¹ Yawe alandile kuli Mose, atile, ² ''Konkomesha abena Israeli ukuleta amafuta ayalengama sana aya pangwa kungashi ishatobaulwa yay kubomfya munyali, pakuti ulubuto luleyaka ukutwalilila. ³ Kunse ya nsalu yakucingako kuntanshi ya cipangano cabupingushi mwi tenti lya kukumaninamo, Aaroni afwile atwalilila ukufuma ulucelo ukufika ku cungulo ukusunga inyali ayaaka kucinso cakwa Yawe. Ici cikemikwa umuyayaya munkulo sha bantu bonse. ⁴ Shimapepo mukalamba afwile lyonse ukusunga inyali iyaaka kucinso cakwa Yawe, ne cakubikapo inyali icapanga na golide eka. ⁵ Ukabule ubunga bwa ngano ubwapelekesha nokupangamo imikate ikumi limo na ibili. Mufwile mwaba indupe shibili muli cili mukate. ⁶ Elyo ukaletantika imikate imilongo ibili umulongo umo mukaleba imikate mutanda na umbi umulongo imikate mutanda petebulo ilya golide iyalopololwa kucinso cakwa Yawe. ⁷ Mufwile mwabika ububani bweka bweka pali cila mulingo wa mukate ngo mutulo uwakwimininako. Ubu bubani bwakocela Yawe. ⁸ Pa bushiku bwe Sabata lyonse shimapepo mukalamba afwile libilili ukupekanya ukukate ku cinso cakwa Yawe ukwimininako abena Israeli, nge cishibilo ca cipangano. ⁹ Ububupe bukaba bwakwa Aaroni na bana bakwe abaume, kabili nabo bafwile ukuulya muncende iya mushilo, pantu ici cakaniko ukufuma ku mutuloo wakwa Yawe uwa pangwa no mulilo. ¹⁰ Nomba calicitike ukuti umwana umwaume uwakwa namayo umwina Israeli uo wishi ali umwina Egypto, mukati kabena Israeli. Uyu mwana wakwa namyo umwina Israeli alwile no muntu waku Israeli uwali mu nkambi. ¹¹ Umwana umwaume uwa kwa namayo umwina Israeli alipontele ishina lyakwa Yawe no kutipa Lesa, eco abantu bamutwele kuli Mose. Nyina wakwe ali ni Shelomiti, umwana uwamwanakashi uwakwa Dibri, ukufuma ku mutundu wa Dani. ¹² Bamusungile mukalyati mpaka Yawe umwine abalanga ubufwayo bwakwe. ¹³ Elyo Yawe alandile kuli Mose, aletila ati, ¹⁴ ''Mubuleni umuntu utipile Lesa mumufumye mumutwale kunse ya nkambi. Bonse abamumfwileko bafwile babikapo iminwe yabo pamutwe wakwe necilonhanino conse cifwile ukumupola amabwe. ¹⁵ Ufwile iwe walondolwela abantu baku Israeli nokutila, ''Umuntu uli onse nga atipa Lesa wakwe afwile aisendela icilubo cakwe. ¹⁶ Eico uwapontele ishina lyakwa Yawe icine cine afwile ukwipaiwa. Conse icilonganino cifwile fye ukumupola amabwe, nangu mwina fyalo nangu mwina Israeli inkonko. Nga uli onse apontela ishina lyakwa Yawe, ena afwile fye ukwipaiwa. ¹⁷ Nga uli onse aipaya, umuntu mu nankwe, ena afwile ica cine ukumwipaya nao. ¹⁸ Ngo uli onse aipaya inama yamunankwe, ena afwile fye alipila ukubwesha inama, umweo pa mweo. ¹⁹ Ngo uli onse acenaula umwina mupalamano wakwe, cifwile cacitwa ngefyo ena acitile ku mwina mupalamano wakwe. ²⁰ Ukufuna pa kufuna, ilinso pa ilinso, ilino pa lino. Ngefyo acenene umunankwe, efyo cikacitwa nakuli ena. ²¹ Onse uwaipaya inama afwile ukulipila ukubwekeshapo inama, na onse uwaipaya umunankwe nao wine afwile ukwipaiwa. ²² Mufwile ukukwata ifunde limo line ilya bonse umwina fyalo no mwina Israeli inkonko pantu nine Yawe Lesa wenu. ²³ Eico Mose alandile ku bantu baku Israeli, na bantu baletele umuntu wamiponto kunse yankambi, uyo uwa tipile Yawe. Balimupolele na mabwe. Abantu baku Israeli bacitile ngefyo Yawe akambishe Mose.