¹ We mwana wandi umwaume, nga wa bika lubali indalama shobe nge cikatilo no kupela kumwina mupalamano obe nge nkongole, nga wa pela ubulayo bobe ku muntu amouyo iwe ushishibe, ² Elyo iwe waibikila iciteyo wemwine pa cilayo ico iwe walaile naine na wikatwa ku mashiwi yamukanwa kobe. ³ Ilyo waikatwa kumashiwi yobe, we mwana wandi umwaume, cite ci no kuipususha wemwine, pantu nauwila mu minwe yabena mupalamano bobe; kabiye nokuicefya wemwine no kulenga umulandu wishibikwe ku mwina mupalamano obe. ⁴ Wisuminisha amenso yobe ukusendama no kulesha inkupiko shafipenipeni fyobe shilale. ⁵ Ipusushe wemwine nga kakonge ukufuma mu minwe yaba lunshi, nge cuni ukufuma mu minwe ya citeyo. ⁶ Lolesha kububenshi, we munang'ani wa muntu, mona inshila shabuko no kuba na mano. ⁷ Tabwakwata cilolo, nangu kangalila nangu katungulula, ⁸ Bupekanya ifilyo fyabuko mu nshita yalusuba na paku sombola nokututila ifyo bukesalya. ⁹ Ulefika ku nshitanshi mukulala kobe, we munang'ani wa muntu? nililali ukema mukufuma mutulo tobe? ¹⁰ ''Ukulala panono, ukushipula panono, ukufunganya kwa minwe yobe kunono pa kutusha." ¹¹ Nobupana bobe buleisa ngo mupupu no kubulwa kobe ngomu shiliko uwaiteyanya. ¹² Umuntu uwabulwa icuma ncitatubi ya muntu uwikalila mukulanda kwabufi, ¹³ Uushinisha kumenso yakwe, uulangilila ku makasa yakwe noku sontelela ku minwe yakwe. ¹⁴ Uutontonkanya ububi no kupepa mu mutima wakwe; lyonse akumbawila ulubuli. ¹⁵ Pali ico ubonaushi bukeshila pali wena mukwangufyanya; mukashita ilyo akabolaulwa ukwabula ukuposhiwa. ¹⁶ Kwliba ifintu mutanda ifyo Yawe apata, cine lubali ifyabipisha kuli ena. ¹⁷ Amenso ya muntu uwasansamukila mufibi, ululimi lwabufi, iminwe iisunga umulopa lwa muntu uwakaele, ¹⁸ Umutima uutontonkanya ifintu ifyabipisha, amakasa ayaangufyanya ukubutukila mukucita ububi, ¹⁹ Inte ilanda ifyabufi na umo uutanda ulubuli pali ba munyina. ²⁰ We mwana wandi umwaume, baka amafunde yakwa wiso no kukanalaba ukusambilisha kwa kwa noko. ²¹ Lyonse uyakale, mu mutima obe; yakobeke na mu mukoshi obe, ²² Ilyo uleenda, yakalakucingilila Iwe; ilyo wasendama, yakalakulindilila iwe, kabili ilyo wabuka, yakala kufunda iwe. ²³ Pantu amafunde kalaiti, no kusambilisha e lubuto; no kupindulalwa kwishila mukulangililwa enshila ya mweo. ²⁴ Ila kutalusha ukufuma ku mwanakashi umucende, ukufumya kumashiwi ayatelela yamwanakashi mucende. ²⁵ Wi lakumbwa mu mutima obe ukuwama kwa kwe kabili wileka akunasha ku kushinisha kwankopyo shakwe. ²⁶ Ukiulala no mwanakashi cilende kuti kwashitwa pamutengo wa mukate umo, lelo umukashi waumbi kuti kwashitisha no mweo obefye. ²⁷ Bushe umuntu kuti asenda umulilo pacifuba cakwe ukwabula ukoca ifyakufwala fyakwe? ²⁸ Bushe umuntu kuti aenda pamalasha ayakaba ukwabula ukoca amakasa yakwe? ²⁹ Ifyo fine ngo muntu alala no mukashi wamwina mupalamano; nayo uwalala nankwe takaye uwabala ukukandwa. ³⁰ Abantu tabaleka umung'o ifyo aiba fimusekeshe nelyo wena alinensala. ³¹ Nga wena aikatwa, alino kufibwesha imiku cine lubali ifyo aibile; afwile apela ifintu fyonse ifyamutengo ifya mu ng'anda yakwe. ³² Umo acita ubucende taba na mano; no ucita ifi ayonaula umwine eka. ³³ Impumo no kusebane efyo ena asunga no kusebana kwakwe takwaka fumepo pali ena. ³⁴ Pantu ubufuba bwa mwaume bwimya icipyu; takalange uluse ilyo akabwekesha icilandushi cakwe. ³⁵ Ena takasumine icakupela pali ico nao tekuti acisakamane, nangula amupela ifyabupe ifingi.