¹ Yawe alandile kuli Mose, atile, ² ''Landa ku bantu abena Israeli nokutila kuli bena, 'Nine Yawe Lesa wenu. ³ Imwe tamufwile ku cita ifintu filya abantu balecita mu Egypto, kulya imwe mwaleikala kale. Imwe tamufwile kulacita ifintu filya abantu bacitile mu Kenani, impanga iyo ndemutwalako imwe. Mwilakonka imbela shabo. ⁴ Amafunde yandi eyo mufwile uku cita, ne fipope fyandi efyo uufwile ukusunga, pakuti emo uleendela mulifyena, pantu nine Yawe Lesa wenu. ⁵ Eico mufwile ukusunga ifyapampamikwa fyandi na mafunde yandi. Ngo muntu ayabela yena, akekala muli yena. Nine Yawe . ⁶ Wipalamina kuli lupwa obe uwapalamisha no kumufula pa bwamba bwakwe, Nine Yawe. ⁷ Wifula pabwamba bwa kwa noko; ninoko, taufwile kufula ubwamba bwakwe. ⁸ Tecakwesha ukufula pa bwamba bwa mukashi wa kwa wiso; bwamba bwa kwa wiso. ⁹ Tecakwesha ukufula pa bwamba bwa kwa nkanshi yobe, nangula mwana wakwa wiso nangula mwana wakwa noko, nangu afyalilwe mu ng'anda yobe nangu ukutali ukufuma kuli iwe. ¹⁰ Tecakwesha ukufula pa bwamba bwa mwana mwanakashi obe nangu umwana mwanakashi wa mu mwanakashi, pantu ubwamba bwakwe bwamba bobe. ¹¹ Tecakwesha ukufula pa bwamba bwa mwana wa mukashi wakwa wiso ukuleta mulupwa lwa kwa wiso, pantu nikanshi yobe. ¹² Tecakwesha ukufula pa bwamba bwa kwa kanshi yakwa wiso, nilupwa wakwa wiso. ¹³ Tecakwesha ukufula pa bwamba bwa kwa munyina wakwa noko, milupwa wakwa noko. ¹⁴ Tecakwesha ukufula pa bwamba bwakwa munyina wiso, ukutila, taumfwile kupalamika mukashi wakwe; ena ninoko senge. ¹⁵ Tecakwesha ukufula pa bwamba bwakwa noko fyala; mukashi wamwana obe umwaume; taufwile kufula pabwamba bwakwe. ¹⁶ Tecakwesha ukufula pa bwamba bwa mukashi wa kwa munonko; bwamba bwa kwa munonko. ¹⁷ Tecakwesha ukufula pa bwanmba bwa mwanakashi no mwana mwanakashi wakwe; niba lupwa; lyena lishiku. ¹⁸ Taufwile ukupa munina wamukashi obe ngo mukashi wacibili nokumufula pa bwamba bwakwe ilyo umukashi wakubalilapo ali no mweo. ¹⁹ Tecakwesha kupalamika mwanakashi kuku mufula pa bwamba bwakwe pa nshita yakukana sangululwa. ²⁰ Tecakewesha kulalana nomukashi wamwina mupalamano no kuikowesha wemwine muli iyinshila. ²¹ Tamufwile ukupela uwa mu bana benu ukubika fyene mumulilo, pakuti muletulilapo bena amalambo kuli Maleki, pantu tamufwile kusebanya ishina lya kwa Lesa wenu. Nine Yawe. ²² Tamufwile kulala nabaume abakwata abakashi, cilya cabunani. ²³ Tamufwile kulala nenama yonse no kuikowesha mwebene kuli ico. Ecimo cine nangu mwanakashi ukuipela umwine ku nama yonse ukulala nayo; cilya camusebanya. ²⁴ Tecakwesha ukuikowesha mwebene munshila sha musango uyu, pantu munshila shonse ishi inko, emo baikoweshamo, ishop ndefumyamo panuma yenu. ²⁵ Impnga yasangwike iyakowela, ne mpanga ikaluka abekashi baiko. ²⁶ Iwe, ekutila, mufwile ukusunga ifikambisho no bupingushi, elyo tamufwile ukucita conse pali ifi ifyamakankamike ifintu, nangu abeni abafyalilwa mu Israeli imbutushi abekala pamo naimwe. ²⁷ Pantu ubu ebuncita tubi bwa bantu mu mpanga ya calowelelemo, abo abaikelemo ilyo imwe tamulaisamo, ne mpanga yali iyakowela. ²⁸ Eico mube abacenjela pakuti impanga taimyalukile naimwe panuma mwaikowesha, ngefyo yalukile abantu abalimo. ²⁹ Onse uwacita fyonse pali ifi ifyamakankamike, uyu muntu wa kutamfyafye mu bantu bandi. ³⁰ Eico mufwile ukusunga ifikambisho tecakwesha ukukonkelela intambi isha mu selu ishalekonkwa ilyo tamulaisa. tecakwesha ukuikosha mwebene kuli bena. Nine Yawe Lesa wenu.'''