¹ Mpoona Pilato wakamutola Jeso alimwi wakaukwabbaula. ² Bahikalumamba bakaluka muhini wamahvwa. Bakaubika kumutwe wa Leso alimwi bakamusamika cisani cisubila-subila. ³ Bakaboola kuli nguwe alimwi bakaamba, "Wabonwa, Omwami waba Juda!" Alimwi bakamuuma-uma. ⁴ Ono Pilato wakaunka ansengwe alimwi wakaamba kuli mbabo, "Amulange, ndamuleta ansengwe kuli ndinye kutewa kuti muzhyibe kuti kunyina mulandu ngwiindamuyanina." ⁵ Boobo Jeso wakahvwa ansengwe, kasamine muhini wamahvwa alimwi a cisani cisubila-subila. Pilato wakaamba kulimababo, "Amulange, ngooyu mulombwana!" ⁶ Ndilyona bapaihi bakando alimwi abasilikani nobakamubona Jeso bakoongollola alimwi bakati, Amumubambule, amumubambule!" ⁷ Ba ma Juda bakamuhvwiila, "Tulikwete mulawo, alimwi kwendelana a mulawo welele kuhwa nkaambo waka lyamba kuti Mwana a Leza." ⁸ Mpoona Pilato nakahvwa kambo aaka, wakanjilwa bakandu, ⁹ alimwi wakanjila munkuta inkando yamfwulumende a kwaamba kuti kuli Jeso, " Hena uhvwa kuli?" Pele Jeso kunyina nakamuhvwiila. ¹⁰ Kumane Pilato wakaambs kuli nguwe, "Hena tabaambauli kuli ndime? Tohi kuti ndikwete insana zhya kukwangulula, alimwi nsana zya kukubambula?" ¹¹ Jeso wakamuhvwiila,"Tokwete nokuba nsana atala a lindime ncita buyo ceeco cakapewa kuli ndiwe kuhvwa kujulu nkaambo kaako. ooyo wakandaaba kulindiwe ngonguwe ukwewte cibwabi cikando." ¹² Kukuhwiila oku, Pilato wakayanda kumwaangulula, pele ba Juda bakoongolola bakaamba, "Namumwangulule, mulombwana oyu toli mweenhinyina a Caesar. Woonsse muntu ulika kami-kami ngohinkondonyina a Caeser. ¹³ Elyo Pilato nakahvwa ma zwi aya, wakaleta Jeao ansengwe alimwi wakakkala a cuuno ca bwami mubusena bwiitwa kuti "Lubuwa lwamabwe, "Pele mumulaka wa ci Arabbu, "Gabata" ¹⁴ Ono mwakali buzuba bwakulibambila Pasika, aciindi ca oola lyacisambomwe. Pilato wakamba kuli ba ma Juda, "Amubone, ngooyu mwami wenu!" ¹⁵ Bakoompolola kapati, "Amumutole, amumutole, amubambule!" ¹⁶ Mpoona Pilato wakabapa Jeso kuli mbabo kuti abambulwe. ¹⁷ Mpoona bakamutola Jeso, kumane wakahvwa ansengwe, kabwezele cicikano cakwe, kuya kubusena bwiitwa kuti "Busena bwa Kaanza," mwalo mumulaka waci Arabbu mwiita kuti "Golota." ¹⁸ Bakamubambula okuya, alimwi antoomwe anguwe abamwi balombwana bobile, omwe omwe kulubahvwu lumwi, Jeso akati. ¹⁹ Pilato awalo wakalemba kakwaankwani akukabika acicinkano. Aalya kwakalembelwe kuti: JESO WANANZALETA, MWAMI WABA JUDA. ²⁰ Bunji bwabama Juda, bakakabala kakwaankani aaka nkaambo kakuti busena Jeso nkwakabambulwa kwaali munhi-munhi adolopo likando. Citondenzyo cakali lembelwe muci Arabbu, muci Latin, alimwi amu ci Giliki. ²¹ Mpoona bapaizhyi bakando baba Juda bakaamba kuli Pilato, "Utalembi kuti, 'Mwami waba Juda' pele ulembe kuti, 'Oyu wakaamba kuti, 'Ndimwami waba Juda'" ²² Pilato wakanvwiila, "Ncindalemba ndacilemba." ²³ Mpoona bahikalumamba nobakamubambula Jeso, bakabweza zyakusama zyakwe, bakazyaabanya muhibeela-beela zhyili zyone, umwi aumwi comwe, alimwi acibaki. Ono cibaki tiicakakwete moombe, cakasuminwe buyo acibeela comwe kuhwa atala. ²⁴ Awo bakaamba kuli umwi aumwi,"Tatucizapauli, pele ibuyo atuhuse cisolo kuti tubone na cilaba caani." Eeco cakacitika kutewa kuti malembe azuzukihiwe amba kuti,"Bakaabana zyakusama zyangu akati kabo akuhusa cisolo kuli zyakusama zyangu. ²⁵ Ono kuciingano caa Jeso wakali kwiihvwi babanyina, munyina babanyina. Maliya mukaintu wa Clopas, alimwi a Maliya Magadalena. ²⁶ mpoona Jesu naakabona babanyina alimwi ahikwiiya ooyo walo ngwaakali kuyandihihya kaivwi munhi-munhi, wakaamba kuli babaina, "Mukaintu, bona, mwanako!" ²⁷ kumane wakaamba kuli hikwiiya, "Bona, mbabanyoko!" Kuhwa muciindi eeco hikwiiya wakabatola kung'anda yakwe. ²⁸ Nikwakamana ceeci, mukuhiba kuti zyoonse, zyazuzukihiwa ono alimwi ketewa mangwalo azuzukihiwe, Jeso wakaamba,"Ndahwa nyota." ²⁹ Kabikkilo kakakwete wayini uulula kakalikubikkilwe okuya , obuya bakabika munganga uzhwile waini ulula akusumo kusumo a kunyamuna kubikka kumulomo wakwe. ³⁰ Mpoona Jeso nakanywe waini ulula, wakaamba, "Kuli manine" wakakotamika mutwe wakwe wakosola. ³¹ Ono bama Juda, nkaambo bwakali buzuba bwakalibambila, alimwi kutewa kuti mitunta itahyaali acicinkano munsabata (mboyakali nsabata Yambali inkando), bakamulomba Pilato kuti babatyoloole maulu abo alimwiakubakwihya. ³³ Ono basikalumamba bakaboola alimwi batyola maulu amulombwana wakutanguna alimwi amulombwana wabili wakalikubambwilwe a Jeso. ³² Ono noba kaboola kuli Jeso, bakabona kuti wahwa kale, aboobo maulu akwe kunyina nobakatyola. ³⁴ Nokuba boobo, umwi wabahikalumamba waka muyasa kuhibahwu lumwi a sumo, alimwi kuhwambana-hwambana bulowa a meenhyi a kahvwa. ³⁵ Oyo wakabona ceeci wakapa bumboni, alimwi bumboni bwakwe mbwamahimpe. Ulihyi kwaamba kuti ncaakaamba kutewa kuti anywebo mukuhyoma. ³⁶ Mukuti eezhyi zhintu zhya kcitika muciimo ca kuzuzikizya mangwalo, "Kunyina nociba comwe cihuwa cakwe cayakutyolwa." ³⁷ Alimwi, mangwalo alamba, "Baya kulanga kuli nguwe oyo walo ngobakayasa." ³⁸ Nokwakamana heezhyizhyintu Josehwa waku Arimathea, mbwakali hikwiiya wa Jeso (pele kayubila mukuyoowa banguna kuli ma Juda), wakalomba Pilato kuti abweze mubili wa Jeso. Pilato wakamuhvwuminhya. Aboobo Josehwa wakaboola a kubeza mubili wakwe. ³⁹ Nicodema awalo wakaboola, walo oyo wakaboola cakutanguna kuli Jeso ciindi camahiku. Wakaleta tununkilihyo tuhvwelene amura alimwi a aloes, tuhika kumwaanda omwe mumweelwe. ⁴⁰ Kumane bakabweza mutunta wa Jeso a kuuhungaila mu asani atuba a tununkilihyo, mbokunga caali cilengwa caba Juda Kuzhyika mitunta. ⁴¹ Abusena awo mpaka bambulilwa kwakali igaladeni; alimwi mungaladeni kwali cinhwene cinyowane mwalo kunyina muntu naba omwe wakahyikkililwe mumo. ⁴² Nkaambo bwali buzuba bwakulibambila bama Juda mukuti cinhwene cakali ahwaahwi, bakamuzhyika Jeso muli ncico.