¹ Muciindi eco Jesu mubuzuba bwa nsabata wakainda mu myuunda yansangu. Bahiciya bakwe bakanhwa nzala elyo bakatalika kucela maila a kulya. ² Elyo bama Falisi nobakabona boobo, bakati kuli Jesu, "Langa, bahiciya bako bacita citali mumulawo mu nsabata." ³ Pele Jesu wakabaambila, "Hena kunyina nomwakabala Davida ncakacita nakanhwa nzala, aba malombwana mbocakali limwi? ⁴ Wakanjila mu ng'anda ya Leza akulya cinkwa icakatuulindwe, calo catakali mumulawo kuli nguwe kulya alimwi catakali mumulawo akuli baabo mbocakali limwi, pele cakanhwu minhilwe buyo ba paizhyi. ⁵ Hena timwakabala mu mulawo kuti mu nsabata ba paizhyi mu tempele balasotoka nsabata pesi banyina mulandu? ⁶ Pele ndamwambila kuti mupati kwiinda tempele nkwali ano. ⁷ Kuti nomwali kuzhyi eci ncocaamba, 'Ndiyanda luse kutali cipaizhyo,' nomwata batongoka aba banyina mulandu. ⁸ Nkaambo Mwana wa Muntu ngo Mwami wa nsabata. ⁹ Elyo Jesu wakahvwa ooku akuunka ku sinagogo yabo. ¹⁰ Lino, kwakali mulombwana wakakwete itanhi lipuutile. Bama Falisi bakamubuzhya Jesu, bakati, "Hena cili mumulawo kuponya mu nsabata?" Kutewa ba mutamikizhye kucita cinyonyoono. ¹¹ Jesu wakabaambila, "Kuti kakuli muntu akati kenu, walo, kakwete buyo imbelele yomwe, alimwi kuti eyi mbelele yaunkila mu mulindi mu nsabata, hena inga taikwata akwiigunha? ¹² Muntu ulayandika maningi, kwiinda mbelele! Aboobo cili mumulawo kucita cibotu mu nsabaa." ¹³ Elyo Jesu wakati ku mulombwana ooyu, "Tandabika itanhi lyako." Wakali tandabika, elyo lyakalulama akuba kabotu, mbubona mbuli itanhi limbi. ¹⁴ Pele bama Falisi bakaunka akumu lwana baka kapaula nhila zhya kuti bamujaye. ¹⁵ Jesu, nkaambo wakalizhyi, wakanvwa oko. Bantu banji bakamutobela, elyo boonse wakabaponya. ¹⁶ Waka balailila kuti batakaambili bambi kuti bamuzhyibe, ¹⁷ kutewa cizuzikihiwe, eco cakaambwa a Isaya munhinhimi, kuti. ¹⁸ "Langa, mutwanga wangu ngwisalile; muyandwa wangu, muuya wangu ulikkomene muli nguwe. Njakubikka muya wangu muli nguwe, uyakutondazhya bululami kuli ba manhi. ¹⁹ Takakozhyi nokuba kulila cakoongolola; kunyina utikanvwe ijwi lyakwe mumigwagwa. ²⁰ Lubu lucengeme takalutyoli; takahimi mulilo wabuhi, kuhikila akatondezhye bululami kuti bukazunde, ²¹ mu zhyina lyakwe bamahi bakabe abulangizhyi." ²² Elyo umwi muntu moohu hicimumu, wakanjililwe ma daimoni, bakamuleka kuli Jesu. Wakamuponya, elyo cimumu wakambaula akubona. ²³ Mabunga abantu bakagambwa akwaamba kuti, "Hena oyu mulombwana Mwana wa Davida? ²⁴ Pele bama Falisi nobakanvwa maleele, bakati, "Oyu mulombwana taguhi ma daimona cita buyo kwiinda muli Beelzebul, mwami wama daimona." ²⁵ Pele Jesu mizeezo yabo wakali kwiizhyi akubambila kati, "Malelo akwete mipampo mipampo ayakumwaika, alyalo dolopo naiba ing'anda ikwete mipampo mipampo tikazundi. ²⁶ Naa satani watanda satan, wapanga mipampo muli nguwe mwini. Ino ono bulelo bwakwe buya kuzunda buti? ²⁷ Naa kuti ndatanda ma daimona muzhyina lya Beelzebul, ino bana benu baatandila muli ni? Mu kaambo aka bayakuba babetehi benu. ²⁸ Pele naa ndatanda ma daimona a muuya wa Leza, nkokuti bulelo bwa Leza bwamuhikila. ²⁹ Ino inga muntu wanjila buti mu ng'anda ya muntu hinguzu kubba impaha yakwe kakunyina kutaanguna kumwaanga oyu muntu hinguzu? Elyo natikabbe mpaha mung'anda yakwe. ³⁰ Oyo utali andime ngohinkondoma, alimwi oyo utabungiki andime ulamwaya. ³¹ Aboobo ndamwambila, kuhumbwa zhyinyonyoono amatuhi ku bantu ayakulekelelwa katukana muuya tacikalekelelwi. ³² Kuli yooyo wambaula majwi kukazhya Mwana wa Muntu, uyakulekelelwa, pele oyo wambaula kukazhya Muuya Usalala, takalekelelwi, nomuba munyika muno, nokuba muli yilya iyakuboola. ³³ Amubambe cisamu kuti cibote amicelo yanjiyo ibote, naa mubambe cisamu cibiye amicelo yanjiyo ilabiya, nkaambo cisamu cilahibwa ku michelo yanjiyo. ³⁴ Nywebo nobana baba cipile, nkaambo muli babyaabi, ino inga mwaamba buti zhyintu zhyibotu? Nkaambo milomo yenu ilabandika zhyibi zhinji zhivwa ku moyo wakwe. ³⁵ Muntu mubotu ulaaguha zhyintu zhyibotu kunhwa kuciyobwelo cakwe. Awalo muntu mubi ulaguha bubyaabi kuzhwa kuciyobwelo ca moyo wakwe mubi. ³⁶ Ndamwambila kuti mu buzuba bwalubeta bantu bayakupa bumboni kumajwi oonse ngobakaamba. ³⁷ Kwiinda mumazwi muya kusalazhyiwa, alimwi kwiinda mu mazwi muya kupewa mulandu." ³⁸ Bamwi balembi abama Falisi bakamwingula Jesu bakati, "Omwiyi, tulomba kubona citondezhyo kuli ndiwe." ³⁹ Jesu wakaingula akubaambila, "Musela wabahizhyibi abahibwaamu bayanda citondezhyo. Pele kunyina citondezhyo ncobatipewe ccita buyo citondezhyo ca zjona muhinhimi. ⁴⁰ Nkaambo Jona wakakkala mwida lya nswi mpati mazuba otatwe amahiku otatwe, awalo Mwana wa Muntu uyakukkala mu moyo wanyika mazuba otatwe amahiku otatwe. ⁴¹ Bantu baku Nineveh bayakuba mulubeta abantu bamusela uno alimwi bayakubapa mulandu. Nkaambo bakeempwa kubukambaunhi bwa Jona, amulange, walo mukando kuli Jona uli waano. ⁴² Mwami mukaintu wakumusanza uyakwimikila mubuzuba bwa lubeta abantu bamusela uno elyo uyakubapa mulandu. Wakanvwa kumamanino anyika kuzakwivwa busongo bwa Solomoni, amubone, walo mupati kwiinda Solomoni uli waano. ⁴³ Muya mubyaabi nuvwa mumuntu, wainda mumasena anyina meenhi akukapula busena bwakupumunina, pele taiyani. ⁴⁴ Elyo ulati, "Ndapilik ku ng'anda yangu nkwindaka nvwila; Wapiluka, ulajana ing'anda inyina ncikwete - yakapalwa akubambwa cabulondo. ⁴⁵ Elyo ilaunka akutoleezhya imbi ili ciloba atala alinjiyo, yoonse ilaboola kuti ikkale omuya. Elyo ciimo camuntu ulya cilaindilila kubiya kwiinda mbwakali kutaanguna. Mbocitikabe obu kumusela uno." ⁴⁶ Jesu nakacili kwaambaula ku mabunga a bantu, mpoona, banyina abana bakwabo bakaliinvwi anze, bakali kuyanda kubandika anguwe. ⁴⁷ Umwi wakati kuli nguwe, 'Langa, babanyoko abanabakwenu baliinvwi anze, bayanda kubandika andiwe." ⁴⁸ Pele Jesu wakaingula akwaambila yooyo wakamwaambila, "Ino mbani babaama alimwi ino mbaani bakwesu?" ⁴⁹ Elyo wakatandabika itahi lyakwe kuli ba hiciiya bakwe wakati, "Amubone, aaba mba babaama alimwi mbabana bakwesu! ⁵⁰ Oyu ucita luyando lwa Taata uli kujulu, oyu muntu ngomwanakwesu, ngo mucihi alimwi ngo baama."