¹ Ili eshiwi lyakwa Yawe ilyaishile kuli sephania umwana mwaume wakwa kushi umwana mwaume wakwa Gedalia umwana mwaume wa kwa Amaria umwana mwaume wakwa Hesekia, mu nshiku shakwa Yosia umwana mwaume wakwa Amone, imfumu ya Yuda. ² Nkonaula conse icaba pa mushili pe sonde-ubu ebupingushi bwakwa Yawe. ³ Nkonaula abaume ne nama; nkonaula ifyani fya mumulu ne sabi lya muli bemba, ne fya onaika pamo na ba bifi. pantu nkaputulako abaume ukubafumya pa muluwe sonde- uku ekulanda kwa kwa Yawe. ⁴ Nafumyapo ukuboko kwandi pali Yuda na bekashi bonse ba mu Yerusalemu. Nkaputulako bonse abashalako bakwa Baali ukufuma kulici cifulo namashina ya bantu aya tulubi pakati ka ba shimapepo, ⁵ Abantu ababa pa mulu wa nganda abashinshimuna tu lesa twa, ku mbili, na bantu abashinshimuna no kulapa kuli Yawe lelo abo kabili abalapa pa mfumu yabo. ⁶ Nakabili nkaputulako abo abaaluka ukufuma mukukonka Yawe, abo aba fwaya Yawe nangu ukumwipusha palwa bucingo.'' ⁷ Ba tondolo pantanshi yakwa shikulu Yawe! pantu ubushiku bwa kwa Yawe na bupalama; Yawe napekanya ilambo nokubika pa mbali a beni bakwe. ⁸ ''Cili no kwisa pa bushiku bwelambo lyakwa Yawe, ukuti akanda abana banakashi na bana baume ba mfumu na cila umo uufwele mufyakufwala fya mitulatulafye. ⁹ Pali bulya bushiku nkakanda abo bonse abatoloka pa kwingila, abaisusha mu nganda yakwa shikulu wabo ulufyengo no bufi. ¹⁰ Eico cikaba pali bulya bushiku-uku ekusosa kwa kwa Yawe- mukaba ukulila nganshi ukufuma pa mpongolo ye sabi, no kuipama kukalamba kukomfwika ukufuma mu mpili. ¹¹ Ukupunda, mubekashi ba mu citungu ca cisankano, pantu abantu bonse ba mu canaani bako na utwa; abo bonse abapima silfere baka putulwako. ¹² Cikesaba pali ilya nshita icakutinka fwaya Yerusalemu no tolitoli no ku kanda abaume abaikala mukati ka myangashi yabo no kusosa mu mitima yabo, Yawe takatitepo nangu cimo, nangula cisuma nelyo icibi. ¹³ Ifya banonshi fyabo fikasendwa, na mayanda yabo yakaba ifibolya umubula nangu cimo! Bakakula amayanda yabo lelo tabakekalemo, no ku byala amabala ya myangashi lelo tabakanweko umwangashi. ¹⁴ Ubushiku bukalamba ubwakwa Yawe na bupalama, nabupala kabili no kwisa bwangu. Iciunda cabushiku bwakwa Yawe cikaba ngababulwi abalelila akalanda! ¹⁵ Bulya bushiku bukaba bushiku bwa akayofi, bushiku bwakucula nokumanama, bushiku bwa makumbi ne mfimfi ikalamba. ¹⁶ Bukaba bushiku bwa mapenga ne congo palwa konalwa kwa misumba ne fibumba fya bulwi ifyasansuka. ¹⁷ Pantu nkaleta ubonaushi pa mutundu wa muntunse, elyo bakendauka nga baume impofu pafyo nababembukila Yawe. Umulopa yabo ikapongololwa ngo lukungu, ne fya munda shabo nga mafi. ¹⁸ Nangu ni siltere wabo nangu ni golide wabo ali no kubalubula pa bushiku bwabukali bwakwa Yawe. Mu mulilo wa ka lumwa kakwe isonde lyonse kaminwa, pantu ena akabwesha ubulondoloshi, bwa kasakamikwa kwa mpela yabekashi bonse abesonde.''