¹ Ono cakacitika kuti ilyo Jesu naakamana makani aya, wakahvwa ku Galilaya akuhika kucihi ici zhyingulukile Judaya kwitala lya mulonga Jordani. ² Makamu makamu abantu akamutobela, alimwi wakabahilika nkukona oku. ³ Ba Pharisee bakaboola kuli nguwe, kumusunka, baamba kuli nguwe, ''Hena cili mumulawo kuti mulombwana aleke mwinakwe mukaambo ikali koonse?'' ⁴ Jesu wakaingula akwaamba kuti, ''Hena mwiina no mwakabala kuti walo iwakabalenga kuhvwa kumakankilo wakabalenga balombwana a bakaintu? ⁵ Nguwea iwakabalenga nguwa kati, 'Akaambo kaaka mulombwana uyakuhiya bauhi ababanyina akuswaangana ku mwinakwe, alimwi aba bobile balakaba inyama yomwe.' ⁶ Nkokwaamba tabacili bobile, pele ni nyama yomwe. Aboobo ica Leza ncha swaangana antoomwe, kutabi umwi ucaandanya.'' ⁷ Bakati kuli nguwe, ''Nkokuti ino nkaambo nzhyi Muusa nchankatulailila kupa cipepa cakuhwa lwa wamana wamuleka waunka?'' ⁸ Wakati kuli mbabo, ''Akaambo ikakuyuma moyo, Muusa nchaakamuhvwumizhya kuleka bamakintu benu, pele kuhwa kumakankilo ticakali boobo pe. ⁹ Ndamwaambila mwebo, kuhwumbwa uuleka mwinakwe, kuleka akaambo ka nkwela, amane watwala uumbi, uyo wacita mamambe. ¹⁰ Bahiciiya bakati kuli Jesu, ''Naa mbokabele ubo kaambo kamulombwana amwinakwe, anu tacili cibotu kutwala.'' ¹¹ Pele Jesu wakati kuli mbabo, ''Tabali boonse ibanga bahvumina aka kaambo, cita buyo baabo ibapelwa. ¹² Kayi nkobali ibakazhyalwa mbazhibe kuhvwa mwida lyabanyina, alimwi nkobali bazhyibe ibakabambwa abantu ubo, alimwi nkobali bazhyibe ibakalibamba boobo beni akaambo kabulelo bwa kujulu. Uyo uukonzhya kuhvumina injiihyo iyi, kaiyi hvumina,'' ¹³ Mppona tumwi twana bakatweta kuli nguwe kuti atubike maanza amitwe akupaila, pele balo bahiciiya bakabakalalila. ¹⁴ Pele Jesu wakati, ''Kamubaleka bana bahyoonto, alimwi mutabakahi kuboola kuli ndime, kayi bulelo bwakujulu mbubwabo abali bobuya.'' ¹⁵ Wakabika matanhyi abana, alimwi kumane wakahvwa uko. ¹⁶ Amubone, mulombwana wakaboola kuli Jesu akwaamba kuti, ''Omwiiyi, nchintu nzhyi icibotu nciyelela kucita kuti nkakone buumi butamani?'' ¹⁷ Jesu wakati kuli nguwe, ''Nizhyi ncombuzhya kukwatikizhya icibotu? Ulibuyo omwe mubotu, pele naan uyanda kunjila mubuumi, bamba milawo.'' ¹⁸ Mulombwana wakati kuli nguwe, ''Milawo iili? Jesu wakati, ''Utajaye, utaciti mamambe, uta bbi, uta mwambili kakubeja mweehinyoko, ¹⁹ lemeka bauso ababanyoko, alimwi koyanda bantunyoko umbona mboliyanda webo.'' ²⁰ Mulombwana mukubuhi wakati kuli nguwe, ''Izhyi zhyintu ndazhyitobela. NInzhyi ncinda hyaazhya?'' ²¹ Jeus wakati kuli nguwe, ''Naa ulakanza kululama, koya, ukasambale lubono lwako, wamana upe mucete, kwamana ulakakwata lubono kujulu, kwamana uboole, unditobele.'' ²² Pele walo mukubuhi naakateelela icakali kwaamba Jesu, wakahvwa kausile, akaambo kakuti wakakwete lubono lunji. ²³ Jesu wakaambila bahiciiya bakwe kuti, ''Mahimpe ndamwaambila, nchiyumu kuti muntu uuhuwile akanjile mubulelo bwakujulu. ²⁴ Alimwi ndamwaambila mwebo, ncuubauba ku nkamela kunjila mukapulo kanyeliti kwiinda muntu muhvubi kunjila mubulelo bwa Leza.'' ²⁵ Bahiciiya nobakanhwa aaya, bakakankamana akwaamba kuti, ''Ino nkokuti ngoni uunga wahutuka?'' ²⁶ Jesu wakabalanga akwaamba kuti, ''Kubantu eci tacikonzhyeki, pele kuli Leza zhyintu zhyoonse zhyilakonzhyeka.'' ²⁷ Ndilyona Petulo wakaingula akumwaambila kui, "Bona, twakahyiya zhyintu zhyoonse akukutobela. Ino tuya kupewa nzhi?'' ²⁸ Jesu wakati kuli mbabo, ''Mahimpe ndamwaambila mwebo, mumusela mupya lyalo Mwana a Muntu wakukala a cuuno cakwe icabulemu, mwebo nomwakanditobela amwebo muyakukala azhyuuno izhyili ikumi mwaabili, kamubeteka mikowa iili ikumi ayi bili iya Israeli. ²⁹ Boonse ibakahiya maanda, banyina basankwa, bahimbi, bauhyi, babanyina, bana, noiba inyika akaambo kaizhyiina lyangu bayakutambula bulumbu zhiindi zhyili mwaanda mubunji alimwi baya kukona buumi butamani. ³⁰ Pele ibanji ibali kumbele baya kuba munhyi, alimwi ibahyaalizhyi bayakuba kumbele.