¹ Nkaambo bulelo bwakujulu buli mbuli mukamwini muunda wamasaansa wakaunka kukuyandaula babelehi manhumonhumo kuti babeleke mu muunda wakwe. ² Nobakamana kuvwana ababelehi kubbadelwa idariya lyomwe mubuzuba bomwe, wakabatuma ku muunda. ³ Nokwakainda mawoola otatwe alimwi wakaunka akuyanda bambi babelehi bakanyina cakucita kumuhika. ⁴ Kuli mbabo wakati, 'Anywebo mbubona, amuunke mu muunda, ndamupa cimweelele; Aboobo bakaunka kukubeleka. ⁵ Alimwi wakaunka muwoola lyacisambomwe alimwi amuwoola lahuka, wakacita mbubona. ⁶ Mbubona buyo amuwoola lya ikkumi akomwe wakaunka akuyana bambi bakanyina cakucita. Wakati kuli mbabo, 'Nkaambo zhyi ncomunyina cakucita buzub boonse? ⁷ ''Bakati kuli nguwe, 'Nkaambo kunyina watupa mulimo.' ''Wakati kuli mbabo,' Kamuya amwebo mu muunda wamasaansa.' ⁸ Nocakahika ciindi caacibbililo cazuba mukamwini muunda wakaambila hilutwe waampulasi, 'Koita babelehi kutewa ubabbadele umwi aumwi, kutalikila kuli bahaalizhya kuhikila kuli bataanguna.' ⁹ ''Babelehi ibakatalika awoola lya ikkumi alyomwe nobakaboola, omwe omwe wabo wakapewa idaliya lyomwe. ¹⁰ Elyo bakutaanguna nobaboola, bakali kuyeeya kuti balapewa ciindilila, pele abalo bakapewa buyo daliya lyomwe. ¹¹ Elyo nobakapewa ibbadi yabo, bakamutongookela mukamwini muunda. ¹² Bakati, Aba babelehi bahaalizhya babeleka buyo iwoola lyomwe, pele wabapa iceelene andiswe, swebo notwabeleka mulimo wa buzuba boonse akubalwa zuba.' ¹³ Pele wakavwuwa akumwaambila umwi akati kabo wakati, 'Mweenzuma, kunyina ncindakubihila pe. Hena titwavwuminana ayebo ku daliya lyomwe? ¹⁴ Bweza icako uunke. Ndayanda kubapa bahalizhyi cikozhyenye mbubona mbwindakupa andiwe. ¹⁵ Hena taciluleme kuli ndime kucita mbweyanda kuli cangu? Naa ndiza waba amunyono nkaambo ndi kabotu? ¹⁶ Aboobo bahalizhyi bayakuba bataazhyi bataazhyi bayakuba bahyalizhyi.'' ¹⁷ aboobo Jesu nakali kuya ku Jelusalema, wakabweza bahiciya bali ikkumi ababili kumbali, elyo wakabaambila muzhyila wakati, ¹⁸ ''Amubone, tuunka mu Jelsalema, elyo Mwana wa Muntu uyakwaabwa kubapaizhyi bapati akubalembi. Baya kumupa mulandu kutewa ayayiwe ¹⁹ baya kumwaaba kuli bamahyi kuti bakamupukule, akumuuma, alimwi akumubambula. Pele mubuzuba bwatatu uyakubuhiwa.'' ²⁰ Elyo babanyina bana ba Zebidayo bakaboola kuli Jesu abana bakwe. Bakamukomba akulomba cintu cimwi kuli nguwe. ²¹ Jesu wakati kuli nguwe, ''Ino ncinzhyi ncomuyanda? '' Balo bakamwambila bakati, ''Kolailila kuti aba bana bangu bobile bakakkale umwi kululyo umwi kulumwehi, mu bulelo bwako.'' ²² Pele Jesu wakaingula wakati, ''Tamucizhyi ncomulomba. Hena mulakozhya kunywina mukanywino nkiti nywine mebo?'' Bakati kuli nguwe, ''Tulakozhya.'' ²³ Wakabaambila wakati, mukanywino kangu inga mwanyina. Pele heli ndime mvwumizhya kukkala kululyo nokuba kulumwenhi kwangu, pele nkukwabo aabo bakabambilwa kwa Taata.'' ²⁴ Elyo bahiciya ibali ikkumi nobakavwa boobo, bakanyemena babunyina bobile. ²⁵ Pele Jesu wakabaita akubaambila kuti, ''Mulizhyi kuti bami babamanhyi babacitila kami kami, abalo balemenede babelehya inguzu ali mbabo. ²⁶ Pele tacelele kuba bobuya kuli ndinywe. Ibuyo, oyooyo uyanda kuba mutaazhyi muli ndimwe welele kuba mutwanga wenu, ²⁷ alimwi ayooyo uyanda kuba mutaazhyi muli ndimwe welele kuba mutwanga wenu, ²⁸ mbubona mbobuli Mwana wa Muntu takaboolela kuti abelekelwe, pele wakaboolela kuti abeleke, alimwi akupa buumi bwakwe kuti bube cinunuzhyo cabanji. ²⁹ Nobakali kunvwa mu Jeliko, bantu banji bakamutobela. ³⁰ Kwakali boonhwu bobile bakakkele mumbali a mugwagwa. Nobakanvwa kuti Jesu ulayinda, bakoompolola bakati, ''Mwami, Mwana a Davida, kotubela a luzhyalo.'' ³¹ Ono makamu abatu akabatapatila kuti baumune, pele nokuba boobo bakaindilizhya koongolola kuti, ''Mwami, Mwana wa Davida, kotubela a luzhyalo.'' ³² Mpoona Jesu wakaima akubaita wakati, ''Ino nizhyi ncomuyanda kuti ndimu citile?'' ³³ Bakati kuli nguwe, ''Mwami, tuyanda kuti meso ajulwe.'' ³⁴ Elyo Jesu wakabanfwila luzhyalo, wakakwata meso abo. Icakunhwambaana bakabonehewa akumutobela.