliyuba kuli mzizo; welede nconzyo wazipilusya kulinguwe. ² Kuti na muna Isilali nyoko tainsi afwifwi ayibo, nanga kuti tomwizi, nkokuti welede kumutola munyama kunganda yako, mponya welede kuba aibo kusikila amuyandole, mponya welede kumupa kulinguwe. ³ Welede kucita mbubonya okumbangolo yakwe; welede kucita mbubonya okucizwata cakwe; welede kucita mbubonya kuzintu zyeense zomu Isilali nyoko ziswekide, kufumbwa eco casweeka mponya wacijana; toelede kuyuba. ⁴ Toelede kuyuba wabona mbongoli nanga ngombe yomu Isilali nyoko ziliwide munzila mponya waliyuba; welede nconzyo wamugwasilizya kuzibusya ambi. ⁵ Mwanakazi taelede kuzwata ziswana o mwalumi nanga mwalumi taelede kuzwata zizwato zyomwanakazi; nkaambo kufumbwa ucita zintu ezi malweza ku Mwami Leza wako. ⁶ Kuti na citente cakayuni caboneka kunembo lyako munzila, kufumbwa mumusamu nanga ansi, otwana nanga mai muli ncico, mponya banyina balikede akana nanga amai, toelede kutola banyina antomwi otwana. ⁷ Ncozyo welede kuleka banyina bainke, pele twana ulakonzya kulitolela. Lemeka mulawo oyu kuti zyeense zikwendele kabotu, ambi okuti wongole. ⁸ Kuti wayaka nganda mpya, welede kubika zikwa bilizyo ku ciluli eciko nkokuti utaeti bulowa kunganda yako kuti muntu na wawa kuzwa alya. ⁹ Toelede kubyala musansa wako emisyobo ye mbuto zyobile, kucitila kuti butebuzi bweense butanganizigwi obusena busalala, imbuto eyo njiwabyala ambi yomusansa. ¹⁰ Utajokeli ngombe embongolo antomwi, ¹¹ Utazwati cizwato cipangidwe obuntonje. ¹² Welede ulipangila nkabisa muzyoko zyone zye cizwato cako. ¹³ Na mwalumi wakwata mwanakazi, mponya wainka kulinguwe amana wamusula, ¹⁴ Mponya wamupa kambo okumubisyazina, okwamba kuti, ''Ndakamubweza kulinguwe, ndakajana bumboni bukuti takwe busimbi mulinguwe.' ¹⁵ Mponya baisi abanyina bomusimbi belede kutola bumboni bobusimbi bwakwe ku baala kumulyango wo muunzi. ¹⁶ Baisi bomusimbi beelede kwambila baalu, ndakapa mwanangu musimbi kumwalumi oyu kuti abe mwanakazi wakwe, pele ulimusulide. ¹⁷ Amulange wamutamikizya zintu zyusisya nsoni mponya wakati, ''Takwe bumboni bobusimbi mbundajana mumwanako.'' Pele mbobu bumboni bobusimbi bomwanangu. 'Mponya bayonika cizwato kunembo abaalu bo muunzi. ¹⁸ Baalu bayo munzi belede kutola oyo mwalumi okumupa cisubulo; ¹⁹ mponya belede kusongelezya kuti abbadele mwaanda omwi wamasyekeli ensiliva, okwapa kuli baisi bomusimbi kambo mwalumi oyo weta masampu mabi ku musimbi muna Isilali. Welede kuba mwanakazi wakwe; taelede kumutanda mumazuba obuumi bwakwe bweense. ²⁰ Pele kuti na cintu eci cenconzyo, cokuti bumboni bobusimbi takwe nibwakajanika mumusimbi, ²¹ nkokuti belede kutola musimbi oyo kumulyango we nganda yabaisi, mponya baalumi bo munzi wakwe beelede kumujaya kwinda kumumupotola amabwe, nkwambo wacita cintu citondwa mu Isilali, kucita mbuli sibumambe munganda yabaisi; mponya muyogwisya bubi kuzwa akati kenu. ²² Kuti na mwalumi wajanika walala omwanakazi ukwetwe ku mwalumi umbi, nkokuti beense belede kufwa, mwalumi wakalala omwanakazi ambi omwanakazi lwakwe, nkokuti muyo gwisya bubi kuzwa akati kenu. ²³ Kuli na kuli utana kuziba mwalumi, utangidwe omwalumi, mponya umwi mwalumi wamujana mumunzi okulala anguwe, ²⁴ amubatole beense kumulyango womunzi, okubajaya kwinda mukubapotola mabwe. Mwelede kupotola musimbi, nkambo takwe nakakwila, nikuba kuti wali mumunzi mwelede kupotola mwalumi, nkambo wasofwazya mwanakazi wo mwenzinyina; mponya muyogwisya bubi akati kenu. ²⁵ Pele kuti mwalumi wajana musimbi ubulikidwe mumunda, mponya wamongolezya walala anguwe, nkokuti mwalumi walala anguwe welde kufwa. ²⁶ Pele kumusimbi takwe ncimwelede kucita; takwe cibi celede lufu kumusimbi. Muli akaambo nyina okumujaya. ²⁷ Nkambo wakamujana mumunda; musimbi ubulikidwe wakakwila, pele tiwalikwe sikumuvuna. ²⁸ Kuti mwalumi wajana musimbi utana kulala omwalumi pele katabulikidwe, mponya kuti wamongelezya walala anguwe, kwamana bajanwa, ²⁹ nkokuti mwalumi wakalala anguwe welede makumi osanwe amasyekeli ensiliva kuli baisi bo mwanakazi, mponyawelede kuba mwanakazi wakwe, nkambo wamusofwazya. Taelede kumutanda mumazuba obumi bwakwe eense. ³⁰ Mwalumi taelede kucita mwanakazi wa baisi anga nguwakwe; taelede kunyansya milawo yo lukwatano lwabaisi.