¹ Jesu alimwi wakaamba kuli bahiciiya bakwe, "Kwakali umwi muntu wakahvwubile wakakweete mulangi, alimwi wakatuminwa kuti mulangi wako walumwayaula lubono lwako. ² Ono muntu muhvwubi wakamwiita alimwi akumwaambila, 'ncizhyi eeci ncindakateelela andiwe? Kondipa bwaambilizhyi bwabubelehi bwako, nkaambo yebo tokabi limbi mubelehi wangu; ³ "Imulangi wakalyaambya mwini, 'ndacita buti, nkaambo kakuti himalelo wangu wabweza bweendelezhyi bwa ncito? Nhikwete insana zhyakuhya, alimwi ndaba ansoni kulomba. ⁴ Ndizhyi cakuyakucita , kwaamba kuti ndaakukuhiwa kuhvwa kumilimo yangu yabulangi, bantu baya kunditambula mumaanda abo; ⁵ Imulangi wakaita wabamwi bakakweletele kuli himalelo akwe, alimwi waka mulomba wakutaanguna, "wakakweleta ongaye kuli himalelo angu? ⁶ Wakaamba, 'Imwaanda wazhyibikilo zhya mahuta a olifa; " Wakaamba kuli nguwe, Bweza cikwelete, kkala anhi cakuhwambaana, alimwi ulembe makumi osanwe; ⁷ "Kumane mulangi wakaamba kuli umwi, aliongaye ngokweletele? "Wakaamba kuli nguwe, bweza cikwelete, alimwi ulembe lusele; ⁸ Himalelo kumane wakalalila mulangi utaluleme kwaamba kuti wabeleka camaanu nkaambo bana ba nyika eeyi balamaanu kwiinda mu kulanganya bantu babo kwiinda bana bamumuni. ⁹ Ndaamba kuli ndimwe, kamulibambila benhinyoko mukujana lubono lutaluleme kucita kuti lwaakumana, kucita kuti bakamutambule mubukkale butamani. ¹⁰ Ooyu uhyomeka mukantu kahyoonto alimwi ngonguwe ukonhya kuhyomeka amuzhyinji, alimwi ooyu utaluleme kakahyoonto alimwi ngonguwe utaluleme mukunji. ¹¹ Naa tolikuhyomeka mukubelehya lubono lutaluleme, nguni uyakukuhyoma alubona lwamahimpe? ¹² Naa tolikuhyomeka mukubelehya zhyintu zhyabantu, nguni unga wakupa mali yebo lwako? ¹³ Kunyina mutwanga unga wabelekela bahimalelo bobile, cimwi ciindi inga wamusula omwe akuyanda umwi, kwindilila waawo inga walipa kuli umwi alimwi akusampaula umwi. Tamukozhyi kubelekela Leza alimwi a lubono." ¹⁴ Lino ba Faliso, bakali kuyandihya mali, nibakanhvwa zhyintueezhyi, bakamunonga. ¹⁵ Wakaamba kuli mbabo, "Mulalilulamika lwenu mubuhyu bwa bantu, pele Leza ulizhyi myoyo yenu. Kwaamba kuti eeco cisumpulwa akati kabantu ciba cisesemyo mubuhyu bwa Leza. ¹⁶ Imulawo alimwi abanhihimi zhyakalimumapenhyi kuhikila kukuhika kwa Johani. Kuhvwa muciindi eco, imulumbe wabulelo bwa Leza ulakambaukwa, alimwi uli oonse ulasola akuli hinikizhya munhila zhyakwe muli nkuko. ¹⁷ Pele ncuubamba kuti izeulu alimwi anyika zhyimane kwiinda kuti komwe kadyombwi kamulugwalo lwa mulawo kamane. ¹⁸ Nkuhumbwa uleka mukaintu wakwe alimwi watwala umbi wacita mamambe, alimwi ooyo utwala wakalekwa kuhwa kumulumyaakwe wacita mamambe. ¹⁹ "Lino kwakali umwi muntu wakahubile walo wakali kusama masani akwaima alimwi kamweka mweka alimwi wakali kukkomana abuzuba kubuhibi bwakwe bukando. ²⁰ Hikulombelela umwi uli azhyina lya Lazalo walo wakabikilwe amulyango wakwe, kakwete malonda aluseba, ²¹ alimwi kayandihihya kulya tuloka loka kuzhwa kutahule lya muhubi. Abalo babwa bakali kuhika kumyaankuta kuzhyilonda zhyakwe. ²² Nicakahika akuti hikulombelela wakahwa alimwi wakabwezwa abaanjile kulubahu lwa Abulahamu. Imuhubi wakahwa awalo alimwi wakazhyikwa, ²³ alimwi mukalambwe, kali mukupya, wakanamuna meso akwe akubona Abulahamu kulaale alimwi Lazalo kali kulubahu lwakwe. ²⁴ Mpoona wakalilihya alimwi akwaamba, 'Taata Abulaham, kondihwila luse alimwi umutume Lazalo, kwaamba kuti atompe munwe wakwe mumeenzhyi kuti atontozhya mulaka wangu, nkaambo ndimukuwizauka mumabanga banga aya.' ²⁵ "Pele A bulaham wakaamba, 'Mwana, koyeeya kuti mubuumi bwako nokalikupona wakali kutambula zhyintu zhyibotu, alimwi Lazalo mucilimo ncicona zhyintu zhyibyabi. Pele walo ono ulimukuumbulizhyiwa kuno, alimwi yebo uli mukucecenyana. ²⁶ Kunze akoonse oku, imwaako mukando wakabikwa mubusena, kwaamba boonse bayanda kulanduka kuhika kooko tabacikonhyi, alimwi kunyina ucikonhya kulanduka kuhvwa kooko kuza kuli ndiswe.' ²⁷ "Imuntu muhubi wakaamba, 'ndakulomba, Taata Abulaham, kwaamba kuti umutume kung'anda yataata- ²⁸ nkaambo ndikwete bana bakwesu bosanwe basankwa - kwaamba kuti akabacenjezhye, kwaamba kuti citabi kuti abalo balike kubusena oobu bupya.' ²⁹ "Pele Abulaham waamba, 'Balikwete Muusa abanhinhimi; abateelela mbabo.' ³⁰ "Imuntu muhubi wakaingula, peepe, Taata Abulaham, pele naakuti umwi waunka kuli mbabo kuhvwa kubahwu, baya kusanduka.' ³¹ Pele Abulahamu wakaamba kuli nguwe, 'naakuti tabateeleli Muusa alimwi abanhinhimi, mubuti mbabanga basanduka naa umwi wabuka kuhwa kubahwu.'''