¹ Kumane wakabaambila mukozhyano wa mbobeelele kupaila lyoonse alimwi akuta tyompokelwa, ² waamba, "mudolopo limwi kwakali mubetehi wataali kuyoowa Leza alimwi takali kulemeka bantu. ³ Ono kwakali mukamuhu mu dolopo liya, eelyo wakaboola kuli nguwe, waamba, ndigwahye kondibambile kaamba kuli bahinkondoma; ⁴ Kwaciindi cilanhu takayandika kumugwahya, pele kabe kaindi waka lyaambya mwini, nokuba kuti Leza nhimuyoowi nokuba kulemeka muntu, ⁵ muli kooku nkaambo kakuti ooyu mukaintu makamuhu ulandiletela mapenzhyi, njakumugwahya akukumukobelela, kwaamba kuti mukupilauka kwakwe atandipenzhyi."" ⁶ Kumane Imwami wakaamba, "Teelela kumubetehi utacizhyi kulanganya twaambo mbwaamba. ⁷ Lino hena Leza takaleti bubelehi bubotu kubasale bakwe abo balila kuli nguwe mahikati amahiku? Hena inga wamuka kubalanganya? ⁸ Ndamwaambila kwaamba kuti uyakuleta lubeta cakuhwambaana kuli mbabo, akuti Imwana amuntu akuhika`, hena ncobeni uyakuyana luhyomo munyika?" ⁹ Kumane alimwi wakakanana cikozhyano kuli bamwi balihyoma lwabo beni kuti mbalulami alimwi mbibadyakaizhya bamwi bantu. ¹⁰ Bantu bobile bakaunka ku Tempele kuya kukomba- umwi wakali mu Faliso umwi kali himulelo. ¹¹ Mu Faliso wakaimikila akupaila zhyintu eezhyi lwakwe mukamwimi, 'Leza, ndakulumba nkaambo nhili mbuli bantu bambi - batewu, bantu bataluleme, bahimamambe - nakuba mbuli yooyu himulelo. ¹² Ndaliimya kobile munhvwiki. Ndapiluhya kwa kumi kuli nhijana; ¹³ Pele himutelo, kainhvwe alaale, katakozhyi kunantula meso akwe kujulu, pele kulyuuma acamba, waamba, 'Leza, ndihwila luse, ndimubihi. ¹⁴ Ndaamba kuli ndimwe, ooyu muntu wakaunka kung'anda yakwe kalulamikilwe kwiinda umwi, nkaambo nkuhumbwa yooyo ulisumpula lwakwe mwini uyakunhwizhyiwa, pele ooyo ulinhwinhya uyakusumpulwa." ¹⁵ Ibantu bakali kuleta bana kuti abaampe ampe, pele bahiciya nibakabona boobo, bakabakahya. ¹⁶ Pele Jesu wakabaita kulinguwe, waamba, "amubasungule bana bahyoonto kuhika kuli ndime, alimwi mutabakahi. Nkaambo bulelo bwa Leza mbubwabo balibobuya. ¹⁷ Mahimpe ndaamba kuli ndimwe, nkuhumbwa utakatambuli bulelo bwa Leza mbuli mwana mukutonkomana takabunjili." ¹⁸ Umwi mweendelezhyi wakamubuzhya waamba "mwiiyi mubotu, ndacita buti kuti nkanjile mubuumi butamani?" ¹⁹ Jesu wakaamba kuli nguwe, ninzhyi ncondiita kuti mubotu? Kunyina mubotu, cita Leza alike. ²⁰ Uliizhyi milawo - utaciti mamambe, utayayi, utabbi, utaambi zhyakubeya, lemeka uso ababanyoko." ²¹ Imweendelezhyi wakaamba, zhyintu eezhyi zhyoonse ndali kuzhyicita kuhvwa kubukubuhi." ²² Eelyo Jesu nakateelela boobo, wakaamba kuli nguwe, "Ubulile cintu comwe. Welele kusambala zhyoonse nhokwete amana ukahohye bacete, eelyo uyakuba abuyobozhyi mwizeulu - alimwi hika, kondicilila." ²³ Pele mweendelezhyi nakateelela zhyintu eezhyi, wakatyompwa mukuusa, nkaambo wakalihubile cinicini. ²⁴ Kumane Jesu, wakamulangihihya waamba, "Kuyumu buti kuli baabo bahvwubile kunjila mu bulelo bwa Leza. ²⁵ Nkaambo ncuba inkamela kunjila mukapulo kanyeleti, kwiinda muntu muhubi kunjila mubulelo bwa Leza. ²⁶ Bakali kuteelela baamba, Ino nguni unga wahutuka?" ²⁷ Jesu wakaingula, "Izhyintu zhyiyumu kubantu kuli Leza nhyubauba." ²⁸ Petulo wakaamba, "Cabota, twakahiya zhyintu zhyoonse nzhyesu akutobela ndiwe." ²⁹ Jeso wakaamba kuli mbabo, "Mahimpe, ndaamba kuli ndimwe kuti kunyina naba omwe unga wahiya ing'anda, naba mwinakwe nakuba bana bakwabo basankwa, nibaba bazhyali, nibaba bana, nkaambo kabulelo bwa Leza, ³⁰ utakwe kuyakutambula kunji muciindi cino, alimwi amumusela uciza, ibuumi butamani." ³¹ Naakamana kubunganya bali kumi mwabili lwakwe, wakaamba kuli mbabo, "Amubone, tuunka ku Jelusalem, alimwi zhyintu zhyoonse nzhyakalembwa abanhinhimi zhyi kwatikizhya Mwana a Muntu zhyiyakuzuzikizhyiwa. ³² Nkaambo uyakwabwa abamahi, alimwi uya kusaazhwa, alimwi kucitwa camasampu, alimwi akuswilwa mate. ³³ Bakumana kumukwibbaula, baya kukuyaya alimwi mubuzuba bwatatu uyakubuka alimwi." ³⁴ Kunyina ncobakateelela kuzhyintu eezhyi, alimwi eeli izwi lyakalisisilwe kuli mbabo, alimwi kunyina anobaakali kuteelela zhyintu zhyakali kwaambwa. ³⁵ Alimwi kwakasila ciindi, mbuli Jesu mbwakanjila mu Jeriko, umwi muntu moohu wakakele munhimunhi amugwagwa kalombelela, ³⁶ alimwi akuteelela kuyobeka kwamakamu makamu kaya bweenda, wakabuzhya cakali kucitika. ³⁷ Bakamwaambila kuti Jesu wa Nanzaleta ulainda. ³⁸ Mpoona muntu moohu wakoongolola, ulaamba, "Jesu, Mwana a Davwiida, kondihwila luse." ³⁹ Ibakali kweenda kumbele lyakwe bakamubwetela imuntu moohu, kumwaambila kuti aumune. Pee wakakwila kwiindilila, "Mwana a Davwiida, ndihwile luse." ⁴⁰ Jesu wakaimikila alimwi akulailila kwaamba kuti ooyu muntu aletwe kuli nguwe. Kumane oyu muntu moohu nakaswena ahwahwi, Jesu wakamubuzhya, ⁴¹ "Hena uyanda kuti ndikucitile nhyi?" Wakati, "Mwami, ndiyanda kubona. ⁴² Jesu wakaamba kuli nguwe, "Tambula kubona. Luhyomo lwakao lwakuponya." ⁴³ Mpoona mpoona wakatambula kubona alimwi wakamutobela, kalumbaizhya Leza. Bantu boonse, nibakabona ciici, bakapa kulumbaizhya kuli Leza.