¹ Ilyo ukesaingila mu calo ico Yawe Lesa obe akakupela nge cakupyanina, kabili ilyo ukapoka ici nokwikala muli ici, ² elyo ukabulepo fimo pafya kubalilapo fyonse ifya busomboshi ifya mu calo ico Yawe Lesa obe akupele. Ukafibike mu museke no kuya ku ncende iyo Yawe Lesa obe aslile nge cifulo ca mushilo. ³ Uli nokuya kuli shimapepo ukakupyungila mu nshiku shilya nokutila kuli ena; naishiba ileelo kuli Yawe Lesa obe ukuti ninjisa ku calo ico Yawe alapile ku fikolwe fyesu ukupela kuli ifwe.' ⁴ Shipepo akabule umuseke ukufuma muminwe yobe nokubika panshi pantanshi ya cipailo cakwa Yawe Lesa obe. ⁵ Ukatile ku ntanshi takwa Yawe Lesa obe, 'Ifikolwe fyandi fyaleshinguluka mu Aramu. Aile tentemukila mu Egypto nokwikala kulya, nabantu bakwe bali abanono mu mpendwa. Kulya baileba abakalamba abamaka, kabili icalo icaishibikwe. ⁶ Na bena Egypto baletucita ububi nokutucusha. batulengele ukubomba imilimo ya busha. ⁷ Twalilile kuli Yawe, Lesa waba shifwe, nao aumfwile ishiwi lyesu nokumona pakucula kwesu, na pakucitikishiwa kwesu. ⁸ Yawe atufumishe mu Egypto ku minwe iyamaka ku kuboko ukwamaka no kutinya ukukalamba ne fishibilo, kabili ne fipapwa; ⁹ kabili atuletele kuno ku cifula nokutupela cino calo, icalo umwaba umukaka no buci. ¹⁰ Nomba mona, naleta ifya busomboshi ifyabalipo ifya imwe, Yawe, ampela.' Ukufibike pantanshi yakwa Yawe Lesa obe nokupepa ku cinso cakwe; ¹¹ kabili ukasekelele pa busuma bonse ubo Yawe Lesa obe akucitila, mu ng'anda yobe- iwe, nomwina Lebi, no umutula tula uuli mukati kobe. ¹² Ilyo ukapwisha ukapele fyonse ifya pekumi ifya busomboshi bobe mu mwaka wa butatu, uuli, umwaka wa cekumi, elyo ukafipele ku mwina Lebi, kumutula tula ku mwana wa nshiwa, na kuli mukamfwilwa, pakuti bakalye mukati kampongolo sha musumba obe kabili bakekute. ¹³ Ukatile ku cinso cakwa Yawe Lesa obe, ni mfumya mu ng'anda yandi ifintu ifya kupela kuli Yawe, nokufipeela ku mwina Lebi, kumutula tula, ku mwana wa nshiwa, nakuli mukamfwilwa, ukulingana na mafunde yenu yonse ayo mwampele. Nshipulile mu mafunde ayali yonse pamafunde yenu. Nangula ukuyalaba. ¹⁴ Nhalilpo icili cionse mukuloosha, nangu ukucibika ukuli konse ilyo nali uwakowela, nangu napele ici conse pali ici mu mucinsdhi uwafwa. Nakutike kwishiwi lya kwa Yehoba Les awandi, nalikonkele fyonse ifya mwankambishe ukucita. ¹⁵ Lolesheni panshi ukufuma pa ncende ya mushilo apo mwaikala, mwaikala, ukufuma ku mulu, no ku paala abantu benu Israele, ne calo ico mwatupele, nge fyo mwalapile kubafyashi besu, icalo icabamo umukaka no buci.' ¹⁶ Ilelo Yehoba Lesa obe alekukonkomesha ukulakonka ifipope ifi no bupingushi, uli no kubasunga noku bacita ku mutima obe onse no mweo obe onse. ¹⁷ Naulanda ilelo ukuti Yehoba ni Lesa obe, no kwenda munshila shakwe no kusunga ifipope fyakwe, amafunde yakwe, no bupingushi bwa kwe, na lintu ulekutika kwishiwi lyakwe. ¹⁸ Ilelo Yawe alandile ukuti muli bantu abo akwata, ngefyo amulaile kabili nimwe mukasunga amafunde yakwe yonse, ¹⁹ kabili ali nokumisansabika pa fyalo fyonse ifyo apanga, kabili mukapokelela ukutasha ukwishibikwa, no mucinshi. Mukaba abantu abakapatwilwa kulubali lwakwa Yawe Lesa nga mulya mwine asosele.''