¹ Akalanda ku musumba wabucisanguka! Umusumba wantulubundi naonaulwa. ² Taumfwile kwishiwi lyakwa Lesa, nangu ukusumina ukusalapulwa ukufuma kuli Yawe tacetekela muli Yawe kabili takapalame Lesa wakwe. ³ Abana abanakshi ba mfumu bakwe ninkalamo ishibuluma mukati kakwe. Bakapingula bakwe bali mimbulu ya cungulo iishaile nangu kamo akakunyantapo ulucelo. ⁴ Bakasesema bakwe bamusalula kabili baume bapepa. Bashimapepo bakwe bakoweshe ifyamushilo nokcita ifyantulundu kwi funde. ⁵ Yawe mulungami pakati kakwe. Teti acite icishalungama. Cilalucelo akalapela umulinanya wakwe! Tacakafisamikwe mulubuto, lelo uwabupondamishi taishiba insoni. ⁶ ''Nalyonaula inko; nobucingo bwabo bwalyonaika nalipanga imisebo shabo ukonaulwa, pakuti tapali nangu umo uwakupita pali bena. Imisumba yabo yalyonaulwe pakuti tapli umuntu uwakwikalamo. ⁷ Natile, cine cine mukantina. Sumineni ukumilungika kabili mwiipatulako ukufuma ku mayanda yenu nefyo fyonse ifyo natantika ukucita kuli imwe. ⁸ Ecalenga mulendolela ubu ebukombe bwakwa Yawe mpaka ubushiku nkema kukupokolola ifipe. Pantu ubupingushi bwandi bwakulonganika inko, ukulonganya amabufumu, ukwitila pali bena icipyu candi nobukali bwandi ubulepya; pantu muli mulilo wakalumwa kandi isonde lyonse likonaulwa. ⁹ Lelo elyo nkawamya imilimo sha bantu, ukuti bonse bete peshina lyakwa Yawe kukumipyungila icipeya pacipeya. ¹⁰ Ukufuma ukutali nomumana wa Kushi bakapepa bandi abantu bandi abasalangana bakaleta ifyabupe fyandi. ¹¹ Muli bulya bushiku tamwakalengwe insoni pamicitile yenu yonse pali bumpula mafunde bwenu kuli ine, ukufuma pali ilya nshita nkasesha ukufuma pakati kenu abo abamatutumuko mukusekelela kwenu, kabili pantu tawakacite icilumba, pantu tawakacite cilumba cilumba palupili lwandi ulwamushilo. ¹² Lelo nkasha pali imwe abantu bandi abapanshi nababulwa, kabili bakasanga ukutusha mwi shina lyakwa Yawe. ¹³ Abashelepo abena Israele tabakacite icishalungama nangu ukusosa ubufi, kabili takwakabe nolulimi lwa bufi talwakasangwe mukanwa kabo; eico bakalalya nokuyolola panshi, kabili tapakabe nangu umo uwakubatinya.'' ¹⁴ Imba, wemwana mwanakashi wakwa Sioni! Bilikisha, Israele. Sekelela nokwanga nomutima obe onse, wemwana mwanakshi wakwa Yerusalemu. ¹⁵ Yawe nafumyapo ukukandwa kobe; napilibula abalwani! Yawe ni mfumu yakwa Israele pakati kabo. Tawakatale autina nakabili ububi! ¹⁶ Muli bulya bushiku bakasosa kuli Yerusalemu; '''Witina, Sioni. Wileka amaboko yobe yatompoke. ¹⁷ Yawe Lesa obe ali pakati kobe, uwamaka umo kukupususha. Akasefya pali iwe nokusekelela; akaba tondolo pali iwe mukutemwa kwakwe; akanga pali iwe nokusekelela kwakubilikisha. ¹⁸ Nkalonganya abo abacushiwa, abo abashaitwa kumutebeto, eico tawakalengwe insoni. ¹⁹ Mona, ndi pakukubombapo pamo nabonse abo abakucusha. Pali ilya nshita, nkapususha icilema kabili nkalonganya nowatamfiwa nkabalenga ukulumbanishiwa, kabili nkacinja insoni shabo mukukanaishibikwa mwi sonde lyonse. Pali ilya nshita akakutungulula; ²⁰ Pali ilya nshita nkamilonganya pamo.Nkamipila ishina nokumilumbanishisha pakati kabantu bonse abapesonnde ilyo nkabwesha abankole benu kumenso yenu,'' efyasosa Yawe.