¹ Yehoba asosele kuli Mose,ati, ² Eba abena Isreale,elyo umo abembuka ukwabula ukuitemenwa ukubembuka,kukucita ifintu Yehoba amikonkomeshe ukukana cita,nga acita ifya kanishiwa,ifi efyo mulingile ukucita. ³ Nga shi mapepo mukalamba abembuka neci calenga ukuba wamulanda ku bantu,elyo akapele ica palubembu lwakwe acitile apele umusepela wa ng'ombe ilume iya bula akalema kuli Yehoba nge cabupe capalubembu. ⁴ Alingile ukuleta ing'ombe ilume pa mwinshi we tenti lyakukumaninamo ku cinso cakwa Yehoba,akabike amaboko yakwe ku mutwe,na ukwipaya ing'ombe ilume pa cinso cakwa Yehoba. ⁵ Shi mapepo uwasubwa akabulepo umulopa wa ng'ombe ilume akatwale kwi tenti lya kukumaninapo. ⁶ Shi mapepo akatumpike umunwe wakwe mumulopa na ukusaisha umulopa umo imiku cinelubali(7)pacinso cakwa Yehoba,pantanshi yakuncende ya mushilo. ⁷ Elyo shi mapepo akabule umulopa imo nokubika kumenso ya pa cipailo isha kununkila icena icisuma kuntanshi yakwa Yehoba,ili mwi tenti lya kukumaninamo,nao akafumye umulopa onse wa ng'ombe ilume pansi ya cipailo cakocelapo ifya mabupe ifili pamwinshi wetenti lyakukumaninamo. ⁸ Akaputule amafupa yonse ukufuma ku ng'ombe ilume iya cabupe capalubembu,amafuta ayali mufilundwa fya mukati,yonse amafuta ayalambatila mufilundwa fya mukati, ⁹ Nemfyo shibili na insongo ya libu,akafumishe pamo ne libu fyonsefi_akafumye fyonsefi akafiputule. ¹⁰ Akaputulemo fyonse,ngefyo aputwile ing'ombe ilume iya cabupe ca mutende.Elyo shi mapepo akoce ifi filundwa pa cipailo cakocelapo ifyamabupe. ¹¹ Ukumukupo wa ng'ombe ilume na umunofu washalapo, umutwe na molu na ifya mukati na mafi yaiko. ¹² Fyonse ifilundwa ifyashala ifya ku ng'ombe iyo iliume -akasende ifilundwa ifi kunse ya nkambi pancende iya sangululwa kuli ine,apo betila imito;epo bakoceleifilundwa pankuni.Balingile ukoca fyonse filundwa apo betila imito. ¹³ Nga ulukuta lonse ulwa Israele lwabembuka na ukucita fyonse fyo Yehoba akambishe ukukana cita nkuisanga abamulandu, ¹⁴ Elyo ulubembu bacitile lwaishibikwa,elyo baka kolonana bakapele umusepela wang'ombe iliume nge cabupe capalubembu na ukutwala pantanshi ye tenti lya kumaninapo. ¹⁵ Abakalamba balukuta bakabike amaboko pamutwe wa ng'ombe ilume ku cinso cakwa Yehoba,na ing'ombe ilume ikepaiwe ku cinso cakwa Yehoba. ¹⁶ Shi mapepo wasubwa akaletepo umolopa wa ngo'mbe ilume kwi tenti lyakukumaninamo, ¹⁷ Na shi mapepo akatumpike umunwe wakwe mu mulopa na ukusansa imiku cine lubali kucinso cakwa Yawe, kuntanshi ya nsalu. ¹⁸ Akabike umulopa ku masengo ya pacipailo ku cinso cakwa Yehoba,uli mwitenti lya kukumaninamo,nao akfumyemo umulopa onse munshi yacipailo nge cakocelapo ifyabupe. ¹⁹ Akafumyemoamafuta yonse na ukoca pacipailo, ²⁰ Efi efyo alingile ukucita ku ng'ombe ilume.Nga filya fine acitile ku ng'ombe ilume iya mutolowa palubembu,acite cimo cine naku ng'ombe ilume iyi, na shi mapepo akacite ica ku konsolwela abantu. ²¹ Aaksende ing'ombe ilume kunse yankambi na ukoca ngefyo acittile iya kubalilapo ing'ombe ilume.Ici cikaba cabupe bwapa lubembu lwamulukuta. ²² Ilyo katungulula afwaya uku bembuka,mukucita ifintu fimo ifyo Yehhoba Lesa waikwe akambishe uku kana cita,nokusangwa wamulandu, ²³ Elyo ulubembu acitile umwine lwaishibikwa kwimwine,ena afwile aleta imbushi,iyaume pumbwe iyabula akalema. ²⁴ Ena akabika ukuboko kwakwe pa mutwe wa mbushi nokuipanga pancede bepaila ifyamabupe nokoca pacinso cakwa Yehoba,ici cabupe bwapa lubembu. ²⁵ Shimapepo akabule umulopa wapafyabupe fya lubembu ku munwe wakwe nokubika ku masengo ya pa cipailo cakocelapo ifya bupe fyakoca. ²⁶ Akoce amafuta yonse pa cipailo,ngefyo boca amafuta yelambo lya fyabupe bwa mutende.Shimapepo akacite ica kukonsolwela kateka ukulingana nolubembu lwakwe,na kateka akelelwa. ²⁷ Nga umo uwa mu bantu abembuka ukwabula ukwishiba,acita ifyo fimo ifyo Yehoba akonkomeshe ena ukukana ficita,na ilyo aibukisha ukuti ali nomulandu, ²⁸ Elyo ulubembu acitile lwa mulenga ukwishibikwa,elyo akalete imbushi ngeyelambo lyakwe ikota iya bula akalema,palubembu acitile. ²⁹ Akemye ukuboko kwakwe nokubika pacabupe calubembu no ukwipaya icabupe calubembu no ukwipaya icabupe calubembu pancende ya kocelapoifyabupe. ³⁰ Shi mapepo akabulepo umulopa ku munwe na ukubika kunsengo shapacipailo cakocelapo ifya mabupe.Ena akafumye umulopa onse mwisamba lya cipailo. ³¹ Akafumye amafuta yonse ngefyo afumishe munama yelambo iya pafya bupe.Shi mapepo akoce pacipailo cikalete necena icisuma kuli Yehoba.Shimapepo akacite icakukonsolwelwa ku muntu nao akelelwa. ³² Nga umuntu apela icelambo nge cabupe ca palubembu,akaleteiyabulamo akalema. ³³ Akabike amaboko pa mutwe wapa cabupe calubembu na ukwipaya ngo bupe bwa palubembu pancende bepaila icabupe bwakoca ³⁴ shimapepo akabulepo umulopa pa cabupe capa lubembu ku munwe wakwe no kushinga kunsengo shapacipailo cakocelapo ifya bupe ifyakoca, nokupongolwela umulopa onse mwisamba lya cipailo. ³⁵ Akafumye amafuta yonse ngefyo afumishe amafuta yonse mu mpaanga nge cabupe ca mutende, na shi mapepo akocele pamulu wa cipailo cafya bupe bwakwa Yehoba ica pangilwe no mulilo. Shimapepo akacita kuli ena nge caku konsolwela ulubembu acitile, no muntu akelelwa.