¹ Mulangilile mwezi wa Abib, ambi mubambe insabata ku Mwami Leza wenu, kaambo mu mwezi wa Abib Mwami Leza wenu wakamugwisya mu Ijipiti ciindi camasiku. ² Muyopa paseka ku Mwami Leza wenu antomwi akabelele komwi ambi en'mbe mucibaka eco mwami cayosala kuti konobelekela kuko. ³ Tamuyoli cinkwa comumena; mazuba ali musanu abili, muyolya cinkwa citakwe mumena, cinkwa camapenzi; mbuli mbumwaka kazwa ku Ijipiti cokufwambana. Amucite eci mumazuba eense obumi bwenu kuti kamuyeye buzuba mbomwaka kazwa mu Ijipiti. ⁴ Takwe mumena welede kubona akati kenu kwiinda mumikano yenu kwa mazuba ali musanu abili; nanga nyama jimuyocita cipaizyo kujolezya mubuzuba butanzi itakasiali kusika mujunzonza. ⁵ Tamuyokonzi kupa cipaizyo cepaseka mukati mumunzi wenu pele Mwami Leza wenu uyomupa. ⁶ Pele mukapailile acibaka eco Mwami Leza wenu cayosala mbuli cipaililo. Awo muyocita cipaililo cepaseka kujolezya zuba nelibbila, aciindi eco comwakazwa mu Ijipiti. ⁷ Mwelede kuyoka okucilya mucibaka eco Mwami Leza wenu cakasala; kusesi seni muyopiluka kuzijole zyenu. ⁸ Kwamazuba ali musanu akomwi muyolya cinkwa citakwe mumena; mubuzuba bwe nsabata kuyoba muswangano wa Mwami Leza wenu; mubuzuba obo tamwelede kubeleka. ⁹ Muyolibalila nsondo zyili musanu ezibili; kuzwa ku ciindi nimuyo tebula maila mwelede kutalika kubala nsondo zyili musanu ezibili. ¹⁰ Mwelede kubamba pobwe lye nsondo lyo Mwami Leza wenu mukupa kuzwa kumanza enu cokulipa, kwiindila mbuli Mwami Leza wenu mbwa muleleka. ¹¹ Muyosekelela mumenso o Mwami Leza wenu-nywe, bana benu balumi, bana benu banakazi, bazike balumi abazike banakazi, ba Levi bala kati ke miinzi yenu, ambi abamuzwakule, bakafwidwa, ambi abamukamufu balakati kenu, acibaka eco Mwami Leza wenu cayomusalila cokukombela. ¹² Muyoyeya kuti mwali bazike mu Ijipiti; mwelede kubamba malailile aya. ¹³ Mwelede kuba,mba pobwe lye zijole kwa mazuba ali musanu abili mwamana kubugika mukutebula kuzwa kutudolo kwenu ambi okuzwa kumisansa. ¹⁴ Muyobotelwa ciindi cepobwe lyenu, bana benu balumi, banakazi, bazike benu balumi abazike benu banakazi, ba Levi, abamuzwakule, abakafwidwa, abamukamufu bali akati emilyango yenu. ¹⁵ Kwamazuba ali musanu abili mwelede kubamba pobwe lyo Mwami Leza wenu kucibaka eco cayosala, kaambo Mwami Leza wenu uyomuleleka mukutebula kwenu koonse ambi oku milimo yamanza enu yeense, mponya mwelede kusekelela cokumaninina. ¹⁶ Ziindi zyotatwe mumwaka boonse bana benu balumi balelede kuboneka ku menso o Mwami Leza wenu kucibaka eco cayosala: ku pobwe lye nsunda, ambi oku pobwe lye zijole. Takwe muntu uyoboneka cinkwa manza ku Mwami; ¹⁷ Nikuba namu, mwalumi o mwalumi uyopa mbuli bwakonzya, kuti mukazibe cileleko co Mwami Leza wenu cakamupa. ¹⁸ Amusale babetesi abendelezi mumunzi wenu Mwami Leza wenu njamupa; bayobwezigwa kuzwa ku misyobo yenu, mponya balede kubeteka bantu kwiindila mububetesi busalala. ¹⁹ Tamwelede kubweza bubetesi munzila yokusungilizya; tamwelede kusala nanga kubweza mali, kaambo mali alasizya menso omuntu ukupilinganya mizezo wabaluleme. ²⁰ Mwelede kucilila masimpe, kuzwa ku masimpe alike, kutegwa mukakale okukona nyika eyo Mwami Leza wenu ngayomupa. ²¹ Mutalibikili cikozyanyo ca Asherah, kufumbwa musumpululu, kumbali lyecipalilo co Mwami wenu kuti mulipagile. ²² Mutalibikili kufumbwa imbwe lyo musumpululu lisalala, elyo Mwami Leza wenu ndyasulide.