¹ Elyo Jesu wakaambila mabunga abantu antoomwe abahiciya bakwe. ² Wakati, balembi abafalisi balakkala acuuno ca Muusa. ³ Aboobo zhyintu zhyoonse zhyobamulailila kuti mucite, amuzhyicite akuzhyitobela. Pele mutatobeli micito yabo, nkaambo balaamba zhyintu pesi tabazhyiciti. ⁴ Izhya, balaanga mikuli milemu ilema kuyumuna, akubika amawezyo abantu. Pele balo lwabo tabakozhya kubika munywe wabo kuzhyi bweza. ⁵ Aboobo balacita milimo yabo kutewa beebelwe kubantu. Nkaambo balakomezhya mafilakateli aabo, akulampya maaya azhyizwaato zhyabo. ⁶ Balayanda zhyuuno zhyili kumbele mumapobwe azhyuuno zhyili kumbele muzhyikombelo, ⁷ akwaazhyiwa kwabulemu mumasambalilo, akwiitwa kuti 'Mwiiyi' kubantu. ⁸ Pele nywebo mutali kwiitwa kuti 'Omwiiyi', nkaambo mukwete buyo mwiiyi omwe, pele noonse muli babunyina. ⁹ Mutabi nowiita muntu anyika kuti taata, nkaambo mukwete buyo Taata wenu omweuli kujulu. ¹⁰ Alimwi mutaitwi kuti bayi, 'nkaambo mukwete buyo mwiyi omwe, Klisto. ¹¹ Pele mukando akati kenu uyakuba muzhyike wenu. ¹² Oyu ulisumpula uyakunfwiinhiwa, oyo ulibombya uyakusumpulwa. ¹³ Pele maawe kuli ndimwe, nobalembi anobafalisi, bahikupaupa ameso! Mwajalila bwami bwakujulu kubunhyu bwabantu. Ilwenu tamukanjili aboobo mwaleha bamwi ibeelele ¹⁴ kuyakunjila. ¹⁵ Maawe kuli ndimwe, nobalembi abamafilisi, nobahikupaupa ameso! nkaambo muleendenda alwizhyi amumanyika kuti musandule muntu omwe, elyo wamana kusanduka, mulamucita kuti ayindile kuba mwana wa gehena kwiinda kutaanguna mbuli ndimwe. ¹⁶ Maawe kuli ndimwe, nomusololela boonhu, nywebo nomwaamba kuti, 'Oyo ukonkezhya ku tempele ulaamba buyo, pele oyo ukonkezhya ku golide lya tempele, oyo ukwete mulandu.' ¹⁷ Nobanhubanhuba boonhu! Ncili cikando igolide naa itempele ilisalazhya igolide? ¹⁸ Alimwi, 'Kunhwumbwa yooyo ukonkezhya kucipaililo, uwamba buyo. Pele umwi aumwi ukonkezhya kucipo cili atala acipaililo, oyo ulikwete mulandu.' ¹⁹ Nywebo noboonhu! Ncili cikando, cipo nokuba cipaililo calo cisalazhya cipo? ²⁰ Aboobo, oyo ukonkezhya kucipaililo ulakonkezhya kuli ncico akuzhyintu zhyoonse zhyili mpawo. ²¹ Awalo ukonkezhya ku tempele ulakonkezhya kuli ndilyo akuli nguwe ukkala muli ndilyo. ²² Awalo ukonkezhya kujulu ulakonka ku cuuno ca Leza akuli nguwe ukkla ali ncico. ²³ Maawe kuli ndimwe, nobalembi anobafalisi, bahikuupaupa ameso! Nkaambo mulapaizhya kwa kkumi cazhyinhwu abbonko akampububu, pele makani makando amulawo mulaaleka - bulilami a luzhyalo alimwi alunhyomo. Pele ayo mwalekelela kwaacita akutaaleka. ²⁴ Nyebo nomusololela boonhu, nywebo nomuminununa insenye, inkamela amulaimena. ²⁵ Maawe kuli ndimwe, nobalembi anobafalisi, nobahikuupaupa ameso! Nkaambo mulasazhya atala acinywido amutiba, pele mukati muli zwile bubbi akutalyendelezhya. ²⁶ Noba falisi boonhu! Amutaangune kusazhya mukati kacinywido amukati kamutiba kutewa aalo anze asalale. ²⁷ Maawe kuli ndimwe, nobalembe anobafalisi, nobahikupaupa ameso! Muli mbuli cuumbwe cilambilwe mulembo utuba, uboneka kubotu atala , pesi mukati zhyizwile zhyinhuwa zhya bantu banfwile azhyisoweele zhyoonse. ²⁸ Muzhyila njiyona buyo, kubantu mulibonya kuba balulami atala, pele mukati muzwile kuupaupa ameso abubi. ²⁹ Maawe kuli ndimwe, nobalembi anobafalisi, bahikuupaupa ameso! Nkaambo mulayaka zhyuumbwe zhya bahinhimi akuzhyisakatizhya bubotu bwabaluleme. ³⁰ Mulaamba kuti, 'Notwakaliko kumazuba amatata esu notwataba antoomwe mukuyaya banhinhimi.' ³¹ Aboobo mulalipa mulandu mukwaamba kuti muli bana babo abo ibakayaya banhinhimi. ³² Nywebo mwazuzikizhya ceelela caba mauso benu. ³³ Nywebo nonzoka, nobana bacipile, mulakozhya buti kunhutuka kulubeta lwa lunyonyooko? ³⁴ Aboobo, amubone, ndamutumina banhinhimi abalombwana basongo abalembi. Bamwi babo muya kubayaya akuba kuba akubakankaila aciingano, bamwi babo muyakubauma mu zhyipaililo akubatanda mumizhyi umwi aumwi. ³⁵ Mamanino ngakuti akati kenu kuya kuboola oonse malowa abaluleme akatilwa anyika, kunvwa kubulowa bwa mululami Abel, kunhikila kubulowa bwa Zakaliya mwana wa Berekiah, ngomwakajaya akati ka tempele acipaililo. ³⁶ Mahimpe ndamwaambila, zhyoonse ezhyi zhyintu zhyiyakucitika kumusela uno. ³⁷ ''Jelusalema, Jelusalema, ojaya banhinhimi akuuma mabwe abo ibatumwa kuli ndiwe! Kanji kanji ndakali kuyanda kubunganya bana bako mbuli inkuku intumbu mbwibika twana twayo mumababa, pele webo wakakaka! ³⁸ Amulange, ing'anda yenu kuli ndimwe yaba matongo. ³⁹ Nkaambo ndamwaambila, kunyina limbi nomutikandibone uhiikila mukaambe kuti walelekwa ooyo uboola muzhyina lya Mwami.'''