¹ Kambundu kamahumu humo mubuzuba bwa kutanguna kwa nhvwiki, bakahika ku cuumbwe, kuleta tununkilizhyo ntobakabambillile. ² Bakayana ibwe lyakunkilihiwa kubvwa ku cuumbwe. ³ Bakanjila mukati, pele tibakayana mubili wa Mwami Jesu. ⁴ Cakacita kuti, nobakali nyongene akaambo aaka, mpoona mpoona, balombwana bobile bakali inhwi kumbali lyabo muzhyisani zhyitowa akumweka mweka. ⁵ Mbuli ba makaintu mboba katyompelwe alimwi akuhwugamika mahyu abo ku nyika, bakaamba kubakaintu, "Nkaambo nzhyi ncomuyandaula bapona akati kabahwu?" ⁶ Tako, pele wabuka! Kamuyeeya mbuli mbwakakanana ciindi nakali mu Galilaya, ⁷ kwaamba kuti Mwana a Muntu weelele kupewa mumatanhi abantu babi alimwi a kubambulwa, alimwi mubuzuba bwatatu akabuke alimwi." ⁸ Bamakaintu bakayeeya mazwi aakwe ⁹ alimwi bakapiluka kuhvwa ku cuumbwe alimwi akwaambila boonse zhyintu eezhyi kuli bali ikumi mu omwe alimwi akuli boonse. ¹⁰ Ono Maliya Magadalene, Joanna, Maliya abnyina Jakobe, alimwi aba makaintu bamwi bakatola kwaambilizhya zhyintu eezhyi kuli ba apostolo. ¹¹ Pele bwaambilizhyi obu bwakaboneka kuti nkwaamba kwabuyo kuba apostolo, alimwi kunyina nobakahyoma kuli bamakaintu. ¹² Nokuba boobo Petrol wakanyamuka akutiyaana ku cuumbwe, alimwi, wanjila alimwi walanga mukati, wakabona buyo mulembo yalike buyo. Petrol kumane wakapiluka ku munhi wakwe, kakatazhyilwe cakacitika. ¹³ Amuboe, bobile babo bakali kuunka mubuzuba mbubona ku munhi wiitwa kuti Emmaus, yakali ciloba kwahvwa ku Jelusalema. ¹⁴ Bakali kukanana kuli umwi aumwi a zhyintu zhyoonse zhyakacitika. ¹⁵ Cakacitika kuti, nibacili kukanana alimwi akubuzhyanya antoomwe, Jesu lwakwe wakaba wakabaimbya alimwi akweenda ambabo. ¹⁶ Pele meso abo akali kahilwe kuti batamuzhyibi. ¹⁷ Jesu wakaamba kuli mbabo, "Ntwaambo nzhi ootu ntomubandika nobile mbuli mbomweenda?" Bakaimikila kabalangika kuusa. ¹⁸ Umwi wabo, ula zhyina lya cleopas, wakamwiingula, "Ndiwe muntu olike mu Jelusalema utahi zhyintu zhyakacitika mazuba aya?" ¹⁹ Jesu wakaamba kuli mbabo, "Nzhyintu nzhyi?" Bakamuhvwila,"Nzhyintu zhijatikizhya Jesu waku Nazarene, wakali munhinhimi, mupati alimwi a zwi kumbele lya Leza alimwi abantu boonse, ²⁰ alimwi aba paizhyi alimwi aba sololi besu mbobakamupa kwaamba kuti anyonyoonwe kuluhwu alimwi akumubambula. ²¹ Pele twakahyomene kuti kunga waba nguwe uya kunununa Isulaili. Inzhyi, ciindililawawo, ono kwamana mazuba otatwe kuhvwa nozhyakacitika. ²² Pele alimwi, bamwi bamakaintu bankamu yesu bakatukankamaninhya, bakali ku cuumbwe kambundu mahumo humo. ²³ Nibatakayana mubili wakwe, bakaboola, bakaamba kuti bakabona alimwi a cilengaano caba ngele bakabaambila kuti wapona. ²⁴ Bamwi balombwana bakali andiswe bakaunka ku cuumbwe, bakayana mbubona mbobakaamba bakaintu. Pele tibakamubona." ²⁵ Jesu wakaamba kuli mbabo, "Nobalombwa bahuba huba nomuli amyoyo imuka kuhyoma muli koonse banhinhimi nzhyobakakanana! ²⁶ Hena taceeleli kuti Klisto ampenge kuzhyintu eezhyi, alimwi akunjila mubulemu bwakwe?" ²⁷ Kumane kutalikila kuhvwa kuli Muusa alimwi kwiinda muba nhinhimi boonse, Jesu waka zhyisandulula kuli mbabo izhyintu zhyikana nguwe muma ngwalo onse. ²⁸ Mbuli mbobakahika muhi muhi amunhi nkobakali kuya, Jesu wakacita mbuli kuti uciya kumbele. ²⁹ Pele bakamulomba, bakaamba, "Kala andiswe, kuya buhiya alimwi buzuba buli mukumana. " Jesu wakaunke akukala ambabo. ³⁰ Cakacitika kuti, ciindi nakakala anhi akulya ambabo, wakabweza cinkwa, akucileleka, alimwi akucikomona, wakabapa. ³¹ Kumane meso aabo akayaluka, alimwi bakamuhiba alimwi wakamwaika akuhvwa kumeso lyabo. ³² Bakaamba kuli umwi aumwi, "Hena myoyo yesu tiyali kuyaka muli lwesu, ciindi naali kukanana munzhyila, ciindi naali kuyubulula mangwalo kuli ndiswe?" ³³ Bakayumuka ciindi ncicona akupiluka ku Jelusalemu. Bakayana bali kumi mu omwe bali bungene antoomwe alimwi abaabo bakali anguwe, ³⁴ bakaamba, ''Mwami wabuka mahimpe, alimwi walibonya kuli Simoni.'' ³⁵ Eelyo bakazhyaamba zhyintu zhykacitika munzila, alimwi a Jesu mbwaka zhyibwa ambabo mu kukomoona cinkwa. ³⁶ Mbuli mbobakali kukanana zhyintu eezhyi, Jesu lwakwe mwini wakaimikila akati kabo, alimwi wakaamba kuli mbabo, ''Luumuno alube kuli ndimwe.'' ³⁷ Pele bakali kankamene alimwi akunjilwa kuyoowa alimwi akuyeeya kuti bakabona hikazwa. ³⁸ Jesu wakaamba kuli mbabo, ''Nkaambo nzhi ncomupenga? Nkaambo nzhi mibuzhyo ncoibuka mumyoyo yenu? ³⁹ Kamulanga matanhi angu amaulu angu, caamba kuti ndime kumpama. Kamukwata alimwi amundilange. Nkaambo hikazwa unyina lukanda alimwi amahuwa, mbuli mbomwabona ndime nkikwete.'' ⁴⁰ Nakali kwaamba ceeci, wakabatondezhya matanhi akwe alimwi a maulu aakwe. ⁴¹ Tibaali kuna kuhyoma nkaambo bakali kusekelela, alimwi bakali kukankamene. Jesu wakaamba kuli mbabo, "Hena kuli ncomukwete cakulya?" ⁴² Bakamupa kaswi kakomonenywe kakanjikilwe, ⁴³ wakabweza alimwi wakalya kabalangilila. ⁴⁴ Wakaamba kuli mbabo, "Aaya nga mazwi aangu ngindakakanana kuli ndimwe ciindi nindakali andimwe, kwaamba zhyoonse zhyakalembelwe mu mulawo wa Muusa alimwi abanhinhimi alimwi a Ntembauzhyo zhyelele kuzuzikizhyiwa.'' ⁴⁵ Kumane wakajula mizeezo yabo, kwaamba kuti baateelele mangwalo. ⁴⁶ Wakaamba kuli mbabo, "Mbocilembelwe oobo, kwaamba kuti Klisto welele kupenga alimwi akubuka alimwi akuhvwa kubahu mubuzuba bwatatu. ⁴⁷ Kasanduka alimwi akulekelelwa kwa zhyinyonyoono kweelele kukambaukwa muzhyina lyakwe ku mihyobo yoonse, kutalikila ku Jelusalema. ⁴⁸ Muli bakamboni bazhyintu eezhyi. ⁴⁹ Kamulanga, ndamutuma mbuli ba Taata mbobaka ndihyomenzhya. Pele, amukalilile mu dolopo kuhikila mukasamikwe insana kuhvwa mwizeulu.'' ⁵⁰ Kumane Jesu wakabasololela kuhikila munhi munhi a Beteni. Wakanyamuna matanhi akwe alimwi wakabaleleka. ⁵¹ Cakacitika kuti, nakacili kubaleleka, wakabahiya alimwi wakanyamunwa kuya kwezeulu. ⁵² Eelyo bakamukomba alimwi bakapiluka ku Jelusalema akusekelela kukando. ⁵³ Bakakalilila mu tempele, kabalumbaizhya Leza.