¹ Lino Jeso nakamana kupa malailile kuli bahiciiya bakwe bali ikkimi abobole, wakabahiya akuya kukambauka muma dolopo abo. ² Johani kali muntolongo wakanhwa milimo Klistu njakali kucita, wakatuma mulumbe kwiinda muli ba hiciiya bakwe ³ akwaamba kuli nguwe, ''Hena ndendiwe oboola, ndiza tilindile umbi?'' ⁴ Jeso wakaingula akubaambila kuti, ''Kamuya mukamwaambile Johani eeco ncomwabona ancomwateelela. ⁵ Boohwu balabona, balema baleenda, ba hicinsenda balaponenhewa, bacungutu balanhwa alimwi, bahwile balabuhiwa alimwi akuba baumi, alimwi mulumbe ulakambaukwa kubacete. ⁶ Walelekwa ooyo utajani cilebyo akaambo kandime. ⁷ Nkabela aba bamalombwana nibakapiluka, Jeso wakatalika kwaambila mabunda abantu cijatikinhya Johani, ''Ino mulukula mwakaunka kubona nhyi - hena ndubu lwakalikuzunganyiwa amuwo? ⁸ Ino minhi njomwakaunka kubona muntu usamine nhyisani nhyibotu? Inhya, abo basama nhyisani nhyibotu bakkala mumaanda abamami. ⁹ Ino mwakaunka kukubona nhyi - muhinhimi? Inhya, ndamwaambila, kwiinda amuhinhimi. ¹⁰ Ngonguwe ooyu, walo wakalembwa. ¹¹ Kanhimpe ndamwaambila kuti akati kabaabo bakanhyalwa kuli ba makaintu, kunyina naba omwe mupati kwiinda Johani mubbinhyi. Pele muntu wiinda kuceya mubulelo bwakujulu mupati kwiinda kwiinda nguwe. ¹² Kunhwa kumazuba aka Johani mubbinhyi kuhikila ono, bwami bwakujulu bwakwatwa abukali, alimwi bantu bakali babutola acansana. ¹³ Nkaambo boonse bahinhimi amulawo bakahinhima kuhikila Johani; ¹⁴ Alimwi ndiza mulilibambilile kutambula, ngo Elijah uwakali kuboola. ¹⁵ Ooyo ukwete matwi akuteelenhya, ateelele. ¹⁶ Ino musela uno inga ndaukonhyaninhya anhi? Uli mbuli bamna bakkele kumuhika kabaita bamwi, ¹⁷ kabati, 'Twamulinhila nyeele pele timwanhyana. Toomoka, pele timwalila.' ¹⁸ Johani nkabela takali kulya cinkwa nokuba kunwa waini, pele bakaamba kuti, ''Ukwete idaimona.'' ¹⁹ Mwana wamuntu wakaboola wakali kulya akunwa, pele bakati, 'Amulange, mulyato alimwi mukolwi, mweenhinyina aba himutelo abahinhibi! Pele busongo bwalulamikwa ku milimo yakwe. ²⁰ Eelyo Jeso wakatalika kuzubulula ma dolopo ,mwaakacita maleele akwe manji, nkaambo tibakeempwa. ²¹ Maawe kuli ndiwe, Chorazin! Maawe kuli ndiwe Bethsaid! Kuti maleele nakacitwa ku Tyre aku Sidon akacitwa kuli ndimwe, nobakasandika kaindi akusama masaka akulilamba itwe. ²² Pele ndamwaambila kuti baya kuhwilwa luse bantu baku a Sidon buzuba bwa lubeta kwiinda ndimwe. ²³ Yebo, Carpenaum, ino uyeeya kuti uyakusumpulwa kuya kujulu? Peepe, uyakunyonyoonwa. Nkaambo mu Sodom maleele akcitwa ngomwakacitilwa andimwe. Nalikuciliko abwa sunu. ²⁴ Pele ndamwaambila kuti cili kuli cuubauba kunyika ya Sodom mubuzuba bwa lubeta kwiinda ndimwe. ²⁵ Aciindi eeci Jesu wakati, ''Ndakulumba, taata mwami wa julu a nyika nkaambo enhyi nhintu wakanhihisa kubantu basongo abateelela, akwaayubwilila bana ba hyoonto. ²⁶ Inhya, taata, nkaambo eeci cililuleme kubuhyu bwako. ²⁷ Nhyoonse nhyintu nhyapewa kuli ndime kunhwa kuli taata; kunyina umunhi mwana alikke uhi, alimwi kunyina umunhi uhi alike mwana ayooyo walo mwana ngwasala kuti amuyubunune. ²⁸ Amuboole kuli ndime nomukatele, anomulemenwe mikuli, ndiya kumulemununa. ²⁹ Amubweze joko lyangu alimwi mwiiye kuli ndime, nkaambo ndimubombe alimwi ndimutete moyo, elyo muyakujana kulyookenhya kwa myuuya yenu. ³⁰ Nkaambo ijokwe lyangu ndibotu alimwi mukuli wangu muuba.''