¹ Kabili Mose atile, ''Nga cakuti umwaume aupa umwanakashi uushimesekeshe pantu amonamo kamo akab, elyo alemba kalata wakumulekelapo, apeela no mwanakashi, amitamfya na mu ng'anda yakwe. ² Kabili ngacakuti afuma mu ng'anda yakwe aya upwa ku mwaume umbi. ³ No mulume wacibili amupata nokumulembela kalata wakulekaninapo, amupela, amutamfya namung'anda yakwe; nangu nga cakuti umulume uyu umulume wacibili afwa-- ⁴ lyena ninshi umwaume wapakubala uwamutamfishe tasumishiwe ukumubwesha nakabili; pantu balimukowesha elyo nga amubwesha cintu cabipa kucinso cakwa Yawe. Mwikalaleta ububifi pa calo, Yawe Lesa wenu ali mukumupela ngecacishilano. ⁵ Nga cakuti umwaume elyo opile, tafwile kuya ku nkondo nangu ukupeelwa umulimo umbi. Pamwaka umo ali nokulaikalafye pa ng'anda pamwakwe, alesansamusha umukashi wakwe uo opile. ⁶ Tecakwesha kubula impelo shonse shibilinangu umwana wa mpelo ukuba icikatilo ca pa nkongole, pantu cimo no kubuula ubumi bwa muntu ukuba icikatilo. ⁷ Nga cakuti umuntu asangwa mukwiba umwina Israeli munankwe no kumucita umusha, nangu umushitisha, uwamwibile wakwipayafye; efyo mufwile ukulapwisha ububi pakati kenu. ⁸ Nga ni pa mulandu wa malwele ya fibashi, mukalesakamana ukulacita ngefyo bashimapepo, abena Lebi, bakulamweba; mufwile ukukonka bwino ifyo nabakonkomesha. ⁹ Muleibukisha ifyo Yawe Lesa wenu acitile kuli Miriamu mu nshila ilya mwafumine mu Egypto. ¹⁰ Ilyo wakongwesha umubiyo icili conse, tecakwesha kuya ingila mumwakwe mu ng'anda kukuya bulamo ico alefwaya ukukupeela nge cikatila mulandu. ¹¹ Iwe iminina panse no kulolela umwine uo wakongwesha eo ese ukupeela. ¹² Nga cakuti umuntu mulanda, wikaya kukusendama ilyo uciline cikatila mulandu. ¹³ Umubweseshe icakufimbana cakwe lintu akasuba takalawa pakutiakwate icakufimbana. Lyena akakutotela, kabili umulimo ukamoneka uwalungama pa cinso cakwa Yawe Lesa obe. ¹⁴ Wikalacenjela mubomfi uo waingisha incito umulanda kabili uukabila, nangu engaba mwina Israeli mubiyo, nangufye umwinafyalo uwikala mu musumba wenu umo; ¹⁵ cila bushiku ilyo akasuba takalawa uli nokumulipila, pantu mulanda alekabila ayo malipilo yene. Nga taulemulipila kuti akulilila kuli Yawe, nobe ninshi ukakwatilapo umulandu. ¹⁶ Bashibo ba bana tabali nakufwila pamilandu yacita abana babo, nabana nabo tabali nakufwila pamilandu yacitwa nabashibo. Cila umo ali nokufwila pabubifi akacita umwine eka. ¹⁷ Mwikalapoka abena fyalo nangu bakashiwa isambu nangu ukupokolola mukamfwila icakufimba, pakuba icikatila umulandu. ¹⁸ Mukaleibukisha ukuti nemwe bene mwali abasha ku Egypto, kabili Yawe Lesa wenu awamulubwile nokumufunyamo emulandu wine namukonkomesesha ukulacita ici. ¹⁹ Ilyo mulelobolola ifisabo mwibala lyenu, nomba mwalaba umwanshi, mwikabwelelamo kukuyabula; ifyo fisabo mukalefishila abena fyalo, bakashi naba mukamfwila, pakuti Yawe Lesa wenu akalemupala mufintu fyonse ifyo mukalabomba neminwe yenu. ²⁰ Ilyo mulelukusha imi Olifa umuku yakabalilapo mwikalabwelela kumisambo ukuyalukusha umuku yabubili; notusheleko twena mukalelekela abena fyalo, nabakashiwa, nangu bamu kamfwilwa. ²¹ Ilyo mwapwisha ukusaba ifitwalo fyamyangashi mwibala lyenu, mwikalabwelelako nokuyasabamo utusheleko mukalelekela abena fyalo, nakashiwa, naba mukamfwilwa. ²² Mukaleibukisha ukuti nemwe bene ukuti abasha ku Egypto; emulandu wine namukonkomesesha ukulacita ici.