¹ Yawe alandile kuli Mose: ² ''Landa kubana bakwa Israeli, no kutila kuli bena, 'Ishi enshiku shasontelwemo imitebeto yakwa Yawe isho mufwile ukubilikishamo nge nshiku shamoshilo shakulonganamo; enshiku shakucitamo imitebeto yandi. ³ Kuti mwabomba munshiku mutanda, leelo ubushiku bwalenga cine lubali lisabata lya kutuushamo muli fyonse, bwa mushilo bwakulongana. Tamufwile kubombamo umulimo pantu ni sabata yakwa Yawe mu ncende shonse umo mwikala. ⁴ Ishi enshiku shasontelwemo imitebeto yakwa Yawe, enshiku shamushilo shakulonaninamo isho muli nokubilikishamo pa nshita shabo ishasontelwe. ⁵ Mu mweshi wakubalilapo, pabushiku bwalenga ikumi limo nafine bwa uyo mweshi mu cungulo cinono, cikalaba icakucilila cakwa Yawe. ⁶ Pa bushiku bwalenga ikumilimo nafisano bwamweshi uyowine epakalaba imitebeto wamukate ushatutumuka kuli Yawe. Pantu inshiku cine lubali mufwile ukulya umukate ushatutumuka. ⁷ Ubushiku bwakubalilapo mufwile mukakolongane ukulongana; tekwesha ukubombamo imilimo yenu iyacila bushiku. ⁸ Mukatule ifyakulya fyamutulo wakocela kuli Yawe pa nshiku cine lubali. Bushiku bwa lenga cine lubali kukabe ukulongana kuli Yawe, napali ubo bushiku mwikabombamo incito iili yonse mu bomba.''' ⁹ Yawe alandile kuli Mose, atile, ¹⁰ ''Landa kubana ba Israeli no kutila kuli bonse, ''Ilyo mukengila mu cxalo ico nkakupela, kabili akakukolonganika ubusomboshi fyafiko ilyo mukaleta umweshi wafyo mwabalilepo ifisabo kuli shaimapepo. ¹¹ Nao akemya umwanshi wa mbuto pa cinso cakwa Yawe no cipela kuli ina, pantu calisuminishe ku lubali lobe. Napabushiku bwakonkapo panuma yesabata elyo shimapepo akemye nokuleta kuli ine. ¹² Napabushiku ubo elyo ukemye umwanshi wanganu nokuleta kuli ine , mukatule umwana wampaanga umulume uwa mwaka umo kakabe umutulo wakocela Yawe. ¹³ Nomutulo wangano ukabe ndupe shibili isha buunga bwapeleka bwino ubwasankanishiwamo na mafuta, umutulo wapamulilo kuli Yawe, uwa kuleta akacena kasuma, kabili umutulo wamwangashi, icakulenga fine ica myangashi. ¹⁴ Mwikalya umukate nangu umo, nangu ngano shasalulwa, nangu ingano ishipya, mpaka bukasuke abufika ubo bwine bushiku mukasuke mukalete umutulo wakwa Lesa wenu. Ici cipope cikaba camuyayaya ku nkulo shenu sha bantu benu bonse,. ¹⁵ Ukutula pabushiku ubwakonkapo pa numa ye Sabata - ebushiku mwaletelemo umwanshi wangano wa mutulo- mukapende imlungu cine lubali ituntulu. ¹⁶ Mukapende inshiku amakumi yasano , icikaba pa bushiku ubwankonkapo panuma ye Sabata yalenga cine lubali. Elyo mukatule umutulo wangano shipya kuli Yawe. ¹⁷ Mufwile mwaleta amayanda yenu ne mikate ibili iya pangwa ukubomfya indupe shibili. Bufwile bwapangwa ukufuma kubunga bwa peleka bwino mukabikemo intutumushi; ukaba umutulo wafisabo kuli Yawe. ¹⁸ Mufwile ukutula pamo ne mikate iyi twana twapaanga cine lubali utulume utunono utwamwaka umo utusuma, ne ilume inono, ne mpaanga shilume shibili. Fikabe umutulo wakoca kuli Yawe, pamo no mutulo wangano no mutulo wa myanshi, kukuba umutulo wapa mulilo uwa kuleta akacena akasuma kuli Yawe. ¹⁹ Mukatule akana kambushi kamo uku umutulo wapesambi, na tubili utwana utulume utwampaanga utwamwaka umo kube ilambo, lya mutende. ²⁰ Shimapepo afwile akafisunshe fyonse pamo ne mikate yafisabo pa cinso cakwa Yawe, no kuleta kuli ena no mutulo pamo no twana twampanga tubili. Fikabe umutulo wamushilo kuli Yawe kuli Shimapepo. ²¹ Mufwile mukabile imbila pali ubu bwine bushiku kukabe ukulongana kwa mushilo, kabili tekwesha ukubombamo umulimo wakosa. Ici ecipope ca muyayaya nenkulo shonse na monse muncende uko mwikala. ²² Elyo mwasombola ifisabo mwibala lyenu, tamufwile ukupwishishisha ukusepa mumbali yebala lyenu, kabili tamufwile ukutolelesha ilyo mulelobolola ifyo mwasombola mwebene. Mukafishile abalanda na kubatulatula. Nine Yawe Lesa wenu.'' ²³ Yawe alandile kuli Mose, atile, ²⁴ ''Landa kubena Israeli utile, 'Mumweshi walenga cine lubali, pabushiku bwantanshi ubwa uyo mweshi ukabe wakutushamo kuli fyonse, bushiku ubwakwibukisha no kulila nga mapenga, ubwakulongana kwa mushilo. ²⁵ Tamufwile kubombamo umulimo uli onse uwakosa kabili mukatule umutulo wapa mulilo kuli Yawe.'' ²⁶ Elyo Yawe alandile kuli Mose atile, ²⁷ ''Nombapa bushiku bwalenga ikumi mu mweshi uyu wa cine lubali bushiku bwa kutula icifuta mulandu. Mukalongane ukulongana kwa mushilo, kabili mukaicefye mumyeo yenu nokutula umutulo wapamulilo kuli Yawe. ²⁸ Tamufwile ukubomba umulimo pali ubu bushiku, pantu bushiku bwakukonsolwela, ukupanga icakufilamomwebene pacinso cakwa Yawe Lesa wenu. ²⁹ Pantu umuntu onse uushakaicushe pali ubu bushiku akaputulwako ukufuma ku bantu bakwe. ³⁰ Umuntu onse ukabombemo umulimo pali ubo bushiku, ine, Yawe, nkamwipaya ukufuma apo muli mubantu bakwe. ³¹ Tamufwile ukubombamo umulimo wamisango yonse pali uba bushiku. Ici cipope ca muyayaya ku bantu benu bankulo shonse muncende shenu umo mwikala. ³² Ubu bushiku kuli imwe lisabata lyakutushamo, kabii mukaicefya mweben mubushiku bwalenga pabula mu mweshi uyu mucungulo. Ukufuma icungulo ukufika icungulo mukasunge isabata lyenu.'' ³³ Yawe alandile kuli Mose, atile, ³⁴ ''Landa kubantu abena Israeli, utile; pabushiku bwalenga ikumi limo nafisano mu mweshi walenga cine lubali mutebeto wansakwe kuli Yawe. Uwanshiku cine lubali. ³⁵ Pabushiku bwakubalipo kukaba ukulongana kwa mushilo. Tamufwile ukubombamo umulimo. ³⁶ Pa nshiku cine lubali mukatule umutulo wapamulilo kuli Yawe. Pabushiku bwalenga cine konse konse mukalongana ukulongana kwa mushilo, mufwile ukutula umutulo wapa mulilo kuli Yawe. Ukulongana ukwa shila, kabili mwikabombamo umulimo uli onse. ³⁷ Ishi enshiku shamitebeto shasontelwe kuli Yawe, mukabilikishe ukulongana kwa mushilo iya kutuulamo umutulo wa pa mulilo kuli Yawe, umutulo wa koca no mutulo wa ngano, imitulo pamo ne lambo lya nama ne mitulo ya mwangashi, cimo cimo pabushiku bwaciko. ³⁸ Iyi mitebeto ikalundwa kumasabata yakwa Yawe ne fya bupe fyenu, ne milapo yenu yonse, ne fya bupe fyenu fyonse ifya kuitemenwa ifyo mupela kuli Yawe. ³⁹ Ukulingana ne mitebeto ya munsakwe, pa bushiku bwalenga ikumi limo nashisano mu mweshi wa cine lubali elyo mwasepa ifisabo fya mwibala, mufwile ukusunga uyu mutebeto wakwa Yawe inshiku cine lubali. Ubushiku bwantanshi bushiku bwakutushamo, no bushiku bwa cine konse konse nabo bukaba bushiku bwakutushamo. ⁴⁰ Pa bushiku bwa ntanshi mufwile mukasabe ifisabo kumiti, imisambo yatuncindu, ne misambo yampanda shamiti, iyapikana nomuarabimu wa mumilonga, kabili mufwile ukusekelela pa cinso cakwa Yawe Lesa wenu pa nshiku cine lubali. ⁴¹ Inshiku cine lubali muli cila mwaka, mukasefye umutebeto wakwa Yawe. Ici cikaba cipope camuyayaya ku bantu benu nkulo shonse mu ncende shonse umo mwikala. Mukasefye umutebeto uyu mu mweshi wacishi wacine lubali. ⁴² Mukekale mu nsakwe ishinono munshiku cine lubali. Bonse abafyalilwe mu Israeli bakekale munsakwe shinono pa nshiku cine lubali, ⁴³ pakuti mufyalwa yenu, inkulo ne nkulo, basambilile ifyo nalengele abantu ba mu Israeli ukwikala munsakwe ilyo ine nabafumishe mu calo ca Egypto. Nine Yawe Lesa wenu.'' ⁴⁴ Munshila iyi, Mose abilikishe ku bantu bakwa Israeli ishi enshiku shamutebeto shasontelwe ishakwa Yawe.