¹ Lino muswaangano wa cinkwa cinyina bumena nawakahika, walo wiitwa kuti Pasika. ² Bapaizhyi bakando alimwi aba lembi bakali kukapula Jesu mbabaali kunga bamuyaya, nkaambo bakayowela bantu. ³ Kumane Satani wakanjila Judasi, umwi wakali kwiitwa kuti Iscariot, walo wakali waba mwi bali ikumi mubobile. ⁴ Judasi wakaunka kuba paizhyi bakando alimwi akuli bakapitawu akuya kukanana mbobanga Jesu bamubambula. ⁵ Bakali komene alimwi akumvwana kumupa mali. ⁶ Wakahyomya alimwi akukukapaula coolwe cakubapa nguwe kuti ahvwe akati kamabunga abantu. ⁷ Kumane kwakahika buzuba bwa cinkwa cinyina bumena, kwalo ooko kabelele ka Pasika nkokabambilwa muyasilo. ⁸ Mpoona Jesu wakatuma ba Petrol alimwi a Johani wakaamba, "Kamuya mukabambe cakulya ca Pasika, kwaamba kuti tulye.'' ⁹ Bakaamba kuli nguwe, ''Nkuli nkoyanda kuti tukabamile nkuko?" ¹⁰ Wakabaingula, "Amulange, mwakunjila mu dolopo, muya kuswaangana a muntu ubwezele cipempa ca meenzhyi. Mukamutobele mung'anda mwaya kunjila. ¹¹ Bakaamba kuli himalelo wang'anda, 'Imwiiyi waamba kuli ndime, "Ili kuli ing'anda yakupumunina, ooko nkwiya kulila Pasika abahiciiya bangu?"" ¹² Uya kumutondezhya ing'anda inkando ibambilwe mukalibambile nkuko." ¹³ Mpoona bakeenda,alimwi akuyana zhyoonse nhyakali kubaambile. Kumane bakabamba cakulya ca Pasika. ¹⁴ Iciindi nocakahika, wakala anhi aba Apositolo. ¹⁵ Kumane wakaamba kuli mbabo, "Ndayandihihya ncobeni kulya Pasika echi andime nkitana njila mukupenga. ¹⁶ Pele ndaamba kuli ndimwe, nhikalyi limbi amwebo kuhikila cikazuzu kizhyiwe mu bulelo bwa Leza.'' ¹⁷ Kumane Jesu wakabweza nkapu, alimwi wakapa kulumba, wakaamba, "Kamubweza eeci , alimwi mwaabane akati kenu. ¹⁸ Nkaambo ndaamba kuli ndimwe, nhekanwi limbi micelo yamasaansa alimwi kuhikila mubulelo bwa Leza buboola." ¹⁹ Kumane wakabweza cinkwa, alimwi nakamana kulumba, wacikomoona, alimwi akucipa kuli mbabo, wakaamba, "Ooyu ngomubili wangu, walo upehwe kuli ndimwe. Kamucita obuya mukuyeeya ndime." ²⁰ Wakabweza nkapu muciimo ncicona naakamane kulalila, wakaamba, "jeyi nkapu ncihuminano cipya cabulowa bwangu, bwalo bwakatililwa ndimwe. ²¹ Pele amubikile maanu. I tanhi lyayooyo utindyaabe tuli antoomwe ano atahule. ²² Imwana a Muntu mubwini uunka kweendelana ankwakabambilwa. Pele maawe kuli yooyo muntu kwiinda muli nguwe mwatibambulwe!'' ²³ Bakatalika kukanana muli lwabo beni akwaamba kuti nguni akati kabo unga wacita ceeci. ²⁴ Kumane kwakabunka mazwanga akati kabo mukulanganya unga waba mukando. ²⁵ Wakaamba kuli mbabo, "Ibami bamahi bacita kami kami mbobeendelezhya, alimwi aba babelehya insana kuli mbabo akwiitwa mbaciti bamilimo iluleme. ²⁶ Pele taceelele kuba bobuya andimwe. Mboceelele, imukando akati kenu abe mbuli mwana alimwi ooyo usololelea abe mbuli ubelekela. ²⁷ Pele nguni mukando, ooyo ukele a tahule, naa ubelekela? Hena tali yooyo ukele atahule? Aboobo nkweli akati kenu mbuli ubelekela. ²⁸ Pele ndimwe nomwakazumanana mumapezhyi aangu. ²⁹ Ndakamubika kweendelezhya bulelo, mbubona mbuli Taata mbwakandibika kweendelezhya bulelo, ³⁰ kwaamba kuti mukalye alimwi akunwa kutahule lyangu mubulelo bwangu, alimwi muyakukala mu zhyuuno akubeteka mikowa ili kumi ayobile ya Isulaili. ³¹ "Simoni, Simoni, cenjila, Satani nkulomba ukweendelezhya, kwaamba kuti akusebe mbuli maila. ³² Pele ndakupailila, kwaamba kuti luhyomo lwako lutakakilwi. Wamana kupiluka alimwi, ukabayumye yumye bana bakwenu.'' ³³ Petrol wakaamba kuli nguwe, ''Mwami, ndilibambile kuunka andiwe nakuba kuntolingo naa kuhuhwu.'' ³⁴ Jesu wakaingula, ndakwaambila, Petrol, mukombwe tatilile buno buzuba, kotana ndyaaba zhyiindi zhyotatwe kwaamba kuti undizhyibe.'' ³⁵ Kumane Jesu wakaamba kuli mbabo, "Nindakamutuma kakunyina cikwama, naa mwakubikila ngubo, naa mapto, hena kuli ncomwakabula?' Bakavwa, "Kunyina." ³⁶ Kumane wakaamba kuli mbabo, "pele ono, ooyu ukwete cikwama,acibweze, alimwi mbubona uli acibwezelo cangubo. A yooyo unyina iceba asambale kajansi kuti aule awalo. ³⁷ Ndaamba kuli ndimwe, nkaambo cilembelwe andime ceelele kuzuzikizhyiwa, "Wakabalwa abahi kutyola milawo, "Nkaambo eeco cakali kundisandulula cazuzikizhyiwa.'' ³⁸ Kumane bakaamba, "Mwami, langa! Ngaaya maceba obile'' Wakaamba kuli mbabo, "Kwamana.'' ³⁹ Jesu wakeenda, mbuli mbwakacitile, kuya ku mulunda wa Oliva, alimwi bahiciiya bakamutobela. ⁴⁰ Nibakahika, wakaamba kuli mbabo, "Amupaile kuti mutanjili mumasonko.'' ⁴¹ Wakeenda kuhvwa kuli mbabo kahinzo kanga muntu wawaala bwe lilahika, alimwi wakahukama alimwi akupaila, ⁴² wakaamba, "Taata, naa ulayanda, guhya nkapu eeyi kuli ndime. Nokuba boobo kutali kuyanda kwangu, pele lwako alucitwe.'' ⁴³ Kumane mungelo kuhvwa kwizeulu wakali bonya kuli nguwe, akumuyumya yumya. ⁴⁴ Kali mumause, wakapailihya cakulihihya, alimwi inkasaalo yakwe yakabo mbuli madonhi abulowa bukunka kuya anhi. ⁴⁵ Nakanyamuka kuhvwa kukupaila kwakwe, wakahika kuli bahiciiya alimwi wakayana baloona nkaambo kamause abo ⁴⁶ akubalomba, Nkaambo nzhyi muloona? Amubuke alimwi akupaila, kwaamba kuti mutanjili mu masunko.'' ⁴⁷ Nakacili kukanana, mubone, imbunga nkando takalibonya, a Judasi, umwi wabali kumi abobile, kabasololela. Wakahika munhi munhi a Jesu akumumyonta, ⁴⁸ pele Jesu wakaamba kuli nguwe, "Judasi, hena wamwaaba Mwana a Muntu a kumumyonta?'' ⁴⁹ Eelyo boonse bakamuzhyingulu kile Jesu akubona cakali kucitika, bakaamba, "Mwami, hena tulwane a panga?'' ⁵⁰ Kumane umwi wabo wakagonka mutwanga wa mupaizhyi usumpukile, alimwi akukosola kutwi kwakwe kwa lulyo. ⁵¹ Jesu wakaamba, "Kwazulila!'' Wakukwata kutwi kwakwe, alimwi akumuponya. ⁵² Jesu wakaamba kubapaizhyi bakando, akubakwabilila tempele, akuli ba maalu bakahika akumulwana, "Hena mwahika mbuli bahinkondo kumutewu, ama panga alimwi amisako? ⁵³ Ciindi abuzuba nindakali aandimwe mu tempele, kunyina nomwakabikka matanhi alindime. Pele eeli ndiwoola lyenu , alimwi ninsana zhyamunhinze." ⁵⁴ Bamwaazanganya, bamukuhya alimwi akumuleta kung'anda yamupaizhyi mukando. Pele Petulo wakatobela alaale. ⁵⁵ Nibakamana bakakunka mulilo muluze alimwi bakakkala antoomwe, Petulo wakakkala akati kabo. ⁵⁶ Umwi musimbi mutwanga wakamubona mbuli mbwaakakkele mumumuni wa mulilo alimwi wakamutonkomana kumulangihya alimwi wakaamba, " Ooyu muntu awalo wakali aanguwe." ⁵⁷ Pele Petulo wakakaka, wakaamba, "mukaintu, nhimuzhyi." ⁵⁸ Nokwakamana kaindi kahyoonto aumwi wakamubona, alimwi akwaamba, "yebo uli umwi wabo." Pele Petulo wakati, "omuntu, heehi." ⁵⁹ Nokwakamana iwoola aumwi muntu wakamuzumanana alimwi akwaamba, "mahimpe ooyu muntu awalo wakali anguwe, nkaambo mu Galilaya." ⁶⁰ Pele Petulo wakaamba wakaamba, "omuntu, hehi ncowamba." Mpoona-mpoona, nakacili kwaamba, mukombwe wakalila. ⁶¹ Kucebuka, imwami wakalanga kuli Petulo, alimwi Petulo wakayeeya izwi lya mwami, ciindi nakaamba kulinguwe, "katana lila mukombwe sunu uyakunditama zhyiindi zhyotatwe." ⁶² Petulo wakahwa ansengwe akulila kaumumu. ⁶³ Kumane bantu Jesu bakamukwete mukapinda bakamucapa alimwi akumuuma. ⁶⁴ Bakamubbama kumenso alimwi akumubuzhya, kabati, " nhinhima! hena nguni wakuuma?" ⁶⁵ Bakakanana zhyintu zhyimbi zhyibyaabi zhyikwatikizhya Jesu, kumutukana. ⁶⁶ Mbobwakacela bamaalu babantu bakaswaangana antoomwe, boonse bapaizhyi bakando ⁶⁷ alimwi abalembi. Bakamutola munkambe alimwi bakaamba, "na uli Klistu, twaambile." Pele wakaamba kuli mbabo, "kuti ndimwaambile, tamukoondihyoma, ⁶⁸ alimwi naa ndamubuzhya, tamukonzhyi kundihvwila. ⁶⁹ Pele kuhvwa oono, imwana amuntu uyakukkala kutanhi lyalulyo lyansana zhya Leza." ⁷⁰ Boonse bakaamba, "mpoona hena uli mwana a Leza?" Jesu wakati kuli mbabo, " mwaamba kuti ndime." ⁷¹ Bakaamba, "nkaambo nzhyi ncotuyanda kamboni? Nkaambo lwesu tubeni twakalinhvwila kuhvwa kumulomo wakwe."