¹ Ikolonganikeni mwebene pamo kabili nokukolongana, uluko ulushaba nansoni-- ² panuma icapampamikwa tacila citika kabili bulya bushiku bulepita ngemisungu, panuma icifukushi cilepya ngomulilo ica kwa Yawe icipyu caisa pali iwe, panuma yabushiku bwacipyu cakwa Yawe bwaisa pali iwe. ³ Fwayeni Yawe, bonse imwe mwebantu pesonde abo ababela ubupingushi bwakwe! Fwayeni ubulungami, fwayeni ubufuke, elyo limbi mukacingililwa mubushiku sha cipyu cakwa Yawe. ⁴ Pantu Gasa akalekeleshiwa, kabili Ashkelone akaluka mu cibolya. Bakatamfiwamo mu Ashdokati pakabala kabili bakafumyapo Ekroni! ⁵ Akalanda kubekashi bakucabu, uluko lwabena Keriti! Yawe alanda palubali lwenu, Kanani, icalo cabapelishiti. Inkamyonaula imwe mpakafye nelyo umo umwikashi ukushalapo. ⁶ Eico icabu cikasanguka incende kuli bakacema na kumacinka yampaanga. ⁷ Icintu caccbu cikabalubali kubashalapo abanganda yakwa Yuda, uyo ukacema umukuni wang'ombe shabo kulya. Abantu babo bakalambalala panshi mubushiku muma yanda yakwa Ashikeloni, pantu Yawe Lesa wabo akabasunga nokwisusha amashuko yabo. ⁸ ''Nalyumfwa imiponto yakwa Moabu kabili nomusalula wabantu baku Amoni ilyo bapontele abantu bandi no kubonawila imipaka yabo. ⁹ Ecalenga, apo ine ncilipo--ubu ebukombe bwakwa Yawe wamabumba, Lesa wakwa Israeli--Moabu alinokuba nga Sodomu, elyo abantu bakwa Amoni nga Gomora; incende yabakaenya kabili imikanda ya mucele, iyalekeleshiwa umuyayaya. Leelo abashalapo abantu bandi bakabapokolola, kabili abashalapo abanko bandi bakekalamo.'' ¹⁰ Ici cikacitika kuli Moabu na Amoni pamulandu wacilumba cabo, apo balipontela nokuba abafilumba palubali lwa bantu bakwa Yawe wamabumba. ¹¹ Elyo Yawe akabauwakutinya kuli bena, pantu akonaula tonse tulesa twapesonde. Uli onse akakontamina panshi kuli wena, cila umo ukufuma kuncende yakwe, ukufuma kufyabu fya nko shonse. ¹² Imwe mwebene Etiopia nemwe mulinokukomwa ku lupanga, ¹³ nokuboko kwakwa Lesa kukasansa akapinda kakukuso nokonaula Asiria, eico ulya Ninife akaba icibolya icalekeleshiwa, ngo mutengo uwauma. ¹⁴ Elyo umukuni wangombe ukalambalala panshi kulya, cila nama shanko; fyonse ifi cipululu camutengo namwankole akatusha mumulu wamingililo yafiko. Akapululu kakalilisha ukufuma munsolokoto; mwankole akaba mu mwinshi; imikendari ikaposwa. ¹⁵ Uyu emusumba wansansa uyo uwaikele ukwabula umwenso, ilyo watile mumutima wakwe, ''Nine, kabili nangu cimo tacingalinga kuli ine.'' Ifyo akalipa, incende yafiswango iyakulambalalamo panshi. Cila umo uyo uwapitapo akalaikumuna nokupumanya indupi pali ena.