Pasal 8
Tanume en sesempe paepungen
1
Tanume e le’ona en sesempe paepungen eng kete’uan ta: “Nikita nu waya ta makapunya en tine’u.” En tine’u tuana en sumiwo sitou mamuali tingkeiy, ta’an e nupus e mebangun.
2
Sa wawean siesa tou si mapokeiy’la, kaa nisia si makapunya e nesa “tine’u”, takar nisia si reiy’pe’ kangkasi mina’ayola en tine’u, tanu eng kumura e lewo’ sa reiy’ ayonnala.
3
Ta’an sitou moupusla si Empung, nisia si kasine’uan ni Empung.
4
En tanume eng kapualitan kumaan e le’ona en sesempe paepungen nikita ta mete’u: “e reiy’la paepungen wia eng kaoatan wo e reiy’la si Empung walina waki si Empung si esa.”
5
Karengan ma’anouw tu’u wawean en sapa si patotoren “empung”, le’os waki sorga, ka’apa tu’u wia e napul – wo memang ulit wawean kelaker “empung” wo kelaker “tuhan” se tuana –
6
ta’an wia nikita wawean siesa Empung i te, nyi’a i ti’i si Ama’, waki-Nisia e nasal e reiy’ sa mina’asa wo’o sapa wo i wee Nisia kita matou-tou, wo siesa Tuhan i te, nyi’a i ti’i si Yesus Kristus, eng karengen Nisia e reiy’ sa mina’asa wo’o sapa en siniwo mola wo eng karengan Nisia kita matou-tou.
7
Ta’an e reiy’ em baya ne tou se makapunya en tine’u i ti’i. Wawean tou, eng karengan se minapawee-weepe’ neiy i kewa’akes witu em paepungen-paepungen, mekaan e le’ona i ti’i tanume e le’ona en sesempe paepungen. Wo eng karengan e nate nea e lewea’, e nate nea i ti’i en sineringan e nyi’a.
8
“Eng kekaanen e reiy’ mali nikita lebe tawi wia si Empung. Nikita ta reiy’ rugi sapa-sapa, sa kita reiy’ kumaan wo nikita ta reiy’ kinamang en sapa-sapa, sa kita kumaan.”
9
Ta’an tayuranouw, rio eng kewaya’annu i yi’i te’a mamuali watu kasu’usu’an wia nisea nu lewea’.
10
Karengan sakawisa se tou lumoo’ nikoo nu makapunya en “tine’u“, kasuatan rimuber witu eng kuil paepungen, e reiy’ ku’a re’en sitou lewea’ ate i ti’i si kineterla kaa laa mekekaan e le’ona en sesempe paepungen?
11
Ampit e lalan tuana sitou lewea’, nyi’a i ti’i si patuarimu, i wee nisia si Kristus minate mouw, si mina puneng karengan en “tine’u“mu.
12
Sa nikoo kaa eng kenaramen tuana koo maka dosa wia se patuari-patuarimu wo mepali’la e nate nea nu lewea’, nikoo witu eng kaulitanna koo maka dosa witu si Kristus.
13
Karengan e ni’itu sakawisa eng kekaanen e mamuali watu kasu’usu’an wia se patuariku, niaku i wee eng keure-urena ku reiy’ mouw laa pa’ar kumaan e le’ona kasi, rio aku te’a mamuali watu kasu’usu’an i wee se patuariku.