Pasal 5
1
Karengan nikeiy keiy mete’u, kaa sa en dasing tampa paena’an ta wia em bumi i yi’i eng gogharen, Empung si timiro’ mola e nesa tampa paena’an waki sorga i wee nikita, e nesa paena’an ke’ekel, e reiy’ siniwo e lawas ni tou.
2
Eng keurean kita witu eng gorem en dasing i yi’i, kita menga’angal, karengan nikita ta lumelo makela en tampa paena’an sorgawi witu natas en tampa paena’an ta en teakan i yi’i,
3
karengan ampit en tuana nikita ta limabung wo reiy’ niatola poteiy.
4
Karengan eng keurean maena’pe’ witu eng gorem en dasing i yi’i, kita menga’angal karengan em buterna e nubelan, karengan nikita ta pa’ar mepepakela e labung weru i ti’i reiy’ ampit mangkulela e nure, rio e laa materi i ti’i e ne’enepen e matou-tou.
5
Ta’an si Empungouw si ulitna metetiro’la nikita i wee eng kapualitan i ti’i wo e kumaruniala Roh, wia nikita tanume e neram e reiy’ sa mina’asa wo’o sapa en tiniro’ mola i wee nikita.
6
Takar eng karengan e ni’itu e nate meiy e reiy’ maena-ena’ kelut, ma’anouw tu’u keiy mete’u, kaa eng keurean nikeiy nu maena’ witu e nouwak, nikeiy keiy wa’akate’ waki si Tuhan,
7
– karengan em patou-touan neiy i yi’i nyi’a mouw em patou-touan karengan e ma’eman, e reiy’ karengan e limoo’ –
8
ta’an e nate meiy eng kelut, wo eng kasa kepa’ar meiy merala wia e nouwak i yi’i kaa laa mena-ena’ witu si Tuhan.
9
Karengan e ni’itu mouw kangkasi nikeiy keiy me’inakut, le’os keiy mena’ witu eng gorem e nouwak i yi’i, ka’apa tu’u keiy mena’ witu e luarna, rio keiy mekepa’aren wia-Nisia.
10
Karengan nikita nu waya ta lewo’ sa reiy’ sumaru e reruberan em paadilan ni Kristus, rio susur tou si maka’ato sapa e waar sungkulenna, minatoroan ampit en tinuananala witu em patou-touanna i yi’i, le’os ka’apa tu’u lewo’.
Pasempungan i wee em pale’osan
11
Kete’uan neiy sapa em penoronna meide’la si Tuhan, karengan e ni’itu keiy me’inakut me’emanla sitou. I wee si Empung e nate meiy em pakaloo’o-loo’ola ampit eng kalenona wo niaku ku maarap e nate meiy e leno kangkasi tuana i wee em pemili-milingen niouw.
12
Ampit e nyi’i nikeiy keiy reiy’ me’inakut meloo’o-loo’or en tou meiy mekasape’ kasi wia nikouw, ta’an nikeiy keiy pa’ar mee kalempotan wia nikouw kaa laa sumawa’la nikeiy, rio kouw toro sumarula se tou-tou se mesawa’ karengan eng kapualitan-kapualitan lahiriah wo e reiy’ batiniah.
13
Karengan sa keiy reiy’ kumuwasala en tou, eng kapualitan i ti’i nyi’a mouw em bitu em pasempungan ni Empung, wo sa keiy kumuwasala en tou, eng kapualitan i ti’i nyi’a mouw i wee em pe’uku-ukumen niouw.
14
Karengan e nupus ni Kristus eng kimuwasala nikeiy, karengan nikeiy keiy mangarti mouw, kaa sa siesa tou si minate mouw i wee em baya ne tou, takar nisea nu waya se minate mouw.
15
Wo si Kristus si minate mouw i wee em baya ne tou, rio nisea se matou-tou, se reiy’ mouw kasi matou-tou i wee en touna nuesa, ta’an i wee Nisia, si minate mouw wo si tino’oromi i wee nisea.
16
17
16 Karengan e ni’itu nikeiy keiy reiy’ mow kasi maloo’ola siesa tou tu’u kangkasi i ki’it e nukuran ni tou. Wo sa nikeiy keiy mekasa mouw limoo’ola si Kristus i ki’it e nukuran ni tou, en teakan nikeiy keiy reiy’ mouw kasi maloo’ola Nisia tuana. 17 Ni’itu mouw seiy si witu eng gorem ni Kristus, nisia nyi’a mouw si siniwo weru: e nure e limangkoiy mola, eng kaulitna em beru e mineiy mouw.
18
Wo em baya nyi’a i yi’i e waki si Empung, e nampit nieletala ni Kristus e minapale’osola en tou ta ampit en tou-Na wo e minapa’emanola em pasempungan pinale’osan i ti’i wia nikeiy.
19
Karengan si Empung si minapale’osela eng kaoatan ampit en tou-Na karengan si Kristus ampit e reiy’ minaparekenla eng kaselokan nea. Nisia si minapa’emanola e nabar pinale’osan i ti’i wia nikeiy.
20
Ni’itu mouw nikeiy i yi’i nyi’a mouw keiy tetoke-tetoke ni Kristus, en tanu mokan si Empung si ngime’enge’la nikouw ampit e nieletan neiy; witu e ngaran ni Kristus nikeiy keiy makiwee wia nikoo: i wee mouw en toumu pale’osela ampit si Empung.
21
Nisia si reiy’ makasine’u en dosa si siniwo-Na mola minamuali dosa karengan nikita, rio witu Nisia kita i ulitela ni Empung.