¹ Lino boonse ba himutelo alimwi ababihi bamwi bakahika kuli Jeso akuteelela kuli nguwe. ² Boonse ba Faliso abalembi kabazukauzhyanya kuli umwi aumwi, balaamba, "Ooyu muntu ulatambula babihi, alimwi akulya ambabo.' ³ Jesu wakaamba mucikozhyanyo kuli mbabo, wakati, ⁴ "Nguni umwi wenu, naa kakwete imbelele zhyili mwaanda alimwi kumane wazhyimininwa yomwe akati kanzhyinzhyo, hena inga taahiya zhyili makumi ali ihuka alimwi mulukula, akuunka kuyabuyandaula yomwe isweekele akwijana? ⁵ Kwamana waijana buyo, ulikulika amawezo aalwe akusekelela. ⁶ Wahika ku ng'anda, ulaita beenzhyinyina antoomwe alimwi abahimukobonyina, waamba kuli mbabo, 'Amusekelele andime, nkaambo ndaiyana imbelele yangu yakasweekele. ⁷ Ndaamba kuli ndime kuti, kuyakuba kukomana muzeulu kumubyaabi omwe uwasanduka, kwiinda bali makumi ihuka abali ihuka bantu baluleme bataciyandi kusanduka. ⁸ Naa mukaintu ukwete mahyeleni kumi ansiliiva, alimwi na lyomwe lyazhyimina, hena inga takonzhyi kuyanhya lambe kupeela ing'anda, akuhwulungula kuhika waliyana? ⁹ Iciindi naliyana, ulaita antoomwe beezhyinyina alimwi abahimukobonyina, akwaamba, 'Amusekelele andime, nkaambo inhyeleni ndaliyana lyakazhyiminine.' ¹⁰ Abobuya, ndaamba kuli ndimwe, kuli kukomana mubuhya bwaba njele ba Leza kumubyaaabi omwe naasanduka." ¹¹ Kumana Jesu wakaamba, "Umwi muntu wakali abana bobile basankwa, ¹² imunhyoonto wakamba kuli bawihyi, Taata, kamundipa cibeela calubono lwalo lubalilwa kulindime.' Eelyo wakaabanya lubono lwakwe kuli mbabo. ¹³ Tanakahvwula mazuba, imwana munhyoonto wakabunganya antoomwe koonse nkwakapewa alimwi akweenda kuya kucihi cili kulaale, alimwi ooko nkwaka kusowaila lubono lwakwe loonse kwiinda mukupona amanhunze. ¹⁴ Lino nakakamana kumwaya zhyoonse, inzala inkando yakakwatikizhyo cihi cilya, alimwi wakatalika kuba mukubula. ¹⁵ Wakaunka alimwi akulinjinzhya kuba wabaabo bahicihi munyika iilya, walo wakatumwa mumyuunda yakwe akusanina ngulube. ¹⁶ Wakalombozhya kulya masenga alo alya ngulube nkaambo kunyina wakamupa cili coonse. ¹⁷ Pele nakahika mwana musankwa kukuyeeya kwini kwini, wakaamba, 'mbanji buti babelehi batwanga baba Taata bakwete zhyakulya zhyinji zhyilekwa lekwa, alimwi mebo ndiwaano, kuhwa kunzala! ¹⁸ Ndilanyamuka akuhvwa kuno akuunka kuli bataata, alimwi njakwaamba kuli mbabo, "Taata, ndabihizhya izeulu alimwi a ndiwe. ¹⁹ Nhiceeleli kwitwa kuti ndimwana wenu musankwe; kondibamba mbuli umwi wababelehi bako batwanga.'" ²⁰ Mpoona mwana musankwa munhyoonto wakanyamuka akuhiya alimwi akuunka kuli bawihi. Kacili kulaale, bawihi bakamubona alimwi bakalinhvwa kuba a luse, alimwi bakatiyaana akumukumbata alimwi akumumyonta. ²¹ Mwana wakaamba kuli wihi, 'Taata, ndabihizhya julu alimwi andimwe, nhiceeleli limbi kwiitwa kuti ndimwana wenu; ²² "Bawihi bakaamba kubatwaanga, ' amulete cakuhwambaana cisani cibotu, akumusamika, alimwi akumubika intasa kwitanhi lyakwe, alimwi akumusamika mpato kumatende akwe. ²³ Kumane amulete moombe winine akumuyaya. Atupobwele alimwi akusekelela! ²⁴ Mwana wangu wakalihwile, alimwi ono ulapona. Wakali sowekele, alimwi ono wajanwa; kumane bakatalika kusekelela. ²⁵ Ono mwana wakwe musankwa mukando wakaunkile musokwe mbuli mbwakali kuciza alimwi akuswena ahwaahwi ang'anda, wakateelela nyimbo alimwi akuzhyana. ²⁶ Wakaita umwi wabatwanga alimwi akubuzhya kuti hena zhyintu eezhyi cilaba buti. ²⁷ Imutwanga wakaamba kuli nguwe, 'Mwana wakwenu wahika akwabo alimwi bauso bamuyayila moombe winine nkaambo bamutambula kali acikanda ciinu inu; ²⁸ "Mwana mukando wakanyema alimwi kunyina nakanjila, alimwi bawihi bakazhwa ansengwe akumukombelezhya. ²⁹ Pele mwana mukando wahvwiila alimwi wakaamba kuli bawihi, 'Langa, myaka eeyi minji ndakubelekila cabuzhyike, alimwi kunyina nindakauntuzhya malailile ako, nokuba boobo kunyina anokandipele kapongo kahyoonto kwaamba kuti ndisekelele abeenzuma. ³⁰ Pele mwana ako nahika, wakanyonyoona buponi bwako kwiinda mubuhvuule, wamujayila moombe uyinine; ³¹ "Bawihi bakaamba kuli nguwe, "Mwana, yebo ulandime lyoonse, alimwi zhyoonse zhyangu nhizhyako. ³² Pele cakeelela kuti tusekelele alimwi akutangala nkaambo ooyu mwanaakwenu wakali hwile, alimwi ono ulapona; wakali sweekele, alimwi ono wayanwa.'''