¹ Wemwana wandi, sunga amashiwi yandi no kubaka amafunde yandi uko uli wemwine. ² Sunga amafunde yandi no kwikala no kusunga ifyakukonka fyandi nge mboni yalinso lyobe. ³ Ufikake na paminwe yobe; no kufilemba pe tebulo lya mutima obe. ⁴ Usose ku mano utile, ''Niwe nkashi yandi,'' no kwita umucetekanya umuntu wandi umwanakashi. ⁵ Pamulandu wakuisunga wemwine ukufuma ku mwanakashi umucende, ukufuma ku mwanakashi umbi umbi uwakwata amashiwi ayatelela. ⁶ Pe windo lya ng'anda yandi nalelolesha ukupusha mu cakupikula. ⁷ Naloleshe pa bantu impelwa mano, naishibe pabana baume umulumendo uwabula amano. ⁸ Ulya mulumendo alepita mu musebo mupepi napakona yakwe, no kuya ku ng'anda yakwe. ⁹ Pa kafingilima, mu cungulo ca bushiku, panshita ya bushiku ne mfifi. ¹⁰ Palya umwanakashi amukumanya ena, nafwala nga cilende, no mutima wabucenjeshi. ¹¹ Wa congo no bumankoso; amolu yakwe tayekala pa ng'anda. ¹² Nomba mu musebo, nakabili pa ncende yacisankano, kabili mumakona yonse alolela nabelama. ¹³ Eco ena amwikata no kumufyompa, ne mpumi iyakosa no kutila kuli ena, ¹⁴ ''Ni mpanga ilambo lya mutende ilelo, nimfishapo ne milapo yandi, ¹⁵ eco isa nimfuma ukwisa ku kukumanya iwe, ukufwaya icinso cobe, kabili ninkusanga. ¹⁶ Ninganshika ifyakwashinka pabusanshi bwandi, insalu isha mabala ukufuma ku Egupto. ¹⁷ Ninsansapo pa busanshi bwandi na muri, aloye na kinamone. ¹⁸ Isa, leka tunwe ubufwayo bwa citemwiko ukufika ulucelo; leka tukwate ukuisansamusha kufyakutemwa. ¹⁹ Pantu umulume wandi tali pa ng'anda yakwe; naya pa lwendo lwakutali. ²⁰ Nasenda umufuko wa ndalama pamo nao; ali nokubwela pa bushiku umwenshi ubalika.'' ²¹ Mu bwingi bwa kulanda ena bamupilibula; kumilomo iyatelela ena amubeleleka. ²² Alemukonka pa numa yakwe kwati ni ng'ombe iilume iileya ku kwipaiwa, nga atila akaikatwa mu ca kwikatilako, akatili kuti kaba nangu nge mpelembe, ²³ wasuka umufwi wapula mu libu lyakwe. Ali nga akoni akaleangufyanya ukuya mulukose. Taishibe ukuti cika musendela ubumi bwakwe. ²⁴ Nomba, mwebana bandi abaume, umfweni kuli ine; nokubika amano ku mashiwi ya mukanwa kandi. ²⁵ Mwileka umutima wenu walukile pambali panshila yakwe; mwisumina kutungululwa mukululumba mu nshila shakwe. ^{26 27} Alilenga abantu abengi ukuwa panshi; abo aipaisha bengi. Ing'anda yakwe yaba panshila yaku nshishi; baya panshi kumuputule wakusendamapo uwafita uwa mfwa.