¹ Cakacitika kuti bumwi buzuba Jesu wakali kuyiihya bantu mu tempele alimwi aku kambauka mulumbe boobo cakuti bapaizhyi bakando alimwi aba lembi bakahika aba maalu kuli nguwe. ² Bakakanana, akwaamba kuli nguwe, "Kotwambila insana nkozhyiyana zhyakucita zhyintu eezhyi, naa nguni ooyo ukupa insana eezhyi." ³ Wakaingula akwaamba kuli mbabo, "ambebo ndamubuzhya mubuzhyo, alimwi mulandaambila. ⁴ Ilubizhyo lwaka Johani: Hena lwakali kuhvwa kwizeulu naa kubantu?" ⁵ Bakalizhyoloola kumizeezo beni, bakaamba, "Naa twaambe, 'Kuhvwa kwizeulu, 'ulaamba, 'kumane ino ninzhyi ncomutamuhyomi?' ⁶ Naa twaambe, kuhvwa kubantu, 'Boonse bantu balatuuma mabwe, nkaambo bakali zhyi kwaamba kuti Johani wakali munhinhimi." ⁷ Lino bakaingula kuti tatuzhyi nkozhyihvwa. ⁸ Jesu wakaamba kuli mbabo, "Nokuba ndaamba kuli ndimwe amkwizhyiyana insana zhyecita zhyintu eezhyi." ⁹ Waka baambila bantu cikozhyano eeci 'Imuntu wakalima muunda, wakaupa kuli bahi kulima masaansa, akuunka kucihi cimbi kwa ciindi cilanhwu. ¹⁰ Muciindi ceelele wakatuma mutwanga kuli bahi kulima masaansa, kwaamba kuti bamupe mucelo yamumuunda. Pele balimi ba misaansa bakamuuma, akupiluhya acinkwa matanhi. ¹¹ Alimwi kumane wakatuma umbi mutwanga alimwi awalo bakamuuma, kumusebaanya camasampu, akumupiluhya aminwe yalo. ¹² Alimwi wakatuma watatu walo ngobakacisa, alimwi akumusowela kunze. ¹³ Ono mwami wa muunda wakaamba, ndacita buti? Njakutuma Mwana wangu musankwa muyandihi. Ambweni baya kumulemeka.' ¹⁴ "Pele balimi ba masaansa nibakamubona, bakalikanazhya beni, bakaamba, 'Ooyu ngomukomi. Atumuyaye, kwaamba kuti cikono cibe cesu.' ¹⁵ Bakamusowa kunze amunda wamasaansa alimwi akumuyaya. Cilakacitika buti kumwami wamuunda wamasaansa mbwazhyi kubacita? ¹⁶ Uyakuhika alimwi akubayaya aaba balimi ba masaansa, alimwi akupa muunda kuli bamwi." ¹⁷ Pele Jesu wakabalanga, alimwi akwaamba, "Hena caamba nhyi eeco cilemblwe: ¹⁸ Nkuhwumbwa yooyo uwila abwe uyakutyolooka mutu mpihwa mpihwa, alimwi kuli yooyo nkoliya kuwila uyakupwa lyauka." ¹⁹ Mpoona balembi alimwi aba paizhya bakando bakaba amuzeezo wakumuyaya awoola ndilyona, nkaambo bakazhyiba kuti mukozhyano ngwakali kwaamba wakali kugama mbabo. Pele bakayoowele bantu. ²⁰ Kulindilila akulangihya, bakatuma beeni balo bakali kuli cengezhya kuti mbalulami, kwaamba kuti bamuyanine kaambo mukukanana kwakwe, akuti akatolwe kumulawo alimwi akubweendelezhya bwaba sololi ba nhwulumende. ²¹ Bakamubuzhya balaamba, "Mwiiyi, tulizhyi kuti nzhyowamba akuyiihya nzhyiluleme, alimwi kunyina lusalauko kuli umwi, pele uyiihya mahimpe a nzhyila ya Leza. ²² Hena cilimu mulawo kuti tupe mitelo kuli Caeser, naa pe?" ²³ Pele Jesu wakali kubuteelela bumpelenge bwabo, alimwi wakaamba kuli mbabo, ²⁴ "kamunditondezhya denarius. Lilacinkozhya cakani ali lili azhyina lyakani?" Bakati, ndya "Caesar" ²⁵ Wakaamba kuli mbabo, "Kumane amumupe Caesar zhyntu zhyaka Caesar, alimwi a Leza zhyintu zhya kwa Leza." ²⁶ Bakakakilwa kuyana kaambo kuli nzhyakali kwaamba kumbele lya bantu, pele buyo kukankamana mukwiingula kwakwe, bakaumuna zii. ²⁷ Bamwi bama Saduki nibakahika kuli nguwe, balo bakali kwaamba kuti kunyina bubuke, ²⁸ bakamubuzhya, baamba, "Mwiiyi, Muusa wakatulembela kuti naa kuti umwi wabwana bwakwabo wahwa, kakwete mukaintu, alimwi katakwete mwana, imwanakwabo musankwa amutwale mukaintu wa mwanaakwabo, kucita kuti amuzhyalile bana mwana kwabo. ²⁹ Bakali ciloba bana bakwabo alimwi mukando wakatwala mukaintu, alimwi akuhwa katakwete mwana, ³⁰ awabili mbubona. ³¹ Iwatatu awalo wakamutwala, alimwi munzhyila njiyona awalo waciliba wakahwa katahyile bana. ³² Nokwainda ciindi awalo mukaintu wakahwa. ³³ Mububuke kumane, nguni uyakuba amukaintu ooyu? Nkaambo bali ciloba boonse bakali mutwele." ³⁴ Jesu wakaamba kuli mbabo, "Ibana basankwa bamusela uno balatwala alimwi balatwazhyanya. ³⁵ Pele abo babambilwe kweelelela mumusela uya kutambula bubuke kuhvwa kubahwu tabakatwali nokuba kutwazhiwa. ³⁶ Nokuba kutahwa limbi, nkaambo baakwelana aba njele alimwi bayakuba bana basankwa ba Leza, mbuli bana basankwa babubuke. ³⁷ Pele bahwile bayakubuka, awalo Muusa wakatondezhya, mubusena bukwatilikizhya cihvwuna, oko nkwakaita Mwami Leza wa Abbulahamu alimwi a Leza wa Isaka alimwi a Leza wa Jakobo. ³⁸ Lino tali Leza wabahwile, pele waba pona, nkaambo boonse baponena kuli nguwe." ³⁹ Bamwi bamalembi bakaingula, "Mwiiyi, waingula kabotu." ⁴⁰ Tibaali kucikonhya limbi kumubuzhya mubuzhyo uli oonse. ⁴¹ Jesu wakaamba kuli mbabo, "Mbuti mbobanga baamba Klisto Mwana wa Davwida? ⁴² Nkaambo Davwida lwakwe wakaamba mwibuku lya Intembauzhyo, ⁴³ kuhikila bahikondonyoko bakalyataukwe kumatende ako. ⁴⁴ Davwida wakali kumwita kuti Klisto 'Mwami' hena inga waba buti mwana wa musankwa wa Davwiida. ⁴⁵ Bantu boonse kabateelela wakaamba kuli bahiciiya bakwe, ⁴⁶ "Amucenjele aba lembi, ibayanda kweenda amasani malanhwu alimwi akuyanda kwaanzhyiwa mumasambalilo alimwi akukala azhyuuno zhyabakando kando muma Sinagogo alimwi akulemekwa mumapobwe. ⁴⁷ Aboobo balanyonganya maanda abamukabahwu, alimwi balalitondezhya kuba amipailo mulanhwu. Balombwana bayanda nzhyezhyi bayakutambula kunyonyooka kukando."