¹ Yawe alandile kuli Mose, atile, ² ''Ngacakutila umo abembuka no kutila ukukanaba necishinka akana Yawe ukupitila mu kubepa abena mupalama no ukucetekela mufintu ifyo basubilamo, nangu ifyashele ukwabula ukusakamanwa na ena, nangu pali ifyo ifyaibilwe, nangu cakuti alinyatilile abena mupalamano bakwe, ³ nangu asangile ifintu fimo ifyo abena mupalamano bakwe ba lufya na ukubepa pali ico, nangu nga alapile ubufi, nangu mumulandu uli onse uwapala ifi ukupitila umo bantu baletembukila, ⁴ nangu nga alibembwike no kusangwa uwashininwa, afwile ukubwesha fyonse asendele ukupitila mukwiba nangu ukunyatilila, nangu conse ico basekeshe kuli ena, nangu conse icalubile nomba alitisangile. ⁵ Na mukulundapo mu mulandu uli onse uo alapile ubufi, afwile ukubweshapo cimo icapaufisano ifya mulingo wa ciko na ukulipila conse ku mwine pa bushiku bulya asangilwe uwashininwa. ⁶ Nomba afwile aleta icabupe caku shininwa kwakwe kuli Yawe, sukusuku wa mpanga wabula akalema ukufuma mu mukuni nga mulinga wa ilya nshita, nge cabupe cakushininwa kuli shimapepo. ⁷ Ba shimapepo bapange icakukosolwelapo kuli ena ku cinso cakwa Yawe, nao akelelwa ukulingana na fyonse aishile shininwa ukuti ifyo acita.'' ⁸ Nomba Yawe alandile kuli Mose, atile, ⁹ ''Kambisha Aaroni nabana bakwe abaume, utile, 'Ili efunde lya mutulo wacakoca: Umutulo wacakoca ukabe peshiko lya cibumbili celambo ubushiku bonse ukufika ulucelo, nomulilo wapa cibumbili celambo ukasungwa uwa yaka. ¹⁰ Shimapepo afwale ica kufwala cakwe ica kolokondwe, na kaputula wa kolokondwe mu kati. Ali nokwisa kusa imito iyashele panuma umulilo waocele umutulo wacakoca pa cibumbili celambo, no kubika imito ku mbali ya cibumbili celambo. ¹¹ Ali nokufula icakufwala cakwe no kufwala ifyakufwala fimbi ku kusenda imito panse ya nkambi ku ncende iya sanguluka. ¹² Umulilo ufwile ukatwalilile ukwaka pa cibumbili celambo. Taufwile ukushima, na shimapepo akoca ikuni pali cena cila lucelo. Akaleteyanyapo no mutulo wacakoca ngecifwaikwa pali cena, na ukocelapo pali cena amafuta pa mutulo wa camuttende. ¹³ Umulilo ufwile ukatwalilile ukwaka pa cibumbili celambo. Taufwile ukushima. ¹⁴ Ali efunde lya fya mutulo wa mbuto. Abana baume bakwa Aaroni bakapele pa cinso cakwa Yawe pa cibumbili celambo. ¹⁵ Shimapepo ulupi lwaisula ulwabunga bwapelewa ubwa mutulo wa mbuto na mafuta no bubani ifili pa fyamutulo wambuto, nokufyocela pa cibumbili celambo icilefumya icena cisuma ngecile imininako ifya mutulo. ¹⁶ Aaroni na bana bakwe abaume bakalye conse ici kashala pa mutulo. Cifwile ukulikwa umwabula icitutumushi pa ncende ya mushilo. Bafwile ukulila mu lubansa lwe tenti lya ku kumaninamo. ¹⁷ Taufwile ukupangwa na icitutumushi. Nalamipela ici ngeciputulwa ca mutulo wandi uwapangwa no mulilo. camushilo nga nshi, ngo mutulo wa lubembu no mutulo wa kushininwa. ¹⁸ Umwaume onse pa bufyashi bwakwa Aaroni kuti alya ici, ngo bupingulo umuyayaya ukufika nakunkulo shenu, icabulwa ukufuma ku mitulo ya mulilo uwapangwa kuli Yawe. Uukekala kuli fyena akaba wa mushilo.'' ¹⁹ Eico Yawe alandile kuli Mose nakabili, atile, ²⁰ ''Uyu emutulo wakwa Aaroni nabana baume bakwe, uo bakatula kuli Yawe pabushiku ilyo cila mwana mwaume akasubwa: Iciputulwa cekumi caefa wabunga bwapelwa nge cakuba camutulo wa mbuto, cicika wa cena ulucelo na cicika wa cena icungulo. ²¹ Cikapangwa na mafuta mu cisulwilo. Ilyo cikabikilwa, mu katilete mukati. Mufyakoca mukapelepo utupifya twa mutulo wa mbuto ukafumya icena cisuma kuli Yawe. ²² Umwana umwaume uwa kwa shimapepo mukalamba uli pakuba nga shimapepo mukalamba umupya ukufuma pa bana bakwe abaume eufwile ukutula. Nge fyo cakambishiwe umuyayaya, conse ici cocewe kuli Yawe. ²³ Conse ica mutulo wa mbuto ica kwa shimapepo tipwililike ukocewa. Tacifwile kulikwa.'' ²⁴ Yawe alndile kuli Mose nakabili, atile, ²⁵ ''Landa kuli Aaroni naku bana baume bakwe, tila, 'Ili efunde lya mutulo wa lubembu: Mutulo wa lubembu ufwile ukwipaiwa pa ncende bocela umulilo wipailwe pa cinso cakwa Yawe. Camushilo ngashi. ²⁶ Shimapepo uwatula ica lubembu aka cilye. Cifwile calikwa pa ncende ya mushilo mulubansa lwe tenti lya ku kumaninamo. ²⁷ Icili conse icaikala ku nama ya ciko cikaba ca mushilo, nangu mulopa uwasanswa ku cakufwala icili conse, mufwile ukuciwasha, pa ciputulwa ici sanshilwepo, pancende ya mushilo. ²⁸ Leelo impoto ye bumba ikepikwamo ifwile ya tobwa. Nga caipikilwa mu mpoto ya mukuba, cifwile ukukuswa no kusululwa mu menshi aya busaka. ²⁹ Umwaume uli onse muli bashimapepo kuti alya ici pantu camushilo nganshi. ³⁰ Nomba umutulo wa lubembu uli onse uo umulopa uletelwe mwitenti lya kukumaninamo mukupanga icikosolwelo mu ncende ya mushilo tacifwile kulikwa. Cifwile caocewa.