¹ Jesu wakanjila alimwi wakakainda mu Jericho. ² Amubone, kwakali muntu uli azhyina lya Zakaayu. wakali mukando wabahimitelo alimwi wakali hwubile. ³ Wakali kusola kubona Jesu mbwakabele, pele tanakali kukonzhya kubona nkaambo ka makamu, nkaambo kakuti wakali muhwaahwi mububambe. ⁴ Mpoona wakalukanka kumbele abantu alimwi akutanta mumukuyu kuti amubone, nkaambo Jesu wakali hikwiinda munzhhyila njiyona. ⁵ Eelyo Jesu nakahika kubusena, wakalanga mwizeulu akwaamba kuli nguwe, "Zakaayu, seluka cakuhwambaana, nkaambo sunu njelele kuyakukala kung'anda yako." ⁶ Wakaseluka alimwi akuhwambaana alimwi akumutambula cakusekelela. ⁷ Eelyo boonse nibakabona ceeci, boonse bakatongooka, baamba, "Waunka kuya kuswaya muntu uli mubihi." ⁸ Zakaayu wakaimikila alimwi akwaamba ku Mwami, "Bona, Mwami, icissela calubono lwangu ndapa kubacete, alimwi naa kuli ngwindakacengele kuli coonse, ndiya kupiluhya zhyindi zhyone zhyamweelwe." ⁹ Jesu wakaamba kuli nguwe, "Sunu luhutuko lwahika mung'anda yako, nkaambo ayebo ulaba mwana wa Abulahamu. ¹⁰ Nkaambo Mwama amuntu wakahikila kuyandaula alimwi akuhutula banttu bakahiminine." ¹¹ Mbuli mbobakanhvwa zhyintu eezhyi, wakaya kumbele kwaamba alimwi akupa mukozhyano, nkaambo wakali ahwaahwi a Jelusalemu, alimwi bakali kuyeeya kuti bulelo bwa Leza buli ahwahwi kuli bonya. ¹² Nkaambo kaako wakaamba, "Umwi muntu mulemulemu wakaunka kucihi cili kulaale kuyakuli tambwila bulelo alimwi kumane akapiluke. ¹³ Wakabaita batwanga bakwe bali kumi akubapa mpondo zhyili kumi alimwi akwaamba kuli mbabo, mucite mpindu kuhikila nkapiluke; ¹⁴ Pele bahicihi nyina bakamusula alimwi akutuma nkamu imukapaula, bakaamba tatukonzhyi kuba amuntu ulibobuya kuti atulele.' ¹⁵ Cakacitika ciindi nakapiluka, katambwile kale bulelo, wakalailila batwanga kuli baabo bakapelwe kale mali kuti ulabayita, kuti azhyibe nkobakajana muciindi nobakali kubamba mpindu. ¹⁶ "Wakutaanguna wakahika kuli nguwe, waamba, 'Mwami, impondo zhyako zhyakabamba zhymbi zhyili ili kumi.' ¹⁷ "Muntu mulemu wakamba kuli nguwe, 'wacita kabotu, mutwanga mubotu. Nkaambo wakahyomeka mukantu kahyoonto, uyakweendelezhya ma dolopo ali kumi.' ¹⁸ "Iwabili wakahika, wakaamba, Impondo yako, Mwami, kwabambwa zhyimbi zhyosanwe. ¹⁹ Imulemu lemu wakaaba kuli nguwe, 'Kweendelezhya ma dolopo osanwe.' ²⁰ "Aumwi wakahika, wakaamba, 'Mwami, njeeyi mpondo yako, njinda kayobwele kabotu mucisani, ²¹ ndaali kuyoowa ndiwe , nkaambo uli muntu ucita ncoyanda ulabweza zhyintu zhyotabika, alimwi ulatebula ncotakahyanga.' ²² "Imulemu lemu wakaamba kuli nguwe, 'Mumazwi aako njaukubeteka, yebo omutwanga mubyaabi. Yebo ulizhyi kuti ncita nciyanda, ndabweza cintu ncendatakabika, alimwi akutebula cintu ncendatakahyanga. ²³ Kumane nkaambo nzhyi ncotakaabika mali aangu mubbanga, kucita kuti ndaakupiluka nkekonzhya kwakuhya kakwete abutwehyo?' ²⁴ Imulemu lemu wakaambila baabo bakainhvwi ambali, 'Anyangwe mpondo nja kwete, alimwi amwipe kuli yooyo ukwete kale zhyili kumi.' ²⁵ "Bakaamba kuli nguwe, 'Mwami, ulikwete kale zhyili kumi.' ²⁶ "Ndaamba kuli ndimwe, kwaamba kuti kuli yooyo ukwete uyakupewa kunji, pele kuli yooyo unyina, kwaambihya akuli nkakwete uyakunyangwa. ²⁷ Pele aba bahinkondoma, aba batayandi kuti nkabalele, amubalete alimwi mubajaye kumbele lyangu."' ²⁸ Nakamana kukanana zhyintu eezhyi, wakaya kumbele, kayabutanta kuya ku Jelusalema ²⁹ Mbuli mboca kayanda kuhika nakahika munhi munhi a Bethphage alimwi Bethany, ku mulundu wiitwa kuti Oliva, wakatuma bobile bahiciiya, ³⁰ wakaamba, "Kamuya mumunzhyi ucilila mbuli mbomunjila, muya kuyana indudwa itana tantilwe mukakahungulule alimwi mukakalete kuli ndime. ³¹ Naa kuti umwi akamubuzhye, 'Mukaangulila nzhyi? 'mukaambe, 'Imwami ulakayanda.'" ³² Abo akatumwa akaunka alimwi bakayana ndudwa mbubona Jesu mbwakabaambilile. ³³ Mbuli mbobaali kwaangulula indudwa, kuka mwini wakaamba kuli mbabo, "nkaambo nzhyi ncomwaangulula indudwa?" ³⁴ Bakaamba, "Imwami ulayiyanda." ³⁵ Bakileta kuli Jesu, alimwi bakawaala zhyisani atala andudwa alimwi Jesu bakamukazhyika alinjiyo. ³⁶ Mbuli mbwakaunka, bakayala zhyisani zhyabo mumugwagwa. ³⁷ Mbuli mbwakahika munhi munhi abusena bwa mulundu wa Oliva mbowakahumpuka, imabunga mabunga abahiciiya baka tailika kusekelela alimwi akulumbaizhya Leza amazwi akuyobeka kumilimo yanguzu zhyakwe zhyalo nzhyobakabona, bakaamba, ³⁸ "Walelekwa mwami uboola muzhyina lya Mwami! Luumuno kujulu alimwi a bulemu bapati!" ³⁹ Bamwi baba Faliso mumakamu makamu bakaamba kuli nguwe, "Mwiiyi, babwentele bahiciiya bako." ⁴⁰ Jesu wakaingula akwaamba, "Ndamwaambila, naa kuti aba kabaumwine, imabwe aya kulilihya." ⁴¹ Ciindi Jesu nakahika a dolopo, wakalilila dolopo. ⁴² Waamba, "Naa nomwakali kuzhyi kuhikila mubuzuba buno, nomuba ndimwe, izhyintu zhyinga zhyamuletela luumuno! Pele ono zhyilihisilwe kumeso eenu. ⁴³ Nkaambo mazuba ayakuhika alindimwe iciindi bahinkondonyoko nobaya kubika mugelo umuhinguluka alimwi akumuhyanikizhya mumabahvwu oonse. ⁴⁴ Bayakumuwihizhya anhi, abana benu, tabakamuhiili naliba bwe lyomwe atala alimwi nkaambo kunyina nomwakaiba luka ciindi cenu ca kuswaya." ⁴⁵ Jesu wakanjila mu tempele alimwi akutalika kutanda baabo bakali kusambala, ⁴⁶ wakaamba kuli mbabo. 'kuli lembelwe, Ing'anda yangu iyakuba ng'anda yakupailila, 'pele mwaibamba kuba cikkalilo cabahumpi." ⁴⁷ Lino Jesu wakali kuyiihya abuzuba mu tempele. Bapaizhya bakando alimwi aba lembi bakali kumuyandaula kumuyaya, mbuli mbobaali ba sololi babantu, ⁴⁸ pele kunyina nobakayana inzhyila yakucita boobo nkaambo bantu boonse bakaliteelele cakuyandihihya.