Se rua nga pulu’ o epat tu’a-tu’a wo se epat tekapen ¹ Kamurian witu e ni’itu niaku ku limoo’: Eng kaulitna, e nesa pepalen minawuka’ waki sorga wo en suara eng ketareanna liningaku mola, limila’ wia niaku tanu e legu’an en sesebungen, pokeiyna: Lumongkotouw wia nyi’i wo Niaku ku laa metetudu’la wia nikoo sapa e lewo’ sa reiy’ mamuali nu reiy’ mouw e nyi’i. ² Makarengan niaku ku kinuasa’ala ni Roh wo loo’onouw, e nesa takhta rimedeiy waki sorga, wo witu en takhta i ti’i rimuber Siesa tou. ³ Wo Nisia si rimuber witu en takhta i ti’i si paloo’ola tanu mokan em permata yaspis wo em permata sardis; wo e nesa kole’ kimungkungla en takhta i ti’i e maserengat masena’ tanu mokan en zamrud paloo’ola. ⁴ Wo eng kaledong en takhta i ti’i wawean rua nga pulu’ o epat takhta, wo witu en takhta-takhta i ti’i rimuber se rua nga pulu’ o epat tu’a-tu’a, se minake labung puti’ wo e mahkota mas witu eng kokong nea. ⁵ Wo witu en takhta i ti’i kimaluari eng kerap wo legu’an e lenter maeder, wo em pitu warung melaya-layas witu en sinaru en takhta i ti’i: ni’itu mouw em pitu Roh ni Empung. ⁶ 6 Wo witu en sinaru en takhta i ti’i wawean e lawanan kaca en tanu mokan eng Kristal; witu eng keuneran en takhta i ti’i wo witu eng kaledongna wawean se epat makhluk se winuta’an ampit em beren, witu esa nga weka en saruan wo witu esa nga weka murian. ⁷ Sapa tu’u si makhluk kasa ketare si masuat tanu si singa, wo si makhluk eng karua si masuat tanu si oki’ ni sapi, wo si makhluk eng katelu si makapunya eng gio tanu eng gio ni tou, wo si makhluk eng kaepat si masuat tanu si burung nasar kasuatan mateleuw. ⁸ Wo se epat makhluk i ti’i siesa o siesa se maka kale’ekeuw enem, eng kaledongna wo witu esa nga weka eng goremna wuta ampit em beren, wo ampit e reiy’ siena’na nisea se maaleiy oat o wengi: “Kudus, kudus, kudusouw si Empung Tuhan, Si Kasakuasa, si wia mouw wo si wia wo si laa meiy.” ⁹ Wo susur se makhluk-makhluk i ti’i se masempela em puji-pujian, wo e normat wo matotor syukur wia Nisia, si rimuber witu natas en takhta i ti’i wo si timou i ka’ayo eng keure-urena, ¹⁰ takar i kasungkurouw se rua nga pulu’ o epat tu’a-tu’a i ti’i witu en sinaru-Na si rimuber witu natas en takhta i ti’i, wo nisea se masempe Nisia se timou i ka’ayo eng keure-urena. Wo nisea se limawala e mahkotana witu en sinaru en takhta i ti’i, kasuatan meila’: ¹¹ “Ya Tuhan wo Empung meiy, Nikoo koo waar maka’ato em puji-pujian wo e normat wo eng kuasa; karengan Nikoo koo simiwola e reiy’ sa mina’asa wo’o sapa; wo karengan eng kepa’aran-Nu em baya nyi’a i ti’i em bia wo en siniwola.”