¹ Cakacitika mpoona Jesu nakatalika kwendeenda kuhinguluka ma dolopo andeene alimwi aminzhi, kaya bukambauka alimwi akwambilizhya mulumbe wamakani mabotu kukwatikizhya bulelo bwa Leza. bali kumi mubabili akali limwi, ² kubikilizhya abamakaintu bamwi ibakaponenzhyewa kuhwa ku myoza mibyaabi alimwi amalwahi: Maliya wakali kwiitwa kuti Magadalena, kwalo bahikazhwa bali ciloba bakatandwa kulwa muli nguwe. ³ Joanna, mukaintu wa Chuza, mweendelehi waka Herod; Susanna; alimwi abamwi banji banji, balo, kuhwa mukukwata, bakapa nzhyo bakali kuyanda. ⁴ Kakuli inkamu inkando yabantu yakali bungane, alimwi bantu bakali kuza kuhwa ku dolopo aku dolopo, wakabaambila kaano; ⁵ "Mulimi wakaunka ukuhyanga imbuto yakwe. Mbuli mbwakali kuhyanga, zhimwi zhyakawila mumubali anzhila eelyo zhyakalyataunkwe amatende, mpoona bayuni bamwizeulu bakoza akuhilya. ⁶ Zhimwi zhyakawila abwe, mbuli mbozhyakali kukomena, zhakanyana, nkaambo kwakanyina mudumu. ⁷ Zhimwi zhyakawila mumanhwa mpoona manhwa akakomena anzhizhyo inseke eelyo zhyakayaswa. ⁸ Pele zhimwi nhyakawila anhwu libotu eelyo nhyaka zhyala myaanda zhyiindi kuhwula.". Nakamana Jesu kwaamba zhintu eezhi, wakaita, "Kuhwumbwa ooyo ukwete matwi akutelela, atelele," ⁹ Bahiciiya bakwe bakamubuzhya kaano aaka ncokakali kwaamba. ¹⁰ Wakati, "Luhibo lwamaseseke abulelo bwa Leza bwapewa kuli ndimwe, pele kuli bamwi ng'ambaula mumansendekela, kucita kuti 'bataboni , alimwi kuteleela batateeleli.' ¹¹ Ono mboobu mbokaamba kaano aako: inseke ndizwi lya Leza. ¹² Eezhyo zhyakawila mumbali anzhila mbababo bakanhwa, pele dyabulohi wakahika akubweza izwi kuhwa mu myoyo yabo aboobo tabati hyome alimwi akuhwutulwa. ¹³ Eyo yakawila abwe mbababo aabo, banga bahwa izwi, balahitambula caku komana. Pele banyina miyanda; balahyoma kwakaindi kahyoonto, muciindi cakunsukwa balebwa bawa. ¹⁴ Inseke zhyakawila mumanhwa aba mbantu banhwa izwi, pele mbuli mbobaunka munzhila yaba, belehikwa abwendelehi alimwi abahwubi alimwi akuli komanihya kwa buumi oobu, aboobo micelo yabo tiibizhwi. ¹⁵ Pele inseke yakawila ahwu libotu aaba mbembabo, banhwa izwi cakuhyomeka alimwi aca moyo mubotu, balazhyala micelo mibuhwucamba bukalilila. ¹⁶ "Kunyina naba omwe uyanhya lambe wamana walihwunika mutiba nokuba kulibika kuuhi abulo, naa, ulabeka akaimino ka lambe kutewa oonse unjila akonzhye kubona mumuni. ¹⁷ Aboobo kunyina cihisilwe cita kahibwi, nociba cimwi cintu camaseseke cita kahibwi alimwi akulibonya mumuni. ¹⁸ Aboobo amutelehyehye kabotu, nkaambo kuli yooyo ukwete, kunji kuya kupewa kuli nguwe, pele kuli yooyo utakwete, azhyeezhyo zhya yeeyela kuti ulikwete zhila kanyanhiwa kuzhwa kuli nguwe. ¹⁹ Mpoona banyina abana bakwabo basankwa bakaboola kuli nguwe, pele tibakacikonzhya kumuhika munhi munhi akaambo kama kamu abantu banji. ²⁰ Wakambilwa kuti, "Banyoko abana bakwenu basankwa baliinhwi ansengwe, kabayanda kukubona yebo." ²¹ Pele Jesu wakaingula akwaamba kuli mbabo, "Babama alimwi abana bakwesu basankwa mbabaabo ibanhwa izwi lya Leza alimwi akuli cita." ²² Ono bumwi buzuba wakanjila mu bwato aba hiciiya bakwe, alimwi akwaamba kuli mbabo, "Atuunke kwitala lyakokulya alwihi." Bakatalika kukwasula. ²³ Pele mbuli mbobakali kukwasula wakoona. Luwo lukando luyoohya lwakahika mulwihi, eelyo bwato bwabo bwakazula mwwnhi, eelyo bakali mucihijazhyo. ²⁴ Mpoona bahiciiya bakwe ajesu bakaboola kuli nguwe alimwi akumubuhya, kabati, "Himalelo! Himalelo! tukalahwa! "Waka buka akunyema luuwo ameenhi, mpoona lwakamana, kwakaba luumuno. ²⁵ Mpoona wakati kuli mbabo "Ino luli kuli luhyomo lwenu?" Pele bakali yoowele akungambwa, alimwi bakabuzhyanyana mucicabo, "Nguni ooyu, ukozhya kuimika luuwo ameenhi, alimwi lwamutelela?" ²⁶ Bakakwasula kuya ku cinkoswa ca Gerasenes, calo cili mwitala a lwizhi lwa Galilaya. ²⁷ Ono Jesu nakalyata inyka, wakaswaangana amulombwana uhwa kwi dolopo wakakwete bahikazhwa kwaciindi cilanhwu takali kusama hisani, alimwi takali kuponena mung'anda pele akati kahyuumbwe. ²⁸ Eelyo nakabona Jesu, wakakwiila akulihwusa anhi kumbele lyakwe alimwi akwaamba aizwi lilanhwu, "Hena ncinhi ncokonzhya kuncila ndime, Jesu, Omwana usumpukile cini cini wa Leza? Ndakulomba webo, utanditundululi mebo." ²⁹ Nkaambo Jesu wakalailila myoza mibyaabi kuti izhwe mumuntu . Nkaambo bunji bwahiindi zhyakali kumupe zhya walo. Alimwi nokuba kuti wakali kwaangwa amanketani amaloko alimwi akulangwa aba malonda, wakali kuhikosoola inketani eelyo wakali kweezhyewa aba hikazwa kumutola munkanda. ³⁰ Mpoona Jesu wakamubuzhya, "Hena ndiweni ihina lyako?" "Legion," kaambo bahikazwa banji bakamujila. ³¹ Bakazumanana kumulomba kuti atabatandili mukwiingaila. ³² Ono kwakali iyanga ikando lya ngulube lyakali kucela kuselamukwa lya mulundu. Bahikazwa bakamulomba kuti abahwumizhye kuti bakanjile mubutanga, mpoona wakabahwumizhya. ³³ Eelyo bahikazwa bakahwa mumuntu alimwi akuya kunjila munulube, aboobo itanga lyakaselemuka akunjila mukahwalo kaya mulwizhi akuunkila. ³⁴ Ono bakali kweembela ingulube nobakabona cakacitika, bakatiyana alimwi akuunka kuya kwaamba mudolopo alimwi acihi coonse. ³⁵ Eelyo bantu bakaunka kuya kubona caka citika, mpoona bakaboola kuli Jesu akuza kumuyana muntu walo oyo wakali kuhwa bahikazwa. Wakali kukele kumatende aka Jesu, kasamine alimwi kahitikile mumuzeezo yakwe; mpoona bakayoowa. ³⁶ Aboobo bakalangilila bakabaambila mbuli muntu wakanjililwe bahikazwa mbwaka ponenzhyewa. ³⁷ Mpoona bantu boonse bamu cinkoswa ca Gerasenes bakamulomba Jesu kuti anhwe kuli mbabo, nkaambo bakanjilwa kuyoowa kukando. Eelyo wakanjila mu bwato alimwi akupiluka. ³⁸ Muntu ooyu wakahwihiwa bahikazwa wakaunka akulomba kuti kabeenda limwi, pele Jesu wakamutuma kuti koya, akwaamba, ³⁹ "Kopiluka kumunzhi wako kutewa ukape bukamboni mwini mbuli Leza ncakucitila. "Muntu wakabweza inzhila yakwe, kuya bwaambilizhya koonse mu dolopo mbolizulwa calo Jesu ncamucitila. ⁴⁰ Ono Jesu nakapiluka, inkamu inkando ya kamutambula, nkaambo kayi boonse bakali kumulangila kuti ulahika. ⁴¹ Amulange, muntu wahina lya Jairus, walo wakali wabamwi basololi bamu synagogue, wakahika alimwi akuwa anhi ku matende a Jesu, alimwi akumulomba kuti aunke kung'anda yakwe. ⁴² Nkaambo omwe buyo alike mwana muhimbi wakwe, wamyaka ikumi ayi bili, ulahwa. Mbuli Jesu nakacili munhila yakwe kuunka inkamu yabantu inkando yaka mudyaminina antoomwe akumuzhinguluka. ⁴³ Ono awo kwali mukaintu wakali kuciswa kalobola kwa myaka ikumi aibili kwakanyina wakali kukozhya kumuponya naba omwe. ⁴⁴ Wakaboola kunze lya Jesu alimwi akukwata moombe wacisani cakwe mpoona mpoona bulowa bwakali kuhwa bwakaleka. ⁴⁵ Jesu wakati, "Hena ngoni ooyo wakwata?"Boonse bakakaka, Petolo wakati, "Mwami, mbunga yabantu ilikuhingulukile alimwi balatonkaikana kuli ndiwe. ⁴⁶ Pele Jesu wakati, "Kuli muntu umwi wankuma, nkaambo ndahinhwa insana zhyahwa muli ndime. ⁴⁷ Ono mukaintu nakabona kuti takonzhya kuyuba kubonwa, wakaboola kabimba alimwi akuwila anhi kumbele lyakwe. Mubube bwabantu boonse bakaliwo wakalyambilila kaambo nkamukumina walo alimwi akwaamba mbuli mbwaponahyewa mpoona poona. ⁴⁸ Mpoona wakati kulinguwe, " Mwanaangu muhimbi, luhyomo lwako lwakuhutula koya muluumuno. ⁴⁹ Eelyo nakacili kukanana, umwi muntu wakaboola kuhwa mu sinagogo kung'anda yaba sololi, akwaamba, "Mwana wako muhimbi wafwa. Utapenzhi buyo limwi mwiiya." ⁵⁰ Pele Jesu nakateelela eci, wakamuhvwa Jarius, "Utayoowi; pele kohyoma, alimwi ulaponezhyewa." ⁵¹ Ono nakahika kung'anda, kunyina ngwaka hwuminzhya kuti banjile anguwe, pele Petrol, a Johani alimwi a Jakobe, alimwi auhi mwana alimwi a banyina. ⁵² Ono boonse bakali kulila alimwi akukwiila nkaambo kakwe, pele wakati, "Utali koongololi; tafwile pee pele ulaona." ⁵³ Pele bakatalika kumucapa, mukuhiba kuti wakalihwile. ⁵⁴ Pele wakamukwata kwitahi alimwi akumwiita, kati, "Omwana, kobuka!" ⁵⁵ Moza wakwe wakapiluka, alimwi wakabuka mpoona mpoona. Wakabalailila kti abajane cakulya bamupe alye. ⁵⁶ Bazhyali bakwe bakakankamana, pele wakabalailila kuti batambili naba omwe calo eeci cacitika.