¹ Muciindi eco bahiciiya bakaboola kuli Jesu akwaamba, ''Nguni mukando mu bwami bwa kujulu?'' ² Jesu wakaita kuli nguwe kana kahyoonto, wakaimika akati ali mbabo, ³ akwaamba, ''kahimpe ndaamba kuli ndimwe, cita musanduke akuba mbuli bana bashyoonto, kunyina nhyilanjomunga mwakunjila mubwami bwa kujulu. ⁴ Aboobo kuhumbwa oyo ulicehya lwakwe mwini mbuli mwana muhyoonto ngo mukando ku bwami bwa kujulu. ⁵ Kuhumbwa oyo utambula mwana muhyoonto mbuli yooyu muzhyina lyangu watambula ndime. ⁶ Pele kuhwumbwa oyo ubihizhya mwana muhyoonto uhyoma ndime, ncibotu walo kuti ibwe likando lyaangwa munhingo yakwe, akuwaalwa mubulanhwu ubwa lwizhyi. ⁷ ''Maawe kunyina kaambo kamabwe ahinkila! Nkaambo ncibotu kuti ayo mabwe ahinkila aboole, pele maawe kumuntu oyo mabwe ahinkila mwaaboolela! ⁸ Kuti itanhi lyako na tende lyako lya kuhinkila, koli sosolola akulisowa kule kuhwa kuli ndiwe. Ncibotu yebo kunjila kubuumi kolicisile naa kolicilema kwiinda kuwaalwa mumulilo utamani kokwete matanhi obile na matende obile. ⁹ Na liso lyako lyakupezhya, kolijwa akuli sowa kuhvwa kuli ndiwe, ncibotu yebo kunjila mu buumi aliso lyomwe kwiinda kuwalwa mukalambwe kamulilo ameso obile. ¹⁰ Amubone kuti timwa dyakaihya umwi wabaaba bahyoonto. Nkaambo ndamba kuli ndimwe kuti kujulu bangele babo lyoonse balalanga kubuhyu bwa Taata uli kujulu. ¹¹ Nkaambo Mwana wa Muntu wakaboola kunununa baabo ibakazhyimina. ¹² Ino muyeeya buti? Kuti umwi kakwete imbele izhyili mwaanda, mpoona yomwe yazhyimina, hena takonhyi kuhiya ahyili makumi ihuka azhyili ihuka kumbali amulundu akuya kuyandaula yomwe iyo iyazhimina? ¹³ Na waiyana, kahimpe ndaamba kuli ndimwe, ulasekelela akaambo kanjiyo kwiinda kuli zhyeezhyo ihyilli makumi ihuka azhyili ihuka zhyataka zhiminine. ¹⁴ Munzhyila njiyona, taluli luyando lwa Taata wenu uuli kwizhyeulu kuti omwe wabaaba bahyoonto hyonto kuti aka nyonyooke. ¹⁵ ''Naa mwanakwenu wakubihila, koya mukabuzhyanye anguwe nolike. Na wakuteelela, nkokuti waliyanina munyoko. ¹⁶ Pele kuti na tateeleli kuli ndiwe, tola omwe na bobile antoomwe andiwe kutewa ku milomo ya bobile na botatwe bakabe bakamboni kuhumbwa izwi liya kwiimiminwa. ¹⁷ Pele naawakaka kubateelela aaba , kokaamba kaambo kucekombelo. Na wakaka kuswiilila kucikombelo, komubika kuli ndiwe mbuli kuti muhedeni alimwi ul mbuli himitelo. ¹⁸ Ndaamba kuli ndimwe kahimpe, kuhumbwa zhyintu nzhyomwaanga anyika zhyilaangwa akujulu, kuhumbwa ncomwaangulula anyika cilaangululwa akujulu. ¹⁹ Alimwi ndaamba kuli ndimwe kahimpe, kuti naa bamwi benu bobile ahwuminnana anyika kuli cimwi cintu ncobalomba, cila citwa kuli mbabo a Taata uli kujulu. ²⁰ Nkaambo kuhumbwa kooko bobile naa botatwe nkobaswaangana muzhyina ilya ngu, uko amebo nkwili akati kabo. ²¹ Elyo Petrol wakaboola akwaamba kuli Jesu, ''Mwami, ino zhyiindi zhyongaye mukwesu nanka wambihyizhya kwamana himukwatila? Nkuhikila azhyiindi zhyili ciloba?'' ²² Jesu wakaamba kuli nguwe, ''mebo hikwaambili zhyiindi zhyili ciloba peepe, pesi nkwaambila kuhikila kuzhyiindi sebente alimwi sebente. ²³ Akaambo kaako bwami bwakujulu buli mbuli ku mwami umwi wakayanda kulingula twaambo twabazhyike bakwe. ²⁴ Mbuli mbwakakanka kulingula, umwi muzhyike uwakakwete mulandu wama talenta aali zhyuulu ikumi wakaletwa. ²⁵ Pele akaambo kakuti taakakwete cakulunga, mwami wakwe wakalailila kuti asambalwe buyo, antoomwe amukaintu abana bakwe atoonse ntwakakwete, kutewa mulandu umane. ²⁶ Mpoona muzhyike wakalala anhyi, kukomba kuli nguwe, waamba, 'Bamwami, kamumpa ciindi, njakulunga mulandu yoonse.' ²⁷ Ono mwami wa muzhyike oyu, mbuli mbwaakaba alubomba, wakamwaangulula akumulekelela inkongole yakwe. ²⁸ Pele muzhyike naakaunka akuswaanganya muzhike nyina, iwakakwete mulandu kuli wa mwaanda omwe iwama denarii kuli nguwe. Wakamukwata, wamuhina munhingo, waamba, 'Ndilungile mulandu ngokwete kuli ndime.' ²⁹ ''Pele oyu muzhyikenyina wakalala anhi wa kombelela, waamba, 'kompa buyo kaindi, ndakulungila.' ³⁰ Pesi ulya muzhyike wakutaanguna wakakaka. Walo mbwakacita, wakamutola akumuwaala mu ntolongo kuhikila akaulunge mulandu wakwe woonse. ³¹ Bazhyikenyina nobakaboona icaka citika, bakabiilwa cini cini. Bakaboola bamwaambila mwami wabo coonse icaka citika. ³² ''Mppona mwami wamuzhyike ulya waka mwiita akumwaambila, 'Omuzhyike mubyaabi, ndakaku kwatila mulandu wako woonse nkaambo wakakomba kuli ndime. ³³ Tookeelela kukwata luse ku muzhyike nyoko umbona mbwinda kaaba aluse kuli ndiwe hena?' ³⁴ Himalelo wakwe wakalemana akumukwata wamupa kuli bahintolongo kuhikila mulandu woonse akaulunge. ³⁵ Ono abalo ba Taata bakujulu mbobati kacite kuli ndimwe naa kuti kamutalekeleli munyoko kuhvwa kuunhi aamoyo.''