¹ Yawe apata ifipimino fya bucenjeshi, lelo asansamukila mu cilingilo icituntulu. ² Ilyo amatutumuko ya isa, ilyo nokusulwa kwisa, lelo ku bafuka kwisa amano. ³ Bukaele bwa bulungami bulabatungulula, lelo inshila sha bucintomfwa ishabucenjeshi shikabalofya. ⁴ Ifyuma tafyaba nangu cimo mu bushiku bwa bukali, lelo ukucita ubulungami ku sunga iwe ukufuma ku mfwa. ⁵ Ubulungami ku muntu wa kaele ku panga inshila yakwe ukololoka, lelo ababifi ba kawa pa bubifi bwabo. ⁶ Ubulungami bwa abo bonse abatemuna Lesa bulabapokolola, lelo aba bucenjeshi ba kekatwa ku bufwayo bwabo. ⁷ Eilyo umuntu umubifi afwa, isubilo lyakwe lilaloba kabili isubilo lyali mu maka ya kwe talisa mukuba nangu cimo. ⁸ Umuntu umulungami ala isunga ukufuma mu bwafya kabili cisa pa babifi beka. ⁹ Ku kanwa kakwe umuntu uushaishiba kalesa mukulofya umunankwe, lelo ku mano ya bulungami abantu balapokololwa. ¹⁰ Ilyo abantu abalungami balungamika, umusumba ulasekelela; ilyo ababifi ba loba kulaba ukuwelesha kwa nsansa. ¹¹ Ukupitila ku fya bupe ifisuma kuli abo abatemuna Lesa, umusumba ulacindamikwa; ku kanwa ka babifi, umusumba ulabongololwa. ¹² Umuntu uwa sula umunankwe ta kwata mano, lelo umuntu uwiluka ekala tondolo. ¹³ Uyo uuya aleshinguluka aletumbula ifyankama, lelo umuntu uwa cishinka afimba pa mulandu. ¹⁴ Uko ukushili ubutungulushi bwa mano, uluko lulawa, lelo ukucimfya kwisa mu bwingi bwa ba kupanda amano. ¹⁵ Uyo uwalipilila umweni inkongole icine cine akacula nganshi, lelo uyo uwapata ukupela ubwafwilisho muli uyo musango wa kulaya ukupeela ninshi wa kaele. ¹⁶ Umwanakashi wa cikuku apokelela ubukata, lelo abantu abankalwe ba pokelela ifyuma. ¹⁷ Umuntu wa luse alaisunga umwine, lelo uyo uwaba umunkalwe ala icena umwine. ¹⁸ Umuntu umubifi alabepa pa kupoka amalipilo yakwe, lelo uyo uutanda ifisuma alobolola amalipilo ya cishinka. ¹⁹ Umuntu wa cishinka uucita ifya lungama akaba no mweo, lelo uucita ifya bipa akafwa. ²⁰ Yawe apata abo imitima yabo yabipa, lelo asekelela muba nshila sha wama. ²¹ Beni abacine muli ici umuntu umubifi takaye ukwabula uku kandwa, lelo imfyalwa ya bantu abalungami bakasungwa bwino. ²² Pamo nge ninda minwe ya golde iili mu mona wa nkumba efyaba umwanakashi umusuma uwabula ukuiteka. ²³ Ukufwaya kwa bantu abalungami icilambu cisuma, lelo abantu ababifi bena kuti ba subilafye ubukali. ²⁴ Ekwali umo uupela nao alapelwa ifingi; na umbi naikata ifyo ali no kupela esa mu kubulwa. ²⁵ Umuntu uwaba bwino akakwata ifingi na umo uupela amenshi kuli bambi akaikwatila amenshi yakwe. ²⁶ Abantu balapisha umuntu uukana ukushitisha ifya kulya, lelo ifya bupe ifisuma fiba pa muntu waushitisha. ²⁷ Na umo uulefwaya ubusuma ninshi alefwaya no luse, lelo umo uulefwaya ububi akabusanga. ²⁸ Bonse abacetekela mu bukankala bwabo bakawa, lelo caba nge bula, abantu abalungami bakalelema nga mabula. ²⁹ Umo uuleta amafya pa ng'anda yakwe akakwata umwela no muwelewele akaba umubomfi ku wa mutima wa mano. ³⁰ Umuntu umulungami akaba nge cimuti ca mweo, lelo abalukakala balofya imweo. ³¹ Moneni! Umuntu umulungami apokelela pafyo abombele; ca cilapo pa mubifi no mubembu!