¹ Wakabaita bali kumi ababili antoomwe alimwi akubapa insana alimwi abweendelezhi zhya kutanda bahikazwa alimwi akuponya malwahi. ² Wakatuma kuunka kuya bukambauka bulelo bwa Leza alimwi akuponya balwahi. ³ Wakabaambila, "Mutabwezi cimwi cintu mumuhinzo wenu- musako, cikwama cakubikila, kunyina cakulya, kunyina mali, alimwi kunyina zhyakusama. ⁴ Kuhwumbwa ing'anda njomuti kanjile, amukakale oomu kuhikila mwakunhwa. ⁵ Kuhwumbwa nkobatakamutambuli, eelyo mwakuzhwa mu dolopo eelyo, amukakunkumune kahwuko kuzhwa kumatende kuti bube bukamboni bubalwana aabo." ⁶ Mpoona bakaimuka alimwi akuunka kwinda muminzhi, kabaya bwaambilizhya mulumbe alimwi akuponya kuli koonse. ⁷ Ono Harod wakali muyumu nhigo wakateelela zhyoonse zhyakali kucitika, mpoona wakakankamana cini cini, nkaambo kwali kwaambwa kuti Johwani wakabuka kuhwa kubahwu. ⁸ Alimwi bamwi bakaamba ngu Elija walibonya, alimwi nokuba bamwi bakati ngwabaabo banzhinhimi bakale kale bakabuka. ⁹ Harod wakati, "Ndakamukosola mutwe Johwani. Ino ngoni ooyu ngwiya bunzhwa kucita zhintu nhiteelela?" Eelyo wakasola kuti amubone ooyo. ¹⁰ Ono batumwa nobakapiluka, bakamwaambila zhyoonse zhintu nzhyo baka cita. Mpoona wakababweza akuunka anguwe, eelyo bakaunka cakuhisikizhya ku dolopo itewa Betisaida. ¹¹ Pele makamu makamu abantu nobakateelela ceci, bakamutobela. Wakabatambula alimwi akwaambaula ambabo kukwatikizhya bulelo bwa Leza, alimwi wakaponya aabo bakali kuyanda kuhilikwa. ¹² Ono aawa buzuba bwakali kuyanda kumana, aboobo bali kumi mubabili bakeza kuli nguwe alimwi akwaamba, "Kowatuma makanu abantu baunke muminzhi inhingulukile alimwi akumasena aali mumbali bakayandaule kwakukalila alimwi acakulya, nkaambo ono kuno nkotubele mbusena butantamukile. ¹³ Pele wakati kuli mbabo, "Amubape cintu cimwi cakulya." Bakati, "Tuli kwete cinkwa citaindilili kuli zhyo sanwe alimwi inswi zhyobile - cita kuti twaunka alimwi okuya kuula cakulya cabantu aaba boonse." ¹⁴ (Kwali bantu bahika ku zhyuulu zhyosanwe bamalombwana.) Wakaamba kuli bahiciya bakwe, "Amubakahike anhi mutukamu kamu twa makumi osanwe komwe komwe." ¹⁵ Eelyo bakacicita eeci, alimwi bantu bakaambilwa kukala anhi. ¹⁶ Wabweza tunkwa tosanwe alimwi atuswi tobile, wakalanga mwizeulu kujulu wakahileleka alimwi akuhikomoona mutupaanzhi, mpoona wakabapa bahiciiya bakwe kuti batolele makamu. ¹⁷ Bakalya boonse alimwi akuzulila kukuta, eelyo cakahyaala cakabwezelelwa- zhinzuma kumi ahibili zhyabu hwehwelenge ¹⁸ Cakacitika calo ciindi Jesu nakali kupaila lwakwe, bahiciiya bakali limwi. Waka babuzhya, wakati, "Ino makamu abantu ang'amba kuti ndimeni?" ¹⁹ Bakamuhwuwa, "Johwani mubbihi. Pele bamwi baamba kuti uli wabamwi banhinhimi abakale kale wakabuka." ²⁰ Mpoona wakati kuli mbabo, "Pele ino mwebo mwaamba kuti ndimeni?" ²¹ Pele wakabacenjezhya alimwi akubalailila kuti batambili naba onwe eeci, ²² wakati, "Mwana amuntu uyelele kupenga kuhintu hinji alimwi akuya kukakwa kubasololi alimwi aku bapaihi bakando alimwi abalembi, eelyo uya kuyayiwa mpoona mubuzuba bwatatu uya kubuka." ²³ Mpoona wakati kuli mbabo boonse, "Kuti naa umwi uyanda kuboola kuli ndime, weelele kuli kaka lwakwe mwimi alimwi akubweza ciingano cakwe abuzuba mpoona anditobele. ²⁴ Kuhwumbwa uli bambile kuhwutula bumi bwakwe uya kubusweekelwa, pele kuhwumbwa usweekelwa bumi bwakwe akaambo kangu uya kuhwutula. ²⁵ Nimpindu nhi muntu njanga wajana kuti wabweza inyika yoonse pele wasweekelwa nokuba kuti wabubweza mwini lwakwe? ²⁶ Kuhwumbwa undiusa alimwi amazwi angu, ooyo Mwana Wamuntu awalo uya kumuusa ciindi wakuboola mubulemu bwakwe alimwi amubulemu bwa unhi alimwi abangele baluleme. ²⁷ Pele kahimpe ndaamba kuli ndimwe, nkobali aawa bamwi bainhwi batakalulabili luhwu kabatana bubona bulelo bwa Leza. ²⁸ Ono nokwa kainda mazuba aali lusele Jesu kaambile mazwi aaya, wakabweza Petrol alimwi a Johwani alimwi a Jakobe bakaunka ku mulundu kuya kupaila. ²⁹ Mbuli mbwakali kupaila, bubebwa bushyu bwakwe bwakacinca, alimwi hisani zhyakwe kutuba cini cini. ³⁰ Amulange, balombwana bobile bakali kwaambaula anguwe, Muusa alimwi a Elijah, ³¹ bakalibonya mubulemu, kwambaula anguwe kukwatikizhya kuzhwa kwakwe, kwalo ooko nkwali kweelele kuleta kumamanino mu Jerusalemu. ³² Ono Petrol alimwi abaabo mbocakali ambabo bakali bombele akoona, pele nobakahinhimuka bwini, bakabubona bulemu bwakwe alimwi abalombwana bobile mbocakainhwi limwi. ³³ Mbuli mbobakahwa ali Jesu, Petrol wakaamba kuli nguwe, "Himalelo, nchibotu kuli ndiswe kubawaano. Atubambe zhihwuka zhyotatwe, comwe ncicako, comwe nca Muusa, alimwi comwe nca Elija." (Unyina ncakazhi ncakali kwaamba.) ³⁴ Mbuli mbwakali kwaamba ceeci, ikumbi lya kahika alimwi akubahwumba balo, mpoona bakayoowa mbuli mbobakanjila mwikumbi. ³⁵ Izwi lya kahika kuhwa mukumbi, akwaamba, "Ooyo ngo Mwana wangu musankwa, walo wakasalwa; amumuteelele walo." ³⁶ Ono izwi nolyakamana kwaamba, Jesu wakayanika uli alike. Bakaba akuumuna zhi alimwi akutambila naba omwe mumazuba kucintu calo ncobakabona. ³⁷ Ono mubuzuba bwakacilila, nobakaselemuka kuhwa mumulundu, inkamu inkando yaka baswaanganya. ³⁸ Amulange, muntu kuzhwa munkamu wakakwiila, akwaamba, "Omwiiyi, ndalomba kuti unangile mwana wangu musankwa, nkaambo ngo mwana wangu alike. ³⁹ Kobona, hikazwa ulamweendelezhya cibukila mbuta ulanhwa wakwiila; cimucita kuti kakaanyana aboobo akuhwa luzenge kumulomo. Nciyumu kaiyi kanji kumulekezhya alimwi cilamukwambaula cibyaabi. ⁴⁰ Ndakali kubalombele bahiciiya bako kuti bacihinikezhye kuzhya, pele caka bakakila." ⁴¹ Jesu wakahwuwa alimwi akuti, "Nomutahyomi alimwi nomusela ukatazhya, ino ndakala ciindi cilanhwu buti kuti nkili andimwe alimwi akukala andimwe? Komuleta mwana musankwa kuno." ⁴² Eliya musankwa nakacili kuza, hikazwa waka musowela anhi alimwi akumuzungaanya mukukakanyana. Pele Jesu wakambwentela moza mubyaabi alimwi akumuponya musankwa, mpoona akumupiluhya kumupa bauhi. ⁴³ Eelyo boonse bakakankamana mubukando bwa Leza. Ono nobakacili kukankamuka kuhintu zhyoonse nzhyakali kucita, wakati kuli bahiciiya bakwe, ⁴⁴ "Amwaaleke mazwi anjile cinicni muma twi eenu: Mwana wa Muntu ulakaabwa mumatanhi abantu." ⁴⁵ Pele banyina nobakakateelela kaaambo aaka. Kakali hisilwe kuli mbabo, aboobo tibakatelela ncokakali kupandulula, pele nokuba boobo bakayoowa kumubuzhya kukwatikizhya kaambo aako. ⁴⁶ Mpoona kukazhyanya kwakatalika akati kabo akuti ino ngoni utikabe mukandohya. ⁴⁷ Pele Jesu mukuhiba kumiyeeyo mumyoyo yabo, wakabweza kana kahyoonto alimwi akukabika kulubazhwu lwakwe ⁴⁸ alimwi akwaamba kuli mbabo, "Kuhwumbwa utambula kana kahyoonto muhina lya ngum utambula ndime; alimwi kuhwumbwa utambula ndime, utambula yooyo wakandituma. Nkaambo kuhwumbwa muhyoontohya akati kenu noonse ooyu ngomukando." ⁴⁹ Johwani wakaingula, "Himalelo, twakabona muntu kahinikizhya kukwihya bahikazwa muhina lyako eelyo twakamuhinkila walo, kaambo tatutobeli notweenda swebo." ⁵⁰ "Mutali kumukahyi, "Jesu wakaamba, "Nkaambo kuhwumbwa utatusulaikile nguwenu." ⁵¹ Ino mazuba naakaswana munhi munhi kuti atolwe, wakalanzhya buhyu kuti aunke ku Jerusalem. ⁵² Wakatuma batumwa kumbele lyakwe, aboobo bakaunka alimwi akunjila mumunhi wa Samaria kuya kwaamba zhyoonse zhyintu zhyiyandika kuli nguwe. ⁵³ Pele bantu kulya kunyina nobakamutambula nkaambo wakatuma buhyu bwakwe kuya ku Jerusalemu. ⁵⁴ Ono bahiciiya Jacobe a Johwani nobakabona eeci, bakati, "Omwami, hena ulayanda kuti swebo tulailile mulilo kuzhwa kuboola anhi kuzhwa kwizeulu alimwi kuzaku banyonyoona aabo?" ⁵⁵ Pele wakacebuka alimwi akubabwentela abalo, ⁵⁶ mpoona bakaunka kumunhi uumbi. ⁵⁷ Mbuli mbobakali kuunka kutobelezhya mugwagwa, umwi wakati kuli nguwe, "Ndakutobela kuhwumbwa nkounka." ⁵⁸ Jesu wakati kuli nguwe, "Bamwaaba bali kwete meno, alimwi abayuni bamuluwo balikwete nzhiteente, pele Mwana wa Muntu uunyina kwakulahika mutwe wakwe." ⁵⁹ Eelyo wakati kuli umwi aumwi, "Amunditobele." Pele wakati, "Mwami, ntaangune ngunke alimwi nkazike bataata." ⁶⁰ Pele wakati kuli nguwe, "Leka bahwile balizhike beni bahwile. Pele ono yebo,koya alimwi ukaambilihye mubulanhwu alimwi amubukwazamukile bulelo bwa Leza." ⁶¹ Mpoona umwi wakati, "Ndakutobela mebo, Omwami, pele kutaanguna nkalaye kuli baabo bamumunhi wangu." ⁶² Jesu wakamwiingula, "Kunyina ubika itanhi lyakwe ku yamba alimwi akucebuka muhi kuti inga weelela mubulelo bwa Leza."