¹ Jesu wakanjila mubwato, akulanduka, wakahika mumunhi wabana munhyaabo. ² Mpoona, bakamuletela muntu uyuminine mubili kalele amunseme. Nakabona luhyomo lwabo, Jesu wakati kumuntu uyuminine mubili, ''Mwanaangu, kosekaseka. Nhinyonyoono nhyako nhyalekelelwa.'' ³ Mpoona, bamwi balembi bakati mulicabo, ''Oyu muntu watukana.'' ⁴ Jesu wakali kwiinhi mizeezo yabo akwaamba kuti, ''Nkaambo nhi ncomuyeeya bubyaabi mumyoyo yenu? ⁵ Ncili cuubauba, kwaamba kuti, 'Nhinyonyoono nhyako nhyalekelelwa,' naa kwaamba kuti, 'Konyamuka weende'? ⁶ Ono kutewa munhyibe kuti mwana wa muntu ulikwete insana munyika nhyakulekelela nhinyonyoono, ... '' wakati kumuntu uyuminine mubili, 'Konyamuka, kobweza munseme wako, koya kunganda.'' ⁷ Mpoona muntu ooyu wakabuka akuunka kunganda yakwe. ⁸ Mabunga abantu nobakacibona eeci, bakayoowa akulumbainha Leza, wakapele insana eenhi kubantu. ⁹ Jesu nakainda kunhwa kooko, wakabona mulombwana wa nhina lya Matewo kakkele atente ilya himutelo. Wakati kuli nguwe, ''Kondicilila.'' Wakayumuka akumucilila. ¹⁰ Mbuli Jesu mbwakakkele kalya mung'anda, abaabo bahimutelo banji aba hinhibi bakaboola akutalika kulya a Jesu antoomwe aba hiciiya bakwe. ¹¹ Bama Falisi nobakabona boobo bakati kuli bahiciiya bakwe, ''Ino ninhi mwiiyi wenu ncalya abahimutelo abahinhibi?'' ¹² Jesu nakanhwa boobo, wakati, ''Bantu bayumu munhizo tabayandi muhilihi, pele buyo baabo baciswa. ¹³ Mweelele kuunka akuya kwiiya ncocaamba eeci: 'Ndilombonhya luse kutali cipainhyo.' Nkaambo hindakaboolela kwiita baluleme kuti beempwe, pele bahinhibi.'' ¹⁴ Mpoona bahiciiya ba Johani bakaboola kuli nguwe akwaamba kuti, ''Ino nkaambo nhi swebo abama Falisi ncotuliimya, pele bahiciiya bako tabaliimyi?'' ¹⁵ Jesu wakabaambila wakati, ''Hena bana bali mung'nda yabwiinga inga balila hibwiinga kacili ambabo? Pele mazuba ayakuboola hibwiinga natikabahiye, ono nobatikaliimye. ¹⁶ Kunyina muntu wakagambika cisani cinyowana acikobela cikulukulu, nkaambo ciyakuzapuka kunhwa kucikobela, aboobo kuzapuka kuyakwiindilila. ¹⁷ Bantu tababiki waini impya munkomo ya waini ya kaindi. Naa bacita boobo, inkomo ilaanduka, waini ulatika, ainkomo ilanyonyooka. ¹⁸ Jesu nakacili kubaambila zhyintu eezhyi, poona, umwi walupati-pati wakaboola akumuhugamina. Wakati, ''Mwana wangu munhimbi wahwa ono ono, kubule ubika itanhi lyakwo alinguwe, kutewa alimwi apone. ¹⁹ ''Mpoona Jesu wakayumuka akumucilila, abalo bahiciiya bakatobela. ²⁰ Mpoona, mukaintu wakali kuciswa kalobola kwamyaka ikkumi ayibili wakaboola kunze kwa Jesu akukwata cibaki nkocili kumamanino. ²¹ Nkaambo wakati kuli nguwe mwini, ''Kuti naa ndanhikwata nhisani nhakwe, ndaponenhewa.'' ²² Pele Jesu wakacebuka akumubona, wakati, ''Mwanaangu muhimbi, koba acamba; luhyomo lwako lwakuponya.'' mpoona awoola eli mukaintu wakapona. ²³ Jesu nakahika munganda ya mupatipati, wakabona bahikulinhya nyeele amabunga abantu kabalila. ²⁴ Wakati, ''Amunhwe, nkaambo muhimbi tahwile, pele uloona.'' Pele bakamuseka akumusampaula. ²⁵ Mabunga mabunga nakaguhiwa anze, wakanjila mucipinda cang'anda akumubweza mumatanhi, elyo muhimbi wakaimikila. ²⁶ Twaambo otu twakamwaika mumasena oonse. ²⁷ Jesu naakanhwa okuya, bantu boohu bobile bakamutobela, bakazumanana kaboongolola kabati, ''Kotubela aluse mwana wa Davida!'' ²⁸ Jesu nakanjila munganda, bantu boohu bakaboola kuli nguwe. Jesu wakati kuli mbabo, ''Hena mulahyoma kuti eeci inga ndacicita?'' ²⁹ Mpoona Jesu wakakwata meso aabo akwaamba, ''Acicitwe kuli ndimwe kweendelana aluhyomo lwenu.'' ³⁰ Mpoona meso aabo akajuka. Mpoona Jesu cakuhininhya wakbalailila akubaambila, ''Amubone kuti kubule naba omwe uticinhibe eeci.'' ³¹ Pele balombwana aaba bobile bakunka akumwaya mulumbe ooyu kucihi coonse mbocibele. ³² Mbuli mbobakali kuunka aaba balombwana bobile, mpoona, mulombwana hataambi wakakwete madaimona bakamuleta kuli Jesu. ³³ Madaimona nakaguhiwa, mulombwana hataambi wakatalika kukanana. mabunga abantu akakankamana akwaamba kuti, ''Eeci kunyina nocakabwenwe mu Isulaili!'' ³⁴ Pele balo bama Falisi bakati, ''Kwiinda mumwami wama daimona, ulatanda madaimona.'' ³⁵ Jesu wakaunka moonse mumadolopo amuminhi. Wakazumanana kuyiihya muma synagogue abo kakambauka mulumbe wabulelo alimwi akuponya malwanhi aandeene alimwi akuciswa kwaandeene. ³⁶ Naakabona mabunga mabunga aabantu wakeetenhewa, nkaambo bakali pengele akutyompokelwa. Bakali mbuli mbelele nhinyina mweembenhi. ³⁷ Wakati kuli ba hiciiya bakwe, ''Myuunda minji, pele babehi mbahyoonto. ³⁸ Aboobo cakuhwambana amupaile ku mwami wa myuunda, kutewa akonhye kutuma babelehi mumyuunda yakwe.''