¹ Nadabu na Abihu, abana baume ba wakwa Aarone, cilaumo abulile icakufutumwinamo, babikilemo umulilo, elyo nobubani. elyo babomfenshe umulilo uushasuminishiwe kuli Yawe, uo ashabakonkomeshe ukubomfya. ² Elyo umulilo wafumine kuli Yawe nokuboca, kabili bafwilile ku cinso cakwa Yawe. ³ Elyo Moses atile kuli Aarone, ''Ifi efyo Yawe alelandapo ilyo atile, 'Nkasokolola bumushilo bwandi kuli abo abapalamina kuli ine. Nkakatamikwa kuntashi yabantu bonse.'' Aarone talandilepo nangu cimo. ⁴ Moses atile Misheli na Elisafani, abana baume bakwa uzzele nalume wakwa Aarone, no ukutila kuli bena, ''Isa kuno nokusenda bamunonko ukufuma mu nkambi kuntanshi ye tenti.'' ⁵ Eico baishile mupepi nokubasenda, ninshi bacili nabafwala imingila yabushimapepo, ukufuma mu nkambi, ngefyo Mose abakambishe. ⁶ Elyo Mose atile kuli Aarone na kuli Eleazari na kuli Itamari, abana baume bakwe, ''Mwileka umushishi wakumitwe yenu ukulepesha, kabili mwilepaula fyakufwala fyenu, pakuti tamufwile, napakuti Yawe tamikwatile icipyu ne bumba lyonse. Lelo suminisheni balupwa lwenu, ing'anda yonse iyakwa Israeli, ukuloosha abo bonse umulilo wakwa Yawe waipeye. ⁷ Tamufwile ukufuma pamwinshi we tenti lyakukumaninamo, pantu limbi mukafwa, pantu ubusubo bwakwa Yawe buli pali imwe.'' Eico bacitile ukulingana nefyo Mose abebele. ⁸ Yawe aebele Aarone, ukutila, ⁹ ''Mwinwa umwangashi nangu icakunwa icakantuka, imwe, nangu abana baume bobe abekala naiwe, ilyo mwaingila mwi tenti lyakukumaninamo, pakuti mwikafwa. Ici cikaba ecipope icakubelela munkulo shabantu bobe bonse, ¹⁰ pakupatulula pakati ka camushilo ne caafye, napakati kacishasanguluka ne casanguluka, ¹¹ pakuti mulesambilisha abena Israeli ifipope fyonse ifyo Yawe amikonkomesha ukupitila muli Mose.'' ¹² Mose aebele Aaroni na Eleazari na Itamari, abana baume abashelepo, ''Sendeni icabupe cabunga icishalapo pafyabupe fyakwa Yawe ifyocewa kumulilo, nokucilya umwabula icitutumushi mupepi necipailo, pantu cena camushilo nganshi. ¹³ Mufwile ukuciliila mu ncende iyamushilo, pantu cakaniko cobe ne cakaniko cabana baume bobe fyabupe kuli Yawe ifyaocewa nomulilo, pantu eco nakonkomeshiwa ukumyeba. ¹⁴ Ibeele ilyautulwa ne tanta ifipelwa kuli Yawe, ufwile ukufilya mu ncende iyabusaka iyasuminisha kuli Lesa. Iwe nabana baume bobe nabana abanakashi abali naiwe mufwile ukulya ifi ifiputulwa, pantu naifipelwa kuli imwe nge caniko cenu necakaniko cabana baume bobe ukufuma mufyabupe ifyababwana nyina ifyabena Israeli. ¹⁵ Itanta ilipelwe ne beele, bafiletela pamo nefyabupe fyamafuta ifyaocewa kumulilo, ukucituula kuntanshi yakwa Yawe. Fikaba fyenu nabana benu abaume abali naimwe ukuba icakaniko umyayaya, ngefyo Yawe akonkomeshe.'' ¹⁶ Elyo Mose aipwishe pamulandu wambushi yakufuta ulubembu, nokusanga ukutinayocewa kale. Eico alifulilwe Eleazari na Itamari, abana baume bakwa Aarone abashelepo; atile, ¹⁷ ''Mulandu nshi tamuliiliile icabupe capalubembu mu ncende ye tenti, pantu ya mushilo, kabili eintu Yawe apela kuli imwe ukufumyapo ulubembu mwi bumba ukucita ukukonsolwela kuli bena kuntanshi yakwe? ¹⁸ Moneni, umulopa waiko tawaletelwe mukati ke tenti, eco mwalingile ukuciliila mu ncende ye tenti ngefyo namikonkomeshe.'' ¹⁹ Elyo Aarone aaswike Mose, ''Mona, ileelo bacituula icapalubembu lwabo ne cabupe icakooca ku ntashi yakwa Yawe, neci cintu nacicitika kuli ine ileelo. Nga nacilya icabupe icapalubembu ileelo, bushe kuti caba icakusansamusha ku cinso cakwa Yawe?'' ²⁰ Ilyo Mose aumfwile filya, alisansamwike.