¹ Jeso wakabaita bahiciiya bakwe bali ikkumi abobile akubapa insana zhya myuuya itasalali, kwiingunhya akuponya akuponya malwanhyi ahiyenehiyene. ² Ono manhyina aabo bali ikkumu abobile ngaaya. Wakusaanguna, Simon,(Walo ngwakaita kuti alimwi ngo petro), a Andulo mwanaakwabo; Jakobe mwana wa Zebedee, a Johani mwanaakwabo. ³ Filipo, alimwi a Bartholomew; Tomas, alimwi a Mateyo himutelo; Jakobe mwana wa Alpheaus, alimwi a thaddeus. ⁴ Simon sikulinhya kalumbu, alimwi a Judas iskaliyoti, walo wakali kuya kukumwaaba. ⁵ Aba bali ikkumi abobile Jesu wakabatuma, wakabalailila akwaamba kuti, ''Mutakaunki mumasena bamahi mobakkala, alimwi mutakanjili mumadolopo abamasamaliya. ⁶ Ibuyo amukaunke kumbelele nhyi zhyizhyiminine zhya nga'nda ya isulaili. ⁷ Alimwi mbuli mbomuunka, amukakambauke akwaamba, 'Bulelo bwa kujulu bulo ahwahwi.' ⁸ Amukabaponye baciswa, amukababuhye bahwile,amukabaponye bahicinsenda, alimwi akwaangunha ma daimona, mwatambula buyo, amukape buyo. ⁹ Mutakabwezhyi ingolide,insiliva, nauba mukuba muntambo zhyenu. ¹⁰ mutakabwezhyi ma bbeeke mu lweendo lwenu, nokuba zhyibaki zhyimbi, nozhyiba impato, nauba musako, nkaambo mubelehyi cilyo cakwe cilimweelele. ¹¹ Kuhwumbwa dolopo nouba munhyi ngo munjila, amukakapule muntu weelele omo,amukakkale aawo kuhikila nomutikahwe. ¹² Mwaakunjila mung'anda amukayaanhye. ¹³ kuti na ing'anda ililuleme, luumuno lwenu alukabe alinjiyo. Pesi naa kitaluleme, luumuno lwenu alukapiluke kuli ndimwe. ¹⁴ Kuli baabo batikakake kumutambula nokuba kuteelela majwi enu, mwakuhwa mudolopo nokuba muma ng'anda, amukalikunkumune luhwuko kumatende enu. ¹⁵ Mahimpe ndamwambila, Oyu munhyi uyakujana mulandu mubuzhuba bwalubeta kwiinda nyika ya Sodom a Gomola. ¹⁶ Amulange, ndamutuma mbuli mbelele akati kabaumpe, amucenjele mbuli nzoka pele amubule mulandu mbuli nhyiba. ¹⁷ Amukacenjele abantu! Baya kumutola kumbeta inkando, baya kumukwibbaula muma synagogo. ¹⁸ Muya kutolwa kuli bama gavana akuli bamami akaambo kangu, cikabe cikondehyo kuli mbabo akulibamahyi ¹⁹ Baakumwaba buyo, mutakalibiliki icakuyakwaamba, nkaambo ncomutikambe ciyakupewa kuli ndimwe eco ciindi. ²⁰ nkaambo tamuli ndimwe nomutikakanane, pele muya wa taatawenu ngutikakanane muli ndimwe. ²¹ Munyina uyakwaaba munyina kuluhwu, awalo uhyi uyakwaaba mwana. Bana bayakubukila banhyali akubatola kukujaiwa. ²² Boonse baya kumuzonda akaambo kanhina lyangu, pele ooyo uya kuyuma kuhikila kumamanino, ooyo muntu uyakuhwutulwa. ²³ Bakumupenhya mumunhi, amukatiile kuli umbi, nkaambo mahyimpe ndamwaambila, tamukaindi muminhi ya Israeli mwana amuntu katana hyika. ²⁴ Hiciiya tali mukando kumwiiyi wakwe, nokuba munhike taindi himalelo wakwe. ²⁵ Cilagambya hiciiya kuti waba mbuli mwiiyi wakwe, alimwi munhike kuti waba mbuli himalelo wakwe. Kuti naa himalelo wa nganda bamwiita kuti Beelzebul, ino inga balo bahing'anda yakwe baakwitwa manhyina nhyi mabyaabi! ²⁶ Aboobo mutabayoowi, nkaambo kunyina cihisilwe citakwe kuya kuyubululwa, alimwi a ciyubile citakwe kuya kunhyibwa. ²⁷ Ncendamwaambila mumuhyinze, amukacaambe mu mumuni, eco ncomwateelela mumatwi, amukacoongolole atala alululi lwa ng'anda. ²⁸ Mutabayoowa abo ibajaya mubili pele kabatakonhya kujaya muuya. Pele amumuyoowe walo ukonhya kunyonyoona muuya amubili ku Gehena. ²⁹ Hena bahi ka meembya bobile tabasambalwi tu ka kkoini kahyoonto? Pele kunyina nokaba komwe kakonhya kuwila anhi kakunyina kutanhiba taata wenu. ³⁰ Woonse masusu amumutwe wenu ulaanhi mweelwe. ³¹ Mutyoowi. Mulayandika kwiinda tumembya tunji. ³² Aboobo ooyo onse undinhumina kubuhyu bwabantu, ambebo ndakumunhumina kubuhyu bwataata uli kujulu. ³³ Pele ooyo undikaka kubuhyu bwabantu ambebo njakumukaka kubuhyu bwataata uli kujulu. ³⁴ ''mutayeeyi kuti ndakboolela kuleta luumuno munyika. Hindakaboolela kuleta luumuno, pele iceba. ³⁵ Nkaambo ndakaboolela kukanhyanya mulombwana abauhi, alimwi amwana muhimbi ababanyina, mukamwana abanyinanhyala. ³⁶ Bahinganda nyina muntu baya kuba ba hinkondonyina. ³⁷ Ooyo uyanda bauhi nobaba abanyina kwiinda ndime tayelele kuba wangu, oyo uyanda mwana wakwe munsankwa naba mwana wakwe muhimbi tali wangu. ³⁸ Ooyo utabwenhi ciingano cakwe akunditobela tali wangu. ³⁹ Ooyo uyakulijanina buumi bwakwe uyakubusowekelwa. Pele ooyo usowekelwa buumi bwakwe akaambo kangu uyakujana. ⁴⁰ ''Ooyo umutambula nywebo ambebo ulanditambula, alimwi ooyo unditambula mebo ulamutambula ooyo wakandituma. ⁴¹ Ooyo utambula muhinhimi munhyina lya muhinhimi uyakutambula bulumbu bwamuhinhimi, alimwi alilmwi ooyo utambula muntu mululami munhyina lyamuntu mululami uyakutambula bulumbu bwa muntu mululami. ⁴² kuli yooyo upa nkapu ameenhyi atontola kumuhyoonto kuti anywe muhyina lyahiciiya, mahimpe ndamwaambila, kunyina naya kusowekelwa bulumbu bwakwe.''