¹ Yawe alandile kuli Mose, atile, ² Landa kuli Aaroni na kubana baume bakwe, nakubantu bonse abena Israele.Bebe bena fyonse ifyo Yawe akukonkomeshe: ³ Umuntu onse ukufuma mu Israele uwaipaya ing'ombe, impanga, nangu i bushi munkambi, nangu uwaipaya Kunse yankambi, mukukonka nokuipela- ⁴ nga ena taitulile yena kumwinshi wetenti lya kupelela kuli Yawe pantanshi yacintamba, uyo muntu ali uwamulandu wa kusumya umulopa. Ena nasumya umulopa, elyo uyo muntu afwile ukuputulwako kubantu bakwe. ⁵ Umulandu wakukonkomesha cakuti balya bantu abena Israeli batula amalambo yabo kuli Yawe pamwinshi we tenti lyakukumaninamo, kuli shimapepo ukuba ilambo lyamutende wakutula kuli Yawe, mucifulo cakupela ilambo mulwalala. ⁶ Shimapepo akansa umulopa pambokoshi yamafunde pamwinshi wa kwitenti ilya kukumaninamo; ena akoca ifymafuta kulifyena mukufubya icena cisuma kuli Yawe. ⁷ Abantu tabafwile kabili ukutula amalambo yabo ktulubi twambushi, pantu ifyo bacita ngentalangani. Ici cikaba cipope icakwikalililakuli bena ukuyafye kunkulo shabantu babo. ⁸ Ufwile ukulanda kuli bena, 'Umuntu onse umwina Israeli, nangu onse umutulatulafye uwikala mukati kabo, uwatula ilambo lyafyakoca nangu ilam bo ⁹ elyo talele kumwinshi wetenti lyakukumaninamo mukukonka nokupela kuli Yawe, uyo muntu afwile ukufumishiwa ukufuma mubantu bakwe. ¹⁰ Umuntu onse uwang'anda yakwa Israele, nangu onse umutulatualfye uwikala mukati kabo anwa umulopa, ine nkalolekesha icinso candi pali uyo muntu uwanwa umulopa elyo inkamufumyako ena mukati kubantu bakwe. ¹¹ Pantu ubumi bwanama bwaba mumulopa waiko. Napele umulopa waiko kuli imwe mucita icikonsolwelo pacibokoshi cama funde kumyeo yenu, pamulandu mulopa uyo utontolola, pantu mulopa uyo utontolola pabumi. ¹² Kanshi ine natila kubantu babena Israele ukuti nangu umo mukati kenu tafwile kunwa umulopa. ¹³ Nangufye onse umutulatulafye uwikalamukati kabo, uulunga nokwipaya inama yonse nangu iconi ico icingaliwa, ulya muntu afwile ukumufumyamo umulopa nokushika umulopa mumushili. ¹⁴ Pantu ubumi bwacila cibumba mulopa waciko. Ecalengele ine nande kubantu babena Israeli, ''tamufwile kunwa umulopa waciliconse icibumbwa, pantu ubumi bwacila cibumbwa icamweo mulopa waciko. Uyo onse uwalya cena afwile afumishako. ¹⁵ Umuntu onse uwalya inama yonse iyo iyafwa nangu iyo iyatakanishiwa necinama campanga.Obe ulya muntu umwina calo nangu umutulatulafye uleikala mukati kenu, ena afwile ukuwasha ifyakufwala fyakwe elyo asambe umwine mumenshi, elyo ena abe uwakowela mpaka ubushiku. Elyo ena akasanguluka. ¹⁶ Lelo ena ngatawashishe ifyakufwala fyakwe nangu ukusamba umubili wakwe, elyo ena afwile ukuba nomulandu wakwe.''