¹ Pa bushiku ubwalenga cine konse konse Mose aitile Aaroni na bane bakwe abaume na bakalamba ba bena Israeli. ² Kuli Aaroni atile, ''Fumya umwana wa ng'ombe ku mukuni uwakupela nge cabupe cafya lubembu, no mukoko wa mpanga uwabula akalema uwa cabupe cafya koca, no kufipela kuli Yawe. ³ Ufwile nokulanda na bantu bakwa Israeli utile, ''Sendeni imbushi iyilume iya cabupe cafya lubembu no mwana wa ng'ombe no mwana wa mpanga, fyonse ifilifye no mwaka umo ubukulu kabili umwabula akalema, iya cabupe cafya koca; ⁴ kabili musende ne ng'ombe ne mpanga iyilume cabupe ca mutende kupela ilambo kuli Yawe, ne cabupe ca mbuto ishasankanishiwa na mafuta, pantu leelo Yawe aleisamonekela kuli imwe.'' ⁵ Eico batwele fyonse ifyo Mose akonkomeshe kwitenti lyaku kumaninamo, no lukuta lonse ulwa bena Israeli lwakolongene no kwiminina pa cinso cakwa Yawe. ⁶ Elyo Mose atile, ''Ifi efyo Yawe akonkomeshe imwe ukucita, pakuti ubucindami bwakwe bwingamoneka kuli imwe.'' ⁷ Mose atile kuli Aaroni, ''Isa mupepi no bulambo no kupela icabupe cobe ica lubeembu ne cabupe cakoca, nokupanga icakuikonsolwelako we mwine neca bantu, nokupela ilambo lya bantu mu kubapangila icakuba konsolwelako, ngomo Yawe akonkomeseshe.'' ⁸ Aaroni epakupalamina mupepi no kwipaya umwana wa ng'ombe uwa cabupe ca lubembu, icali bupe bwakwe. ⁹ Abana baume bakwa Aaroni baletele umulopa kuli eena, nao atumpikemo no munwe wakwe no kushinga ku masengo yaku cibumbili celambo; elyo apongolwelele umulopa panshi ya cibumbili ce lambo. ¹⁰ Panuma ya ifyo, aocele amafuta, imfyo ne cacingilila ku mabu pacibumbili ce lambo nge cabupe ca lubembu ngomo Yawe akonkomeseshe Mose. ¹¹ Iminofu no mukupo afyocelele kunse ya nsakwe. ¹² Aaroni aipeye icafya bupe bwafya koca, na bana bakwe abaume bamupele umulopa, uo asabawilile kumbali shonse isha bulambo. ¹³ Elyo bamupeele icabupe cafya koca, umupusa no mupusa, kumo kwine no mutwe, no kufyocela pacibumbili ce lambo. ¹⁴ Asamfishe ifipande fya mukati na molu nokufyocela pa cibumbili ce lambo. ¹⁵ Aaroni aletele ilambo lya bantu imbushi, elyo alibulile nge lambo lya lubembu lwabo nokulipaya; alipeele nge lambo lya lubembu, ngefyo acitile ku mbushi yapa kubala. ¹⁶ Aletele no mutulo wa cakoca nokuupela ngomo Yawe akonkomeseshe. ¹⁷ Aletele nomutulo wa cambuto; awisusha mu lupi lwakwe nokuoca pacibumbili ce lambo, pamo ne cabupe cakoca ica cila lucelo. ¹⁸ Kabili aipeye ing'ombe na suku suku wa mpanga, nge lambo lya cabupe ca cibote, neci cali ca bantu. abana baume bakwa Aaroni bamupele umulopa, uo asansaile kumbali shonse isha cibumbili ce lambo. ¹⁹ Napa numa, baputawile no kufumyamo amafuta muli cilame wa ng'ombe na muli suku suku wa mpanga, amafuta yakumucila, amafuta ayatabilile kufya mukati fyonse, imfyo, ne cakupilisha ku mabu. ²⁰ Babulile imipusa iyaputawilwe no kuibika pa cisao ca mabele, elyo nomba Aaroni aocele amafuta pa cibumbili ce lambo. ²¹ Aaroni epakutambika icisao ca mabele ne tanta lyaku kulyo nge cabupe ca kutambika pa cinso cakwa Yawe, ngomo Mose akonkomeseshe. ²² Elyo Aaroni aimishe amaboko ukulosha kubantu nokubapala; kabili atentemwike ukufuma ku kupela icabupe ca lubembu, icabupe cakoca, ne cabupe ca mutende. ²³ Mose na Aaroni baile ngila mwi tent lya kukumaninamo kabili baishilefumina nokupala bantu, nolulumbi lwakwa Yawe lwamoneke ku bantu bonse. ²⁴ Umulilo waishile ukufuma kuli Yawe nokwsa oca ifyabupe fya koca na mafuta pa cibumbili ce lambo. Ilyo abantu bonse bamwene ifi, bapundile nokuwa ubunkupeme.