¹ Ngachakutila umo abembuka pamuladu wakukana ukulondolola ilyo amwene cimo ico alekabila ukulondolola, Nangu alimwene nangula ukumfwafye, Akaba no mulandu. ² Ngachakutila umo aikata ico Lesa aeba ukuti cali kowela, Nangula citumbi ca nama ishishasanguluka nangula inama shitekwa ishishasanguluka nangula icisenya pamushili icishasanguluka ,Nangula cakutila acitila mukukana ishiba nao wine aba uushasanguluka kabili uwa mulandu. ³ Nangula cakutila aikata uushasanguluka,Nelyo ukukana sanguluka kwamusango shani, Elyo ngataishiba, Abe uwaishiba ngasambilila. ⁴ Nangula cakutila umo alapa mulubilo ku milomo pamulandu wakucita ububi nangula ubusuma, Nangula cakuti mwaume alapa mulubilo,Nangula mukukana ishiba, Nga asambilila pali ici abe uwashininwa, Pamulandu waifi fintu. ⁵ Ngacakutila umo asangwa uwamulandu kuli ifi, Afwile ukuyebelela ku lubembu ulo acitile. ⁶ Afwile ukuleta ica bupe ica kushininwa kuli Yehoba pamulandu walubembu acitile, Inama nkota ukufuma pamukuni, Nangu ni suku suku nangu im bushi nge cabupe capa lubembu elyo na shimapepo akapange cakukonsolwela ukulingana palu bembu lwakwe. ⁷ Ngacakutila teti akwanishe ukushita sukusku, Kuti aleta inkunda shibili nangula ifile fibili ngecabupe cakushinwa ukuli Yehoba, Cimo icabupe capalubembu elyo nechabupe cakocewa. ⁸ Afwile ukubatwala kuli shimapepo, Akapelwa cimo ngechabupe chapalubembu-akafumyeko umutwe kumukoshi waciko,Lelo takuli kufumyako kumubili onse. ⁹ Elyo akasansailele umulopa mucabupe ca lubembu nokwitulwila palutwe lwa cibumbili celambo elo aketulwile umulopa uwashala mumbali yacibumbili celambo ici ecabupe capalubembu. ¹⁰ Elyo afwile ukupela iconi cabubili ngecabupe cakocewa, Ngefyo caebelwe ifyakukonka elyo na shimapepo akapange icikonsolwelo icapa lubembu ulo acitile, Elyo nomuntu akelelwa. ¹¹ Ngacakutila teti akwanishe ukushita ifipele fibili nangula abanabankunda babili, Elyo afwile ukuleta ngelambo lyakwe palubembu lwakwe icekumi ica efa wabunga ubwapeleka ukuba ica bupe calubembu. Tafwile ukubikamo amafuta nangula ifya kusanshanyamo,Fimbi pantu cabupe capa lubembu. ¹² Afwile ukuleta kuli shimapepo, Nashimapepo akacipokelele kumaboko nomucinshi ngechabupe elyo akacocele pac ibumbili celambo, Napa mulu waciko akapangilepo umulilo wakwa Yehoba.Ici cabupe capalubembu. ¹³ Shimapepo akapange icikonsolwelo capali cila lubembu umuntu apangwa elo uyo muntu akelelwa. Nefyashala fikabe fyakwa shimapepo ngeca bupe ca mbuto.''' ¹⁴ Elyo Yehoba asosele kuli Mose,Atile, ¹⁵ ''Ngacakuti umo uwa muli imwe ngabembuka, Nangu akana ukuba uwacishinka kufipe fyakwa Yehoba,Nangu acita mukukana ishiba, Afwile ukuleta icabup cakushininwa kuli Yehoba, Neci icabupe cifwile caba iimpanga iyilume iyabula akalema iyakufumya kumukuniifwile yashitishiwa muma shekele ya siufele wamumutengo wamushilo -nge cabupe cakushininwa. ¹⁶ Afwile ukusekesha Yehoba ukutila icilubo acitile ukushintana nomushilo, Elyo abikepo cimo ngecapali fisano pali ifi nokupela kuli shimapepo, Eyo shimapepo akamipangile ngeca kukonsolwelapo icampanga iilume ngecabupe icakushinwa, nomuntu akelelwa. ¹⁷ Ngacakuti umuntu abifya no kucita ifyo Yawe ashifwaya mu mafunde yakwe, nangufye acitile mukukanaishiba, nalyo line ninshiali no mulandu kabili ali nokukandwa. ¹⁸ Ali nokuleta kuli shimapepo sukusuku wapa mukuni wakwe, uwabula akalema, uwamutengo uwalingango mutulo wakufuta pa fyabubifi. Iyi enshila shimapepo ali nokumufutilako pa cilubo acitile mukukanaishiba, ninshi uyu muntu akelelwa. ¹⁹ Uyu e mutulo wakufuta pa fyabubifipantu uyu muntu aliba no mulandu pakucita icilubo kuli Yawe.''