¹ Yawe alandile kuli Mose na kuli Aaroni, nokutila, ² ''Landa ku bantu bakwa Israeli, ukutila, ifi efya mweo ifyo mwingalya pa nama shonse isha bapesonde. ³ Mukalelya inama yonse iya ayalepuka amabondo kabili ibukula insaku. ⁴ Nangu cibe ifyo, inama shimo nelyo shibukula insaku nangu shakwata amabondo ayalepuka, kabili mwikalashilya, inama ishili nga ingamila, pantu shilabukula insaku leelo tashakwata amabondo ayalepuka. Eico ingamali tayasanguluka kuli imwe. ⁵ Na pati, pantu alabukula insaku leelo takwata amabondo ayalepuka, na o tasanguluka kuli imwe. ⁶ Nakalulu pantu alabukula insaku, leelo takwata amabondo ayalepuka, tasanguluka kuli imwe. ⁷ Inkumba nangu yakwata amabondo ayalepuka, taibukula insaku, tayasanguluka kuli imwe. ⁸ Mwikalyako icili conse ku minofu shashiko, nangu kwikata ku fitumbi fya shiko. Tafyasanguluka kuli imwe. ⁹ ifinama ifikala mu menshi ifyo mukalelya nifyo fyonse ifya kwata utulebelebe na mamba, cibe ni muli bemba nangu mu mimana. ¹⁰ Leelo ifya mweo fyonse ifishakwata utulebelebe na mamba muli bemba nangu mu mimana, ukubikapofye na fyonse ifyenda mu menshi na fyonse ifibubwa fya mweo ifili mu menshi- fyabunani kuli imwe. ¹¹ Apo fya bunani, mwilalyako ku minofu yafiko, nangu ifitumbi fya fyafiko fya bunani. ¹² Conse icikala mu menshi kabili icishakwata utulebelebe na mamba cabunani kuli imwe. ¹³ Ifi efyuni ifinga mikowesha- kabili tamufwile ukulya pantu fyabunani: kapumpe, ne kubi, ne kubi ilya fita, ¹⁴ napungwa, umusango onse uwa fyuni, ¹⁵ umusango onse uwa ba mwankole, na akapululu kamasengo ¹⁶ na akambasa, peterele, no mutundu onse uwa lukoshi. ¹⁷ Mwikakoweshiwa na kapululu akanono ne cipululu icikalamba, ne ntintimunshi. ¹⁸ Icipululu icabula na mung'ang'a, ne sela, ¹⁹ na kabaso, no musango onse uwa nkoowa, na puupuute, no tususu. ²⁰ Fyonse ifishishi ifyakwata amapindo ifyendela ku molu yane fya bunani kuli imwe. ²¹ Mukalelya ifili fyonse ifishishi ifipupuka pali fyonse ifyendela ku molu yane nga fyalilundana amolu aya kutolokeleko panshi. ²² Mukalelya umutundu onse uwamakanta, na mapanta nkolo, inyese, nangu inshonkonono. ²³ Leelo fyonse ifipupuka ifya kwata amakasa yane fya bunani kuli imwe. ²⁴ Mukaba abakowela ukufika kucungulo pali ishi inama nga mwaikata ku fitumbi fya shiko. ²⁵ Onse uwasenda icitumbi ca shiko acape ifya kufwala fyakwe kabili akashala uwakowela ukufika icungulo. ²⁶ Inama yonse iyakwata amabondo aya lepuka aya shayabanikana nangu ici shi bukula insanku cabunani kuli iwe, onse uwaikatako akaba uwakowela. ²⁷ Icili conse incendela kufisansa mu nama shonse ishendele ku molu yonse yane, shabunani kuli imwe. Onse uwaikata ku citumbi ici akaba uwakowela ukufika kucungulo. ²⁸ Uwasenda icitumbi ici acape ifyakufwala nokuba uwakowela ukufika kucungulo. Ishi inama shikaba ishakowela kuli imwe. ²⁹ Panama ishingila panshi, ishi enama ishakowela kuli imwe: imfuko, kateka umusango onse uwaba malinso, ³⁰ kolokombwa, nembulu, ne nsamba, ne ne nkulumushi, na lufwinyemba. ³¹ Panama shonse ishingila, ishi enama ishikaba isha kowela kuli imwe, onse uwa shikata ishafwa akaba uwakowela ukufika ku cungulo. ³² Nga ili yonse pali shena yafwa nokuponena pacili conse, ico cikaba ica kowela, nga capangwa ne cimuti, insalu, umukupo, nangu pansalu. Monse umo cabela na monse umo cibomfeshiwa cikabikwe mu menshi, cikaba icakowela ukufika ku cungulo. Elyo cikaba icasanguluka. ³³ Pantu inongo yonse umo inama yakowela yaponene, conse icili mu nongo cikaba icakowela, kabili mukayonaule inongo iyo. ³⁴ Ifya kulya fyonse ifi nga liwa leelo na fikwate amenshi ayafumine muli ilya nongo fyini ifya kowela. Ifyamenshi fyonse ifyo ba nwinamo ukufuma mu nongo ilya fyaba ifya kowela. ³⁵ Icili conse cimo fitumbi fyaciko cikaponenapo caba ica kowela; ngampo ni pacitofu nangu akatofu kanono, ico cikatobaulwe mutupimfya. fyalikowela kabili fikashala ifya kowela kuli imwe. ³⁶ Akamfukumfuku nangu icilindi umo basungila amenshi fikashala ifyasanguluka; leelo onse uwaikatako ku fitumbi fyashiko akakowela. ³⁷ Nge cilundwa icili conse pa fitumbi fya shiko ca ponena pa mbuto ishili shonse isha kubyala, imbuto shonse shikaba ishasanguluka. ³⁸ Leelo amenshi nga ya bikwa mu mbuto, kabili nga icilundwa ca fitumbi fya shiko fyaponena muli shena, elyo shikaba ishakowela kuli imwe. ³⁹ Nga cakuti inama ili yonse pa shobalya yafwa, elyo umwaume aikatako ku citumbi akaba uwa kowela ukufika icungulo. ⁴⁰ Onse uwalyako icli conse kuli ico icitumbi akacape ifya kufwala fyakwe kabili akaba uwakowela ukufika icungulo. Nowasenda icitumbi cashiko akacape ifya kufwala fyakwe kabili akaba uwakowela ukufika ku cungulo. ⁴¹ Inama yonse iyingila panshi yabunani; ikalikwa. ⁴² Conse icendela pe fumo, na conse icendela ku molu yonse yane, nangu conse icakwata amakasa ayengi- shonse inama ishingila panshi, ifi wikalya, pantu fyabunani. ⁴³ Mwikowesha mwebene ku fya mweo ifingila; mwikowesha mwebene kuli fyena, fikamilenga ukuba abakowela. ⁴⁴ Pantu nine Yawe Lesa obe. Iwe isunge wemwine uwa mushilo, Eico, ube uwamushilo, pantu ndiwamushilo. Wilaikowesha we mwine ku musango uuli onse uwa nama iyi ikula pa mushili. ⁴⁵ Pantu nine Yawe, uwakufumishe mu calo ca Egypto, ukuti mbe Lesa wenu. Na imwe muleba aba mushilo, pantu ndiwamushilo. ⁴⁶ Ili efunde lya panama, pafyni, napafya mweo fyonse ifi senye mu menshi, na fyonse ifibumbwa ifingila panshi, ⁴⁷ pantu ca kumwafwa ukulekanya pakati cakowela ne cishikowela, na pakati kafya mweo ifingalikwa ne fyamweo ifishinga likwa.''