1
Memang se tou se liminga, kaa wawean pesa’amekan witu e nelet miouw, wo em pesa’amekan tuana rupa, tanu e reiy’ niato ma’anouw tu’u witu e nelet ne bangsa-bangsa se reiy’ sumine’u si Empung, nyi’a i ti’i kaa wawean tou si matou-tou ampit si ka’awu ni ama’na.
2
Ma’anouw tu’u tuana nikouw kouw tingkeiy. Reiy’ ku’a re’en e lebe waar kouw mengasi’ wo ma’akatla sitou si matuanala eng kapualitan i ti’i witu eng keuneran niouw?
3
Karengan niaku, ma’anouw tu’u eng kenaramen e nouwakeku e reiy’ witu, ta’an eng kenaramen e rohaniku em bitu, niaku ku – masuat tanu niaku nu witu – minee mola ukuman wia nisia, si timuana mola eng kapualitan tanu e ni’itu.
4
Sakawisa ta merur witu e roh, nikouw kouw mewali-wali ampit niaku, ampit eng kuwasa ni Yesus, Tuhan ta,
5
sitou i ti’i si lewo’ sa reiy’ i sarakan ta witu e ngaran ni Tuhan Yesus wia si Iblis, i ka’ayo mapuneng e nouwakna, rio e rohna e lawiren witu e nendo ni Tuhan.
6
Eng kesawa’annu reiy’ le’os. E reiy’ mete’u ku’a re’en nikouw, kaa en toyo’ ragi en tumeruwunla e minapekasa eng kayo’an?
7
I terekouw e ragi ure i ti’i, rio kouw mamuali kayo’an weru, karengan nikouw kouw memang reiy’ siragi. Karengan sioki’ ni domba Paskah ta kangkasi si rineretanouw, nyi’a i ti’i si Kristus.
8
Karengan e ni’itu meiy mouw kita melesir, reiy’ ampit e ragi ure, reiy’ kangkasi ampit e ragi kawurukan wo eng kalewo’an, ta’an ampit e roti reiy’ siragi, nyi’a i ti’i eng kalenasan wo eng kaulitan.
9
Witu en suratku neiy ku mouw i patikla wia nikoo, rio kouw te’a makasewok ampit se tou-tou sa’amek.
10
Em pemaksutkula e reiy’ ampit em baya ne tou sa’amek witu eng kelakeranna wia eng kaoatan i yi’i ka’apa ampit em baya ne tou te’etew wo se menenowo ka’apa ampit em baya ne sumesempe em paepungen, karengan sa tuana kouw lewo’ sa reiy’ tumele’ula eng kaoatan i yi’i.
11
Ta’an e neiyku i patikla wia nikouw nyi’a mouw, rio kouw te’a makasewok ampit se tou, ma’anouw tu’u si matotor en touna patuari, nyi’a mouw sitou sa’amek, te’etew, sumesempe em paepungen, menenero’, tetoeken, ka’apa menenowo; ampit se tou tuana te’a mouw kouw ma’an mekasa kumaan mewali-wali.
12
Karengan ampit eng kuwasa sapa ku’a re’en ku ma’akim’la nisea, se witu luar en jema’at? E reiy’ ku’a re’en nikouw kouw ma’akim i te se witu en jema’at?
13
Nisea se witu luar en jema’at se laa akimen ni Empung. I ure’ mouw se tou simiwola eng kalewo’an witu eng keuneran niouw.