¹ Inga cakuti umo apela ilambo lyamutende ukufuma pamukuni wang'ombe, nangu ilume nangu ikota, ali nokupeela inama iya bula ubulema pantanshi yakwa Yawe. ² Ali nokutambalika iminwe pa mutwe wa mutulo wakwe nokwipaya pamwinshi wa cikulwa cakukumaninako. Elyo bamwana Aaroni abaume bashimapepo bali nokusansa umulopa ukushingulusha icipailo. ³ Kabili umuntu alinokupela ilambo lyamutende ilya mulilo kuli Yawe. Amafuta ayafimba kumala nangu ayanshinta mukati kamala, ⁴ nemfyo shibili na mafuta yashiko nayakumusana waiko, leelo insongo yalibu, pamo nemfyo- ali nokufumya fyonse ifi. ⁵ Abana baume bakwa Aaroni bali nokoca ifi pacipailo pamo nomutulo wa koca, uuli pankuni ishili pamulilo. ⁶ Inga cakuti ilambo lya muntu lya mutende kuli Yawe lyafuma kumukuni; ilume nangu ikota, afwile ukupelwa ilambo ukwabula ubulema. ⁷ Inga cakuti apeela umwana wampanga ilambo, ninshi alino kuipela pantanshi yakwa Yawe. ⁸ Ali no kutambalika ukuboko kwa kwe pelambo lyakwe, no kuipaya pantanshi yetenti lya kukumaninamo. Elyo abana baume bakwa Aaroni balino kusanso mulopa waciko ukushinguluka icipailo. ⁹ umuntu alimo kupela ilambo lyamutende lya mutulo wamulilo kuli Lesa. Amafuta, umucila onse uuo akaputwilapo walundanishiwa nomungololo, na mafuta ayafimba kumala namafuta yonse ayamukati kamala na mafuta ayapalama mukati kamala, ¹⁰ nemfyo shibili na mafuta ayaliko, ilikumusana. Kabili insongo yalibu, pamo nemfyo- ali nokufumya fyonse ifi. ¹¹ Elyo shimapepo alinokufyocela pa cipailo kwati fyakulya umutulo wapamulilo kuli Yawe. ¹² Inga cakuti umutulo wamuntu ni mbushi, ninshi alino kupela pantanshi yakwa Yawe. ¹³ Ali nokutambalika ukuboko pamutwe wa mbushi nokuipaya pantanshi ye tenti ya kukumaninamo. Elyo abana baume bakwa Aaroni bali nokusansa umulopa wa iko ukushinguluka icipailo. ¹⁴ Umuntu ali nokutula ilambo lyakwe ilambo lya pamulilo kuli Yawe. Ali nokufumya amafuta ayafimba mukati kamala, na yonse amafuta ayapalama mukati kamala. ¹⁵ Ali nokufumya kabili imfyo shibili ishiliko iilikumusana waiko. Leelo insongo ye libu pamo nemfyo. ¹⁶ Shimapepo ali nokoca fyonse ifili pacipailo kwati fyakulya umutulo wapa mulilo uwakuleta akacena akasuma. Yonse amafuta yaba yakwa Yawe. ¹⁷ Lilinokuba ifunde lya muyayaya kunkulo shenu mumekalo yenu yonse, tekwesha ukulya amafuta nangu umulopa.'''