¹ Ngapali ukupusana pakati kabantu elyo baya kucilye, elyo abapingushi babapingula, elyo uwabula umulandu bakamucita uwakaele nokuseka uwamulandu. ² Uwamulandu nga afwaikwa ukumwa, elyo umupingushi alimgile ukulenga uwamulandu ukukupama nokumufopola pa cinso cakwe nempendwa yafikoti, ukulingana no mulandu. ³ Ka pingula limbi ukuti amuuma ifikoti amakumi yane, leelo tafwile ukucilapo; pantu nga acishapo pampendwa nokumufopola ifikoti ifingi, elyo umwina Israeli munenu akebaulwe pafinso fyenu. ⁴ Tamufwile ukukaka ing'ombe kukanwa ilyo ilenyantaula ing'ano. ⁵ Baminyina ngabaleikala pamo elyo umo afwa, ukwabula umwana mwaume, elyo umukashi wawafwa talingile ukumufya kuli umbi uushili wa mulupwa. Leelo, munyina wa mulume wakwe afwile amubuula ukuba umukashi wakwe, nokubomba umulimo wa mulume wakwe uwafwa kuli ena. ⁶ Cili nokuba ifyo pakuti ibeli ilyo akamufyalila likapeelwa ishina ilyakwa munyina uwafwa, pakuti ishina lyakwe likaloba mu Israeli. ⁷ Leelo nga cakuti munyina talefwaya ukubula umukashi wakwa munyina ngomukashi wakwe, elyo umukashi wakwa munyina afwile ukuya ku mpongolo kuli bacilolo nokusosa, 'Munyina wa mulume wandi nakana ukwimya ishina lyakwa munyina mu Israeli; takabombe umulimo wakwa munyina kuli ine.' ⁸ Elyo bacilolo bamumusumba bafwile ukumwita nokulanda naena. Leelo ngacakuti akanininafye nokulanda, 'Nshilefwaya ukumubuula ena.' ⁹ Nomba umukashi wakwa munyina afwile aya kuli ena pa menso yabakalamba, ukufuula indyato kumakasa yakwe, nokumufwishila amate kumenso. Afwile amwasuka nokusosa, 'Ifi efikacifwa ku muntu uushikulila munyina ing'anda.' ¹⁰ Ishina lyakwe liketwa mu Israeli, 'Ing'anda ya uyo untu indyato yafulilwe.' ¹¹ Nga bantu balwishanya, nomukashi waumo aisa mukupususha umulume wakwe mukuboko kwa umumine, nga atambika ukuboko nokwikata kufilindwa fyabufyashi, ¹² elyo ufwile ukuputula ukuboko kwakwe; Ilinso lyobe talifwile ukumubelela uluse. ¹³ Tamulingile ukukwata mumufuko wenu amabwe ayapusana pusana, ilikulu nelinono. ¹⁴ Tamulingile ukukwata mu nganda yenu indupi ishapusana pusana, ulukulu nolunono. ¹⁵ Icapwililika kabili icalungama ukufina eco mufwile ukukwata; icipwililika kabili icalungama ukufina eco mufwile ukukwata, pakuti inshiku shenu shikabe ishingi mu calo ico Yawe Lesa wenu alemipela. ¹⁶ Pantu bonse abacita ifi fintu, imicitile yabo tayalungama, bamuselu kuli Yawe Lesa wenu. ¹⁷ ibukisheni ifyo Amaleki acitile kuli imwe pamusebo ilyo mwalefuma bu Egypto, ¹⁸ ifyo amukumenye mumusebo nokusansa abo abali kunuma, bonse abanakile kunuma, ilyo mwatembwike nokunaka; tacindike Lesa. ¹⁹ Eico nomba, ilyo Yawe Lesa wenu namipeela ukutusha ku balwani benu abamishinguluka, mucalo ico Yawe Lesa wenu alemipeela ukucikwata nokucipyaninina, tamufwile ukulaba ukonaula icibukisho cakwa Amaleki mwisamba lyamuulu.