¹ Jesu wakalanga kujulu akubona bantu bahubi kababika zyipewo zhyabo muciyobwelo. ² Wakabona umwi mukamuhu mucete ubika tupaanzhyi tobile twatuli. ³ Awo wakaamba, "Mahimpe ndaamba kuli ndimwe, ooyu mukamuhu mucete wabika kunji kwiinda boonse. ⁴ Boonse aba bapa zhyipewo kwiinda mubunji bwa hyobakwete, pele ooyu mukamuhu, kwiinda mucete bwakwe, wabika koonse nkwakwete nkwalikuponena ankuko.' ⁵ A bamwi mbobakali kukanana a tempele, abolya kasakatizhyilwe a bweebehi bwa mabwe alimwi a milumbo, wakaamba, ⁶ "Kuzhyintu eezhyi nzhyomwabona, imazuba alahika nomutakaboni ibwe litantile atala abwe nyina lyalo litakwe kuyaku selemunhiwa.'' ⁷ Awo bakamubuzhya, bakaamba, "Mwiiyi, eezhyi zhyintu zhyiyakucitika lili? Ciyakuba citondezhyo nhi kuciindi nozhyiya kuyanda kucitika?" ⁸ Jesu wakaingula, "Amucenjele kwaamba kuti mutacengwi. Nkaambo banji bayakuhika muzhyina lyangu, kabaamba, ndime, alimwi, 'Iciindi cili ahwaafwi.' Mutakaba kapauli. ⁹ Mwakuteelela inkondo akutonkaikana, mutaka katahiwi, nkaambo eezhyi zhyelele kucitika kutaanguna, pele mamanino takacitiki mpoona mpoona.'' ¹⁰ Kumane wakaamba kuli mbabo, "Mahi ayakulwana amahi nyina, alimwi abulelo abulelo nyina. Kuya kuba kuzuzngaana kwa nyika, alimwi amumasena aandeene inzala alimwi ampezyo. ¹¹ Kuya kuba kukatazhyiwa muzhyintu zhyiya kucitika alimwi abukando bwazhyitondezhyo zhyihvwa kwizeulu. ¹² Pele kazhyitana zhyintu eezhyi zhyoonse, baya kumukwata alimwi bayakumupenhya, akumunjizhya muma sinagogo alimwi amuntolongo, kumweta kumbele lya bamami alimwi abendelezhyi banhulumende nkaambo kazhyina lyangu. ¹³ Ciya kucita kuba acoolwe mu bwaambilizhyi bwenu. ¹⁴ Nkaambo kaako amuliinze mumyoyo yenu kuti mutakakalibambili kuli kwa bilila ciindi kacitana hika, ¹⁵ ndiya kumupa mazwi alimwi abusongo kwaamba kuti boonse bahinkondonyoko batakakonzhyi kumukazhya nakuba kumuzula. ¹⁶ Pele bayakumwaaba akubazhyali, akubana bakwenu basankwe, basazhynyoko, alimwi abeenhinyoko, alimwi bamwi benu baya kuyayiwa. ¹⁷ Muya kusulaikwa kuli boonse nkaambo kazhyina lyangu. ¹⁸ Pele kunyina isusu lyenu lili kumutwe liya kunyonyooka. ¹⁹ Mukuzumanana kwenu muya kuliyanina maumi. ²⁰ Mwaakubona Jelusalema wazhyingulukwa abahikalumamba, kumane mukaibaluke kwaamba kuti kunyonyooka kwanguwe kwaswena. ²¹ Kumane aaba bali mu Judea batiile mu malundu, abaabo bali mu dolopo abahvwe, abalo abo bali kunze acihi batanjili mu dolopo. ²² Nkaambo aya ngamazuba akubweezhya, kucita zhyintu zhyoonse zhyilembelwe zhyikazuzikizhyiwa. ²³ Maawe kuli baabo baminhyi alimwe akuli baabo banyonhya mamazuba aayo! Nkaambo kuya kuba kunyonyooka kukanda anyika aano, alimwi akunyema kubantu aba. ²⁴ Baya kuwila a lubemba lwa panga, alimwi baya kuba njizhya mubuzhike mu mahi oonse, alimwi Jelusalema uyakulyataulwa abamahi kuhikila izhyiindi zhyabamahi zhyikazuzikizhyiwe. ²⁵ ''Kuya kuba zhyitondezhyo kuzuba, kumwezhyi, alimwi amuntoongwezhyi, alimwi amunyika. Imihyobo iya kunyonyooka, kukankama nkaambo kakuyobeka kwa lwizhyi alimwi amayuwe. ²⁶ Kuya kuba balombwana bayakunetuka nkaambo kakuyoowa kwa kulangila zhyintu zhyitikahike munyika. Nkaambo inguzu zhya kuzeulu zhyiya kubimba. ²⁷ Kumane baya kubona Mwana a Muntu kahika mumakumbi a nsana alimwi abulemu bakando. ²⁸ Pele eezhyi zhyintu zhyatalika kucitika amukaimikile akunantula mitwe yenu kwizeulu, nkaambo kunununwa kwenu kwahika ahwahwi,'' ²⁹ Jesu waka baambila mukozhyno, ''Kamulanga kumusamu wa mukuyu, alimwi azhyisamu zhyoonse. ³⁰ Niyasonsa lutuhwuntuhwu, mulabona lwenu nobamukamwini alimwi mulahiba kuti mainza alikale ahwahwi. ³¹ Mukuti alimwi, nomwabona zhyintu eezhyi kazhyicitika, mwibaluka kuti ibulelelo bwa Leza buli ahwahwi. ³² Mahimpe ndaamba kuli ndimwe, musela ooyu taukamani kuhikila zhyintu eezhyi zhyikacitike. ³³ Izeulu alimwi anyika zhyiya kumana, pele mazwi angu takamani. ³⁴ ''Pele amubikile maanu nobamukamwini, kwaamba kuti myoyo yenu italemenwi azhyakunwa zhyibyabi alimwi abukolwi alimwi akulibilika kwa buumi, alimwi kwaamba kuti buzuba butakamuhikili mbuli hibulihikila ³⁵ mbuli kooze. Nkaambo buya kuhikila boonse bapona munyika yoonse. ³⁶ Pele atuzhyingamuke zhyiindi zhyoonse, kupaila kwaamba kuti muyume cakumaninina kuti mukanunuke kuzhyintu eezhyi zhyiya kucitika, alimwi akwiima kumbele lya Mwana a Muntu.'' ³⁷ Mumazuba ngakali kuyiihya mu tempele, alimwi mahiku wakali kweenda akukala a mulundu wakali kwiitwa kuti Oliver. ³⁸ Boonse bantu bakaboola manhumo nhumo kuzhyi kuteelela kuyiihya kwakwe mu tempele.