1 Jeso naakamana kwaamba mazwi aaya, wakaunka abahiciiya bakwe kubusena buli kumbi kulubahvwu lya Kidron Brook, kwalo kwakali mbewu mwalo walo abahiciiya bakwe mubakanjila. 2 Ono Judas, wakali kuyanda kumwaaba, awalo wakali kubuzhyi busena, mukuti Jeso wa kali kuhvwula kuunka kubusena oobu abahiciiya bakwe. 3 Mpoona Judas, kasololela nkamu yabahikalumamba abamwi basololeli kuhvwa kuba kando kando baba paizhyi aba Pharisee, bakaunka ooku aminzenge, malambe, azhyibelesyo zhyaandene zhyakulwanya. 4 Eelyo Jeso, walo wakazhyi zhyoonse zhya kali kucitika kuli nguwe, wakaunka kuli mbabo akubabuhya wati, "Ino nguni ngomuyandaula?" 5 Bakamuhvwuwa bakati, "Jeso wa Nazaretha." Jeso wakati kuli mbabo, "Ndendime." Judas, walo wakamwaaba, wakali kwiinhvwi aba hikalumamba. 6 Naakabaambila kuti, "Ndime," bakapiluka munhyi akuya kuwa anhyi. 7 Alimwi wakababuzhya, "Nguni ngomuyandaula?" Bakaingula alimwi bati, "Jeso wa Nazaretha." 8 Jeso wakaingula wati, "Ndamwaambila kuti ndime. Eelyo kuti kamuyandaula ndime, amubaleke aaba baunke." 9 Ooku kwakali kutewa kuzuzukizhye ibala ndyakaamba kuti: "Kuli baabo balo mbokandipa, kunyina naba omwe ngundakasowa." 10 Nikwakamana Simon Petre, walo wakakwete panga, wakalibweza akugonka muzhyike wamukando kando wabakambauhyi akumukosola kutwi kwakwe kwakululyo. Izhyina lyamuzhyike wakali Malchus. 11 Jeso wakati kuli Peter, "Kopiluhya ipanga mulyabele. Hena heelele kunywa nkomeki yalo ba Taata njibakandipa?" 12 Eelyo nkamu yaba hikalumamba amusololi, aba mapolisi baba Juuda, bakamukwata Jeso akumwaanga. 13 Bakamutola kwa Annas kusaanguna, mukuti wakali uhyi-zhyala-wa Caiaphas, mbokunga wakali ngo mukambauhyi mukando ooyo mwaka. 14 Nokuba boobo Caiaphas nguwakapele malailile kuli bama Judah kuti inga cabota kuti muntu omwe ahwile bantu. 15 Simon Peter wakamutobela Jeso, alimwi aumwi hiciiya. Mukuti hiciiya wakalizhyibilwe kumupaizhyi mukando, alimwi wakanjila a Jeso mulukwakwa lwa mupaizhyi mukando; 16 pele Peter wakali kwiihvwi anze aamulyango. Eelyo hiciiya umwi, wakazhyibilwe ku mupaizhyi mukando, wakaunka ansengwe kuya kukanana amulindzhyi amulyango, akunjizhya Peter mukati. 17 Kumana waawo muzhyike mukaintu, mulonda, wakamwaambila kuti Peter, "Hena toli umwi ayebo waba hiciiya ba muntu ooyu?" Wakati , "Peepe hyelindime." 18 Muciindi eeci bazhyike aba mapolisi bakali kwiinhvwi aawo, nkaambo bakabambile mulilo wamalasha, mukuti kwakali kutontola, alimwi akuli kasszhya akati kabo. 19 Mubetehyi mukando aawo wakabuzhya Jeso kukwatilizhya bahiciiya bakwe amulumbe wakwe. 20 Jeso wakamuhvwuwa, "Ndakaambaula caantangalala kunyika. Lyoonse ndakali kuyiihya muma synagogue alimwi amutempele kwalo nkubakali kuboola boonse bama Juda. Kunyina nceekabandikila kunso. 21 Nkaambo nzhyi ncomundibuzhyila? Kamubabuzhya aabo bakandinhvwa ncheekaamba. 22 Nakamana kuhvwuwa boobo Jeso, umwi wababelehyi wakali kwiinhvwi aawo wakauma Jeso akwaamba kuti, "Hena mboba hvwuwa mupaizhyi mukando oobo?" 23 Jeso waka muhvwiila, "Naa ndakabandika bubyaabi, amukayiminine kahyimpe mwaambe cibi nchindakaamba,pele naa cakaambwa kabotu, nkaambo nzhyi mwanduuma?" 24 Kumane Annas wakamutumina kuli Caiaphas mukando wababetehyi kumwi kaangilwe. 25 Simon Peter wakali kwiinhvwi kumwi kalikasaazhya. Bantu bakatalika kwaamba kuti kuli nguwe, "Hena toli umwi wabahiciiya?" Wakakaka akwaamba kuti, "Heli ndime pe." 26 Muzhyike omwe wamupaizhyi mukando, wakali akutwi kwakagonkelwe a Peter, wakati, "Hena hindakakubona ebo mumbeu anguwe?" 27 Awalo Peter wakaindulula kukaka; eelyo mpoona aawo mukombwe wakalila. 28 Eelyo bakamutola Jeso kuhvwa kwa Caiaphas kuya busena bukando bwa nhwulumende. Aaya akali mahumohumo, alimwi tibakahyika kubusena bukando bwa nhwulumende mukuti bakali kuyoowa kusohwaala kucita kuti bakakonzhye kulya Pasika. 29 Walo Pilate wakaunka kuli mbabo akuya kwaamba kuti, "Nkutamikizhyiwa kuli buti nkomupa muntu ooyu?" 30 Bakamwiingula akwaamba kuti kulinguwe, "Nokwali kuti ooyu muntu tali himucita zhyibi nitwata muleta ukono kuli ndiwe." 31 Pilato mulikaako wakati kuli mbabo, "Kamumubweza nobeni, mukamubeteke kweendelana amulawo wenu." Bama Juuda bakati kuli nguwe, "Tacili mumulawo kuti swebo tuyaye muntu." 32 Bakaamba boobo kutewa izwi lya Jeso lizuzukizhyiwe lyalo ndyaakaamba kuti atondezhye muhyobo waluhwu ndwayakuhwa. 33 Naakamana Pilato wakanjila mubusena bukando bwanhwulumwnde akwiita Jeso alimwi a kwaamba kuti kuli nguwe, "Hena uli Mwami wama Juuda?" 34 Jeso wakaingula, "Hena waambaula kuhvwa mulinduwe omwini, na bamyu mbaba kakwaambila zhyikwatikizhya ndime?" 35 Pilato wakati, "Heli mu Juuda, hena tabuhyi? Bantu bakwenu a bapaizhyi bakando mbaba kapa ndiwe kuli ndime." Ino wakacita nzhyi? 36 Jeso wakaingula kuti, " Bwami bwangu tabuli bwanyika eeyi. Naa bwami bwangu nibwali bwa akati cacibeela canyika eeyi, nkokuti bazhyike bangu inga balwana kucita kuti intapewa kuba Juuda. Pele ono bwami bwangu tabuli bwaanhyi aano." 37 Pilato aboobo wakati kuli nguwe, "Uli mwami hena?" Jeso wakaingula wakati, "Waamba kuti ndi mwami. Mumuzeezo ooyu ndakazhyalwa, alimwi kwiinda muli nguwo ndakaboola anyika, kuti nzekupe bumboni bwakahimpe. Oonse ooyo uukala mukahimpe ulateelela izwi lyangu." 38 Pilato wakamubuzhya wati, "Ino mahimpe ninzhyi? Naakaamba boobu, wakaunka anze alimwi kuya kubaa Juuda akutikuli mbabo, "Hyiindayana mulandu mumuntu ooyu. 39 Pele mukwete cilengwa cakuti ndileelele kulekelela omwe muntu ciindi ca Pasika. Aboobo hena mulayanda kuti mulekele Mwami wama Juuda?" 40 Eelyo bakalila alimwi akuti, "Kutali muntu ooyu, pele Barabbas." Kakuli Barabbas wakali mwaange.