1 Iknamu yoose yabo yakayumuka alimwi akumuleta Jesu kuli Pilato. 2 Bakatalika kumutamikizhya, kabati, "twakamuyaana muntu uunyonganya cihi cesu, ulakahya kupa mitelo kuli caesar, alimwi akwaamba kuti lwakwe ngu Klisto imwami." 3 Pilato wakamubuzhya, wakaamba, "Hena uli Mwami waba Juuda?" 4 Pilato wakaamba kuba paizhyi bakando alimwi aku makamu makamu, "ndayana kuti oyu muntu unyina mulandu." 5 Pele bakazumanana, bakaamba, "Ukopa bantu, kuyiishya moonse mu Judyta, kutalikila kuhvwa mu Galilaya kuya kuhikila kubusena buno." 6 Lino Pilato naakanhvwa obuya, wakabuzhya kuti naa ooyu muntu mu Galilaya. 7 Naakazhyiba kuti ooyu muntu uli mu bweendelezhyi bwa Herod, wakamutumya Jesu kuli Herod, walo lwakwe wakali mu Jelusalema mumazuba aayo. 8 Herod naakamubona Jesu, wakakkomanihya, nkaambo wakayandile kumubona kwaciindi cilanhu. Wakali kunhwa twaambo twakwe alimwi wakali kuyanda kubona zhyitondeenzhyo zhyaakali kucita. 9 Herod wakamubuzhya Jesu mumazwi manji, pele Jesu kunyina naakaingula. 10 Bamapaizhyi bakando alimwi abamalembi bakaimikila, mukuhinikizhya bakamutamikizhya. 11 Herodi aba hikalumba bakatondezhya Jesu kuti wakanyanhya alimwi bakamusaaza. Kumane bakamusamika zhysani zhyakami kami alimwi akumutumya kuli Pilato. 12 Herodi alimwi a Pilato bakaba benhinyina mubuzuba oobo, kakuli munhi bakali bahinkondonyina kuli umwi aumwi. 13 Kumane Pilato wakaita boonse ba paizhi bakando alimwi abasololi alimwi ama kamu makamu 14 akwaamba kuli mbabo, "Mwaleta muntu ooyu kuli ndime mbuli kuti ooyu muntu ngu wasowa bantu, amubone, mebo, ndakamubuzhya kale kumbele lyenu, ndakayana kale kuti unyina mulandu kuzhyintu eezhyo nzhyomumutamikizhya. 15 Peepe, naba Herodi, wakamupiluhya kuli ndiswe, amulange kunyina ceelela kuti ahwe ncakacita. 16 Nkaambo kaako ndila musubula alimwi akumwaangulula.'' 17 Ono Pilato wakapelwe insana zhyakwaangulula kuba Juda omwe hintolongo a pobwe. 18 Pele bakoongolola antoomwe, bakaamba, "kaya uko ooyu muntu, alimwi amumwaangululile ndiswe Barabbas!'' 19 Barabbas wakali muntu wakabikilwe muntolongo kukaambo kabuzangi mudolopo alimwi kali muyayi. 20 Pilato alimwi wakabaambya, kayandihihya kuti amwaangulule Jesu. 21 Pele bakoongola, bakaamba, "Abambulwe, abambulwe.'' 22 Wakaamba kuli mbabo lwatatu, "Nkaambo nzhyi, Hena ooyu muntu wakacita cibi nzhyi? Ndajana kuti unyina bubi bweelele kuti ahwe. Nkaambo kaako ndamana kumusubula, njaku mwaangulula.'' 23 Pele bakaya kumbele amazwi akupozomoka, kabaya kuti akabambulwe. Imazwi abo akamuzula Pilato. 24 Mpoona Pilato wakasala kubateelela kuyanda kwabo. 25 Wakaangulula omwe ngobakali kulomba ooyo wakali muntolongo nkaambo kabuzangi alimwi akuyaya. Pele wakaya kumbele kuli Jesu kweendelanya akuyanda kwabo. 26 Mbuli mboba kamubweza, bakakwata umwi Simoni waku Cyrene, wakahvwa kucihi, alimwi nkubika ciingano alinguwe kubweza, kutobela Jesu. 27 Imbunga yabantu inkando, alimwi abamakaintu abo bakamininwe alimwi akumulila, bakali bakalikutobela nguwe. 28 Pele wakabacebuka, Jesu wakaamba, "No bana bahimbi ba Jerusalema, mutandilili, pele amulilile alimwi abana benu. 29 Kamulanga, imazuba alahika nobaya kwaamba, 'Balelekwa basundu alimwi amada atakatumbuka, alimwi nkolozhyatakanyonhya.' 30 Kumane bayakukanka kwaamba kuti kumalindu, 'Tuwile,' alimwi akutulundu, 'tuhise.' 31 Naa kabacita zhyintu eezhyi kakuli musamu kauli muteke, ninzhyi ciyakucilika ciindi nuya kuyuma?'' 32 Bambi balombwana, bobile zhyigwebenga, bakatolwa anguwe kuti bakayayiwe. 33 Nibakahika kubusena bwiitwa kuti "Ikaanza," okuya bakamubambula alimwi azhygwabenga - omwe kululyo lwakwe alimwi umwi kulumwehyi lwakwe. 34 Jesu wakaamba, Taata, kobalekelela, nkaambo tabazhyi ncobacita,'' Kumane bakawaala zhyisondo, baabanya zhyisani zhyakwe. 35 Ibantu bakaliinhvwi akulangilila kakuli basololi abalo kabamusaaza, kabaamba, "Wakali kuhutula bamwi. Alihutule mwini, naa kali Klisto wa Leza, usalilwe alike.'' 36 Ibahikalumamba abalo bakamusaaza, akumukanka, bamupa musika, 37 alimwi akwaamba, ''Naa uli Mwami waba Juda, lihutule lwako.'' 38 Kwakali citondezhyo alinguwe, "Oyu ngo Mwami waba Juuda.'' 39 Omwe wa zhyigwebenga zhyakangililwe wakatalika kutukana akwaamba, "Hena toli Klisto? Lihutule alimwi andiswe.'' 40 Pele umwi wakabwentela,wakaamba, "Hena tomuyowi Leza, nkaambo uli mukaambo kakozhyene kakunyonyonwa? 41 Swebo tuleelele kuba waano, nkaambo tweelele kutambula citweelele amicito yesu. Pele ooyummuntu kunyina cibi ncakacita.'' 42 Kumane wakati, "Jesu, ukandiyeeye waakuboola mubulelo bwako." 43 Jesu wakaamba kuli nguwe, "mahimpe ndaamba kuli ndiwe, sunu tuyakuba andiwe mu paladiso." 44 Cakali ciindi ca kumazuba, alimwi muhinze wakahika kunyika yoonse kuhikila kukubomba kwa zuba 45 mbuli zuba mbolyakahiya. Kumane mulembo wamu tempele wakazapuka muzhyipaanzhya zhyobile. 46 Kalila muzwi lipozomoka, Jesu wakati, "Taata, mumatanhi aako ndaupa muuya wangu." Naakaamba eeci, wakahwa. 47 Imu centalioni naakabona cakacitika, wakalumbaizhya Leza, kati, "mahimpe ooyu wakali muntu uululeme." 48 Oonse makamu-kamu aabantu ibakali antoomwe oobu akubona zhyintu zhyakacitika, bakapiluka kabalyuuma azhyamba. 49 Pele boonse bakamuzhyi, alimwi abamakaintu bakali kumutobela kuhwa ku Galilaya, bakaima alaale, kabalangilila zhyintu eezhyi. 50 Amulange, kwakali muntu uulaanzhyina lya Joseph, wakali uuwmi wa nkamu yamu nkambe. Wakali kabotu alimwi wakali muntu uululeme. 51 Ooyu muntu taakahimina mizeezo niiba micito yabo. Wakali kuhwa ku Arimathea, idolopo lya bamaJuuda, alimwi wakali kukapula bulelo bwa Leza. 52 Ooyu muntu, wakaunka kuli Pilato, akulomba mubili wa Jesu. 53 Wakuuseluhya , wauhvwungaila mumulembo mubotu, alimwi akubikka mu cuumbwe eeco cakakosoolwa abbwe, ooko kunyina muntu wakalazhyikilwe kuhvwa lili. 54 Bwakali buzuba bwa kulibambila, alimwi insabata yakali aahwahwi. 55 Bamakaintu bakaboola a Jesu kuhwa mu Galilaya bakatobela alimwi akubona cuumbwe alimwi akubona mubili wakwe mbowakalazhyikwa. 56 Bakapiluka alimwi akubamba tununkilizhyo alimwi amahuta. Mpoona munsabata bakalyookezhya mbuli mulawo.