¹ Yehoba alandile kuli Mose, Atile, ² ''Senda Aloni nabana bakwe abume pamo nankwe , Imingila namafuta yachisubo umulume wa ng'ombe nge cabupe capa lubembu naba sukusuku babili, Nemiseke shamikate ishatutumuka. ³ ''Longanikeni ulukuta pa mwinshi we tenti lya kukumaninapo.'' ⁴ Eico Mose atile ngaumo Yehoba amwebeele. Na ulukuta lonse lwaishile longana pamwinshi we tenti lya kukumaninamo. ⁵ Elyo Mose atile ku lukuta longaneni, ''Ifi efyo Yehobe akonkomeshe ukuti ficitwe.'' ⁶ Mose aletele Aroni nabana bakwe abaume nokuba samba mumenshi. ⁷ Abikile pali Aroni nomwingila no kumukaka sashi ukushinguluka umusana wakwe, Amufwikile nensaba abikapo na epodi pali wene, Kabili bamukakile na epodi, ukushinguluka wene nomushipi wa pikulwa bwino bwino ukuukaka kuli wene. ⁸ Abikile necipimfya capacifuba pali wene, Ne cipimfya ico abikile na pali Urim na Tummim. ⁹ Akaka ne nsalu pamuntwe wakwe, Napa nsalu, Kuntanshi, Abikile naka chela ka golide, Nechilongwe chamushilo, Nga ifyo Yehoba amukonkomeshe. ¹⁰ Mose abulile amfuta ya chisubo, Asubile na kwi hema nafyonse ifyalimo nokufipatwila kuli Yehoba. ¹¹ Asanshile nama futa pacibumbili celambo imiku cine lubali, No kusuba pa chibumbili chelambo na pafipe fyonse, Namsambilo ne cakutekapo caciko, Nokuchipatwila kuli Yehoba. ¹² Apongolwele namafuta yamo aya cisubo pamutwe wakwa Aroni nokumusuba kukumupatwila. ¹³ Mose aletele abana baume bakwa Aroni nokuba fwika imingila. Abakakile naba sashi ukushinguluka imisana, nokuba kupa insalu shakokondwe ukushinguluka imitwe yabo, Ukulingana nefyo Yehoba abakonkomeshe. ¹⁴ Mose aletele ing'ombe iilume iyapamutulo wa lubembu, na Aarone nabana bakwe abaume babikile amaboko yabo pamutwe wa ng'ombe iilume iyo baletele iya pamutulo wa lubembu. ¹⁵ Aliipeye, nokusenda umulopa nokuubika pa nsengo shacipailo, nomunwe wakwe, asangulwile icipailo, apongolwele umulopa mwisamba lya cipailo nokucipatwila kuli Lesa pakucita icikonsolwelo caciko. ¹⁶ Abulile amafuta yalya yali mufiputulwa fya mukati, icafimba iliibu, nemfyo shibili namafuta yashiko, na Mose afyocele fyonse pacipailo. ¹⁷ Lelo ing'ombe iilume, umukupo waiko, umunofu waiko, na mafi yaiko afyocelele kunse yankambi ukulingana nefyo Yawe amukonkomeshe. ¹⁸ Mose apeele umulume wa mpaanga nge cakutuula icakooca, na Aaroni nabana baume bakwe babikile amaboko yabo pamutwe wa mpaanga. ¹⁹ Aliipeye nokusansa umulopa waiko mumbali shonse ishacipailo. ²⁰ Aputawile impaanga iilume mufipimfya nokoca umutwe nefipimfya na mafuta. ²¹ Asamfishe ifipimfya fya mukati na moolu mu menshi, kabili alyocele impaanga yonse pacipailo. Cali cabupe icakooca kabili caletele icena cisuma, umutuulo uwapangilwe ku mulilo kuli Yawe pamo ngefyo Yawe akonkomeshe Mose. ²² Elyo Mose apeele impaanga iilume imbi, impaanga iyapakusonta, na Aaroni nabana baume bakwe babikile iminwe yabo pa mutwe wa mpaanga. ²³ Aaroni aliipeye, na Mose abulile umulopa waiko umo nokuubika pampela yakutwi kwakukulyo ukwa kwa Aaroni, pa cikumo icakukuboko kwa kukulyo, na kucikondo icakulukasa lwa kukulyo kwakwe. ²⁴ Aletele abana baume bakwa Aaroni, kabili abikile umulopa umopampela yamatwi yabo ayakukulyo, pacikumo cakukulyo kwabo, napacikondo cakulukasa lwa kukulyo. Elyo Mose asanshile umulopa waiko mumbali shonse ishacipailo. ²⁵ Abulile amafuta, amafuta yakumucila, amafuta yonse ayali mufiputulwa fya mukati, icafimba ilibu, ifyo shibili namafuta yashiko, elyo ne tanta lya kukulyo. ²⁶ Ukufuma mumuseke wa mukate uwabula icitutumushi uwali ku cinso cakwa Lesa, babulile umukate umo uwabula icitutumushi no mukate umo uwamafuta, na kaefa kamo, nokufibika pa mafuta na petanta lya kukulyo. ²⁷ Afibikile fyonse minwe yakwa Aaroni na muminwe yabana baume bakwe nokufitula kuli Yawe nge cabupe cakutuula. ²⁸ Elyo Mose afibulile ukufuma muminwe yabo nokufyoca pacipailo nge cabupe cakooca. Fyali ifyakutula ifyakusontwa nokupela icena cisuma. Wali mutulo uwacitilwe kumulilo kuli Yawe. ²⁹ Mose abulile ibeele nokucitambika nge cabupe kuli Yawe. Cali cakaniko cakwa Mose ica mpaanga iilume pakubishiwa kwakwa shimapepo ngefyo Yawe amukonkomeshe. ³⁰ Mose abulile amafuta yabusubo yamo no mulopa uwali pacipailo; afisanshile ifi pali Aaroni, pafyakufwala fyakwe, pabana abaume bakwe, napafyakufwala fyabana baume bakwe. Muli ii nshila apatwile Aaroni nefyakufwala fyakwe, nabana baume bakwe nefyakufwala fyabo kuli Yawe. ³¹ Eico Mose atile kuli Aaroni na kubana baume bakwe, ''Ipikeni inama pamwinshi ye tenti lyakukumaninamo, kabili kulya muyelya nomukate uuli mumuseke wafyamutulo wakusonta, ngefyo nakonkomeshe, ukutila, 'Aaroni nabana baume bakwe bakacilya.' ³² Fyonse ifyashala ku nama no kumukate mufwile ukooca. ³³ Tamulingile ukufumina ku mwinshi we tenti lya kukumaninamo panshiku cine lubali, ukufikafye napanshiku shakubishiwa kobe shikakumaninapo. Pantu Yawe akashisha iwe panshiku cilne lubali ³⁴ Ifyacitwa pabushiku ubu-Yawe na konkomesha ukuti ficitwe ukupanga icikonsolwelo pali iwe. ³⁵ Ukekala akasuba nobushiku pa nshiku cine lubali pa mwinshi wa kukumaninamo, nokusunga ifunde lya kwa Yawe, pakuti mwikafwa, pantu ici eco nakonkomeshiwe.'' ³⁶ Eico Aaroni nabana baume bakwe bacitile fyonse ifyo Yawe akonkomeshe ukupitila muli Mose.