¹ Uwatemwa ukusalapulwa atemwa ukwishiba, lelo umo uwapata ukupindululwa alitumpa. ² Yawe apela ubucingo ku muntu musuma, lelo apata umuntu uupanga amapange yabi. ³ Umuntu tekuti eshibikwe pafya bubifi lelo abantu ab alungami tabakalimbulwe. ⁴ Umukashi uwanakilila cilongwe ku mulume wakwe, lelo uuldeta ukusekwa ali ngo bulwele bulya bubosha amafupa yakwe. ⁵ Amapangde ya mulungami yali linga, lelo ukupandwa amano kwa mubifi kwabufi ⁶ Amashiwi ya bantu babi yabango uufiseme uku lolela inshita yakwipaya, lelo amashiwi yaba tambalala bena yabasunga umutende. ⁷ Abantu babi ba lisulwa nabo baliya, lelo ing'anda ya muntu umulungami ikeminina. ⁸ Umuntu alumbanishiwa ukulingana na mano yacifyalilwa akwata, lelo umo uupanga ubusalo bwabipa tafwaikwa. ⁹ Cawama ukukwata cifulo icasulwa elyo ukuba um ubomfi ukucila ukuba wa cindama lelo uwabula icilyo. ¹⁰ Umuntru umulungami asakamana ififwaisha inama shakwe, Lelo inkumbu sha babifi bunkalwe. ¹¹ Umo uubomba mu mpanga yakwe aka kwata ifyakulya ifingi, lelo uupepeka ifyuma ifyabula ubuyo taba namano. ¹² Umuntu mubifi afwaisha ifyo abantu babipa baibile ukufuma kuli bambi, lelo ifisabofya muntu umulungami fisa ukufuma pa lwabo abene. ¹³ Umuntu mubembu aalikatwa kuciteyo ca bubifi bwakulanda kwakwe, lelo umuntu umulungami afyuka ukufuma mubwafya. ¹⁴ Ukufuma kufisabo fya mashiwi yakwe umuntu akesushiwa nefintu ifvisuma, nge fyaba imilimo ya maboko ya kwe ilamulambula umwine. ¹⁵ Inshila ya muwelewele yaba iisuma mu menso yakwe, lelo umuntu wa mano omfwa mukupandwa amano. ¹⁶ Umuwelewele alanga ubukali bwakwe umuku umo, lelo umo uusuula insele wa mano. ¹⁷ Umo uulanda icishinka asosa ifya lungama, ldelo kambone wabufi ashimika ubufi. ¹⁸ Amashiwi ya umo uulanda bupumbu ali ngo ulesunka ulupanga, lelo ululimi lwawa mano luleta ukuposha. ¹⁹ Imilomo ya cishinka ikala inshita iyitali, lelo ululimi lwabufi lwanshita inono. ²⁰ Mwaliba ubufi mu mitima yaabo bonse abapanga ukucita bububi, lelo ubuseko bwisa kubapanda amano ya mutende. ²¹ Takuli ukulwala ukwisa pa muntu umulungami, lelo abantu babi baisulamo amacushi. ²² Yawe alipata imilomo yabufi, lelo abo bonse abekala mu citetekelo cakwe bala musansamusha. ²³ Umuntu wamano afimba pa kwishiba kwakwe, lelo umutima waba welewele ubilikisha ubupumbu. ²⁴ Ukuboko kwawa cincila kukateka, lelo umuntu umunang'ani akabikwa ku milimo yakupatikishiwa. ²⁵ Ukusakamikwa kwa muntu mu mutima ku mubwesesha panuma, lelo ishiwi lisuma limupela insansa. ²⁶ Umuntu mulungami bucingo pali cibusa wakwe, lelo inshila yababi ibatungulula mu kuluba. ²⁷ Abantu banang'ani taboca inama shabo, lelo abantu bamano bakasanga ifyuma ifywamisha. ²⁸ Abo bonse abenda mumibele iyolungama basanga umeo na mu nshila shabo tamwaba imfwa.