¹ Kumamanino e myaka ili musanu eibili, mwelede kulekelela zikoloti. Namu mbumwelede kucita: ² Inamu mbukwelede kucita ku lwangunuko: kufumbwa sikukolotisya uyolekelela eco ncakakolotisya ku mwenzinyina; taelede kusesa kuzwa ku mwenzinyina na kumuzyalwa nyina nkambo cindi cokulekelela zikoloti cakambwa o mwami. ³ Kuzwa ku muzwakule ulakonzya kucisesa; pele kufumbwa cako cili o muzyalwanyoko ijanza lyako lyelede kuleka buyo. ⁴ Nikuba namu takukoyoba bapenzi akati kenu(nkambo mwami nconzyo uyomuleleka munyika eyo njayomupa kuti cibe cikono cenu), ⁵ Kuti mwaswilizisya kujwi lyo mwami leza wenu, mukubamba milawo eyi yeense njelimukulailila sunu. ⁶ Nkambo mwami leza wenu uyomuleleka, mbuli mbwaka musyomezya; muyokolotisya ku masi manji, pele tamuyokoloti; muyoendelezya zisi zinji, pele tabakoyomwendelezya. ⁷ Kuti na kuli muntu mupenzi akatikenu umwi wabazyalwanyoko, akati kemilyango yenu kufumbwa mu nyika yenu eyo mwami leza wenu njamupa, tamwelede kuyumya myoyo yenu nanga kuvunga manza ku muzyalwa nyoko mupenzi; ⁸ pele nconzyo mwelede kujala manza enu kuli nguwe okumukolotisya mbuli mbwayanda. ⁹ Amucenjele kuti mutabi o muyeyo mubi mu myoyo yenu kamuti,''mwaka o musanu otubili, mwaka wolwangunuko, ulafwifwi, nkokuti mutabi obukukutu ku muzyalwanyoko mupenzi kuti mubule ncimumupa; ulakonzya kulilila mwami ankambo kenu, ape ciyoba cibi cenu. ¹⁰ Nconzyo mwelede kumupa, ape moyo wenu tawelede kulisenda awo mwanomupa, nkambo mukupilusizya eci mwami leza wenu uyomuleleka mumilimo yenu yeense ape omuli ezyo zyeense nzimujata. ¹¹ Nkambo bapenzi tabakoyomana munyika; nkokuti ndamulailila okwamba kuti, nconzyo mwelede kujula janza lyenu ku muzyalwanyoko, babuzi ape bapenzi munyika yenu.' ¹² Kuti muzyalwanyoko muhibulu mwalumi nanga muhibulu mwanakazi wauzigwa kuli yebo mponya wakubelekela kwe myaka ili musanu oumwi, mponya mu mwaka omusanu otubili welede kumuleka ainke angunuke kuzwa kuli yebo. ¹³ Ino kuti wamuleka wainka wazwa kuli yebo, toelede kumuleka ainke amanza manza. ¹⁴ Welede kumupa kuzwa kumbelele zyako, kumaila ape okumusansa wako. Mbuli mwami leza wako mbwaka kuleleka welede kupa kuli nguwe. ¹⁵ Welede kuyeya kuti wali muzike munyika ya Ijipiti, mponya mwami leza wako wakakunununa: nkokuti ndakulailila sunu kuti ucite eci. ¹⁶ Ciyoba kuti na wamba kuli yebo, 'Tandikokusiya,' nkambo ilakuyanda ape enganda yako, nkokuti ukede kabotu ayibo. ¹⁷ Mponya welede kubweza insunda udonkozye kutwi kwakwe kusyanikizya kucitendele, mponya uyoba muzike wako kusikila kumamanino obuumi bwakwe. Welede kucita mbubonya okumuzike wako mwanakazi. ¹⁸ Toelede kuboneka kuti nciyumu kuli yebo kumuleka kuti ainke kangunukide kuzwa kuli yebo, nkambo wakakubelekela kwe myaka ili musanu akamwi ambi emilimo yakwe waibadela cisela buyo camali emilimo yamulanda uuhola mali. Mwami leza wako uyokuleleka muli ezyo zyeense nzyocita. ¹⁹ Beense bana bapona batanzi be ngombe zyenu ape embelele belede kusalazigwa kumwami leza wenu takwe mulimo ngwatamubeleke abana bana batanzi be ngombe zyenu, nanga kugela bana batanzi bembelele. ²⁰ Mwelede kulya bana batanzi kumenso o mwami leza wenu mwaka o mwaka mucibaka eco mwami ncayosala yebo abenganda yako. ²¹ Kuti na uli akampenda-cikozyanyo mbuli, kuti na ncilema na ncofu, nanga kampenda kali buti toelede kucipaizya ku mwami leza wako. ²² Muyomulya mumanda enu; bantu basalala abatasalali beense bailye, mbubonya mbumulya nyama yakoonze na yensya. ²³ Citelede buyo kulya bulowa bwayo; mwelede kutila bulowa bwawo ansi mbuli manzi.